大家好呀,星期日我參加o左香港電台Teen Power o既"職安 Power 全起動"頒獎禮
 

活動開始喇,同MC紫龍同阿Lu 講o下今次做評選o既感受先~

之後就要讀出得獎者喇,o係度要唔該阿Lu要幫我呢個文盲讀o的名俾我聽

今日有歌手鍾舒漫同Rubber band,你睇我坐頭位睇明星幾開心...呵呵呵

好啦,頒獎禮完畢,o黎個大合照啦,留意左邊我企o係鍾舒漫隔離o架,可惜機會合照啦~~

好啦,放大睇清楚o的

之後同紫龍影張相啦

走o個陣見到o的得獎者同rubber band影合照,我好唔知醜咁逼入去影番張...哈哈哈

如果想知多o的關於呢個比賽o既可以上番港台Teen Power o既網頁睇睇:

http://www.teenpower.rthk.org.hk/teenspecial/ohsc09_10/

哈哈雖然我o既生日已經過o左,但慶祝o既活動繼續~~  

今日決定入馬灣郊遊o下,搭船之前o黎杯熱咖啡先~

本來想飲番上次o既薑味咖啡,點知已經   得賣喇,就試o下呢個新o既dark cherry,味道唔錯

近來我幾鍾意星吧o的節日限定口味~~

好,上船喇,出奇地唔係好多人馬灣,架船都幾空o下~~

收到友人o既生日咭,成本書咁厚 

掀入去,原來係立體o既,好得意 

另外一頁,馬樓仔會隨住你掀開而郁   

搭船最好聽住音樂,超捨意 

見唔唔見到i pod shuffle裡面有我呀...哈哈

你睇,經過青馬大橋啊

 仲見到軍艦o添~~

好啦,搭o左大約廿分鐘就到喇,同隻螺影張相先   

其實馬灣都幾大,慢慢行都行到一個下午    

而且環境都幾舒服 

源住樓梯慢慢行就到山頂,上到o黎o的空氣都清新o的

雖然話馬灣公園,但裡面冇咩生物睇,奇怪公仔就   好多......

落番o黎行o下海灘先     

不過o的救生員放晒假,所以唔想死就唔好游水喇    

有好多人影結婚相,後面係挪亞方舟   

挪亞方舟o既門口

好啦,玩到天黑,青馬大橋都著燈喇    

好啦,下集繼續,下集會講我夜晚o左咩,總之好味啦~~~

新年快樂呀大家! 希望大家有個開開心心o既2010

話說上幾日我終於試到便便餐廳喇~~點解我話"終於"?,因為一直機會試,加上朋友們都耍手寧頭,所以就算便便餐廳開o左好耐都未試過

不過上幾日因為要早起做o野所以一早就o係街度,可能咁早冇咩胃口,友人竟然話入去試o下,好啦就入去試o下啦

其實入面o的裝修我都大約知咩樣o架喇,例如馬桶凳~

檯係洗手盤o黎,因聖誕所以多o左個聖誕公仔

檯上仲有小便禁止o既提示,唔通之前有人.........

牆上都有好多裝飾,例如唔到花紋o既廁所板

仲有一個又一個o既尿兜都有....太搞笑喇

打開餐牌,o的o野食都係擺o係o的廁所型器皿度o既...呵呵

甜品更誇張,因為o的雪糕一pat pat,好易令人諗到係......

哈哈哈

好啦,我嗌o既o野o黎喇,我叫o左個鹵水雞翼撈麵

撈麵擺o係個浴缸度,本來以為間餐廳都係賣搞笑,o的食物應該麻麻o地,點知個撈麵竟然好好味~~

友人叫了雞扒拉麵,拉麵用洗手盤碗上,都幾得意

我仲嗌o有杯可樂,用尿兜上,好有"風味"...哈哈

o黎得便便餐廳梗係要影o下個真廁所啦...呵呵

最後o係門口影張相先,雖然便便餐廳o既裝修都幾特別同食物水準都幾好,但諗如冇必要我都唔會常o黎喇....嘻嘻嘻 (話晒用便便器o黎食飯唔係每日都想做o既事o麻~~哈哈)

哈o羅~上星期o既有我o既訪問,出書o個日仲要係我o既生日o添

今個訪問有列出今集新書o既新角色,除o有呢爸呢媽之外仲有蔡san...嘻嘻嘻

仲有我扮model示範用呢呢袋...哈哈(留意我個名變o左"作進"...我諗佢想寫作者梁進~)

o係度要多謝 o既訪問

今日係26號Boxing day,大家 冇禮物拆呀? 今日我就入o左西貢喇~

今日天氣涼涼地,o係海灘吹吹風都幾舒服

其實今日入o黎o既主要目的就係燒o野食,阿呢小隊o既傑他他老伯同我朋友都講過呢度唔錯,今日一於o黎試o下  

入之前要買o左飛先~

入場前會cup個火火印俾你,我開頭以為係雞翼o黎...哈哈     

當你買飛o個陣  會俾幾張卷你,每人可換到一枝水、一鑵汽水、燒烤叉同碟~

好啦,換完o野搵到位坐後就可以出o黎羅o野喇~

度o既食物種類都算ok多,燒o野食基本有o既都會有,例如唔同種類o既丸呀、腸呀、雞翼呀、扒呀咁

仲有多春魚、秋刀魚同咖喱魷魚o添 

麵包方面有厚方包同法包,法包仲可以搽蒜容醬,好好味~~

場內都有少少熟食,例如薯條、燒賣魚蛋、茶葉蛋、炒飯等等   

呢度o的調味料都幾多,而且o的黃心蕃薯好好味     

順帶一提,如果想要碩紙包蕃薯係要另外買o既,但我o地唔用碩紙都一樣得,所以唔太介意就可以慳番  

好,羅o左o野食,就可以開始燒喇   

燒   ~~

再o黎,燒   ~~

    o地睇我燒o野雞中翼燒得幾完美!

就連豬扒都一樣燒得完美,原來   係有燒o野食o既天份o既...呵呵呵

搽牛油燒栗米都幾好味,不過其實自己鍾意打邊爐粟米多o的     

個場都幾大幾舒服,一班人o黎玩都唔錯     

由天光燒到天黑,食飽飽就走喇,夜晚仲愈o黎愈多人o黎  

臨走前影o下個價錢牌俾大家睇啦   

好啦,連放幾日假玩得好開心呀,又係回歸趕稿o既時候喇...呵呵  

祝大家有個開心o既假期啦