文章發表於: 七月 2008
各位讀者好友：
不難發現，＜花與愛麗斯＞好像一下子完全停頓了下來．故事其實並未完結， 只因本人近日抱恙再加上生活上有些突發轉變所致！謹此向各位有追看開的朋友衷心致歉！
本人正加緊文章的修改速度，務求儘快把餘下數章編改好，以愧讀友～～
現在先行預告＜花與愛麗斯＞的餘下章節及少許內容：
- 第四章 風暴－－吵鬧篇STORMING
- 第八回 爭吵QUARREL
- 第九回 遠飛DEPARTURE
- 第十回 相遇ENCOUNTER
在森林中，沒有人可以括免於風暴的吹襲，正如相戀中的情侶，沒有那一對可以完全避過爭吵，甚至風暴的日子！因為我們都是來自不一樣的生活背景，被不一樣的教育而薰陶．．．
樂花（FLORA）與韓峰（BRIAN）的矛盾正式揭幕；而小倆口施麗愛（ALICE）和杜子康（HONG）又有些什麼波折／障疑呢？
- 第五章 結果－－結局篇ENDING
- 第十一回 領悟CONSCIOUSNESS
- 第十二回 夢醒AWAKEN
風暴過後，叢林萬物都得到洗禮，其中尤以百花盛放得更燦爛，有些甚至更能開花結果！
兩個女孩子，不一樣的人生，不一樣的故事，最終是禍是福，不日自有分曉～～
綠悠 匆筆
第七回 遊樂場 PLAYGROUND
背景： 嘉年華會遊樂場
EDMOND：嘩，康哥哥，今年到底吹MUG嘢風，你竟然主動搵我陪你嚟嘉年華會？你唔係話依Ｄ係俾個Ｄ細路仔，細路女嘅無聊節目嚟架咩？
HONG：總之今日有Ｄ特別，你就拜託收吓把口，等陣見到人哋時千祈咪亂o翕呀．．
EDMOND：人哋？邊位呀？一定唔係男人啦．女人，我姑媽，NO，我堂妹，唔係．．咁唔通，女朋友？．．嘩．．你笑喎，死囉，你竟然笑喎！！！死喇．．世界變喇，你竟然都會有女朋友，佢係咪有Ｄ問題架，竟然有咁玉樹臨風嘅我唔揀，揀你依個世紀末蛀書蟲，佢一定有病！喂，你做MUG唔出聲呀？收收埋埋，神神秘秘咁，快Ｄ從實招來喇喎．
HONG：佢係咪有病你等陣咪知囉．．依，等等〔手提電話〕喂．．唔．．我地依家响入口左邊個度等緊你．．哦，唔緊要啦，你地慢慢行啦，等陣見．．
ALICE：唔．．等陣見．．
JESSIE：喂，你打電話俾邊個呀，今日唔係得我同你咋咩？
ALICE：唔係，仲有兩個．．朋友囉．．
JESSIE：朋友？咁特別？我識唔識架？
ALICE：今日之後咪識囉．．
JESSIE：唔．．星座書話我今日有意外．．驚喜．．你咪嚇我喎．．
ALICE：行多幾步啦．．就快見到架喇．．到時你咪知囉
JESSIE：依，你好少咁神秘架喎．．
ALICE：到喇，到喇．．康．．
HONG：ALICE．．
ALICE：唔好意思呀，遲咗．．
HONG：都係一陣啫．．呀，係，依位係我堂弟ＥDMOND，依位係ALICE同埋佢好朋友JESSIE．．
EDMOND：〔唔咸唔淡普通話〕你姣，阿哨，喎很高先認SIT你
ALICE：係．．你好．．
JESSIE：ALICE，依位係？
ALICE：佢．．佢係我〔小聲〕男．朋友．．阿康
JESSIE：呀．．．噢．．SORRY
HONG：你好，JESSIE，ALICE成日都有提起你架．．
JESSIE：不過，佢呢，重色輕友囉，都無同我提起過你！
EDMOND：依位小姐，你咁講就唔啱喇噃，你又唔係ALICE小姐嘅令壽堂，佢都唔駛吓吓都同你報告啫，吓嘩？
JESSIE：喂，你依個呀邊個邊個，我地講嘢幾時到你插咀呀？
EDMOND：你依位呀邊位邊位，你講嘢呀？
HONG：好喇，好喇，你地又邊個又邊位咁，不如停戰先，入場啦，好嘛？
EDMOND：好，大哥叫到，小弟萬死不辭．．
JESSIE：哼．．咁你仲唔去‘市’．．
ALICE：JESSIE．．
ALICE：嘩，好熱鬧呀．．周圍都好多人呀．．
JESSIE：係囉．．真係好鬼死似年宵花市囉．．
EDMOND：唔同．．依度今年多咗Ｄ嘢．．
HONG：哦．．係？
EDMOND：就係我地嘅美女ALICE同．．野獸囉．．仲係多咀個隻．．哈哈
JESSIE：蝦，你．．哼，好過你係唐僧．．嘅徒弟豬八戒呀！
HONG：喂，你兩個呀，嗌咗咁耐，你哋把口唔勊，我同ALICE隻耳仔都悶啦！依家呢，我同ALICE就準備上去坐摩天輪喇，你地不如一齊？
EDMOND：嘩，要我同依隻多咀獸坐摩天輪，分分鍾摩天輪變飛天輪呀，咪攪
JESSIE：哼，鬼希罕同依Ｄ豬八戒一齊呀，咁即係‘困獸鬥’，真係閘住！我寧願去個邊Ｄ地攤睇吓嘢好過．．
EDMOND：唉，一於三十六著，走為上著，請請，請請．．．
HONG/ALICE：喂．．喂．．
＊ ＊ ＊ ＊ ＊ ＊
背景：摩天輪上
FLORA：嘻．．
BRIAN：傻妹，做咩响度傻笑呀？
FLORA：無呀，邊有傻笑啫．．．
BRIAN：你唔講，我就唔問o架喇．．．
FLORA：好喇，好喇．．我只係由細到大都無正式同男朋友坐過摩天輪，所以今日如願以償，有Ｄ開心，咁咪笑咗出嚟囉！
BRIAN：嘩，你當我三歲細路哥咩，你樂美人天姿國色，有咩可能從來無人同你坐摩天輪浪漫過呢？
FLORA：真o架，真o架 ！大學之前，屋企家教嚴，又係讀女校，邊有話可以拍拖呢．到讀大學個時，又要專心讀書，雖然有人追，但係多數都係一大班人出去，而Ｄ男仔又未有太好經濟能力，就算去街都係食餐飯，睇場戲咁啫，邊有咩浪漫呀．．所以以前就會成日幻想同心愛嘅人一齊坐响度,甚至有人响度同我求．．．
BRIAN：（打斷Flora話）哈，哈．．你依家好似同我‘匯報’緊咁播．．其實依家嘅年代，男女嘅關係都唔係以前咁架啦，你又唔駛講到自己好似好單純咁噃！
FLORA：喂，韓峰！你依句說話咩意思呀！你以為我樂花係咩嘢人！
BRIAN：OK，OK，SORRY，SORRY．當我講錯說話啦！我地難得係嚟開心嘅，唔好破壞個MOOD好無？
FLORA：哼．．．
BRIAN：好喇，依家公主又變成扁咀BEAR BEAR喇，唔知係咪想王子錫錫呢？咁．．我．嚟．喇
FLORA：嘻．嘻，你就想，你再過嚟，我開門跳出去架！
BRIAN：唔敢喇，美人，我乖乖坐定定就係啦．．．
FLORA：峰，我有Ｄ嘢想問你．．
BRIAN：係，公主即管問，奴才定必本死相告！
FLORA：咪玩啦，正經架．．．
BRIAN：OK．．認真．．法官大人請問！
FLORA：我．．我想知．．你有無諗過結婚呢？
BRIAN：吓．．
FLORA：我．．我．．我嘅意思係，大家都相處過一段日子．．我其實覺得大家都幾夾啫．．或者我地可以考慮吓再進一步囉．．．
BRIAN：喂，你睇．．下面Ｄ人幾細，原來响咁高望落去個種感覺係咁特別嘅．．．喂，不如我地下次去試吓SKY-DIVING 囉．．
FLORA：喂，BRIAN！！你到底做咩！點解每次我一同你講到依個TOPIC，你就一定會左顧右盼咁去敷衍我！依家我地响咁高嘅地方，你亦都避無可避，你今日點都要同我講清楚架喇！
BRIAN：．．． ．．．
FLORA：出聲呀！
BRIAN：OK，．．FLORA．我地大家都係成年人，處理各樣事情嘅時候，其實都應該成熟Ｄ
FLORA：你咁講係咩意思？
BRIAN：清楚D講，我唔想令你失望，我係唔可能同你結婚嘅！
FLORA：點解唔可能？．．．你．．．你已經結咗婚？
BRIAN：唔係，我未結過婚．．只係．．（深呼吸一口氣）我．．我已經有未婚妻喇！
FLORA：吓！！！
BRIAN：對唔住，FLORA，我唔係想隱暪Ｄ咩，我一直都想搵機會同你講清楚，只係無準備响咁嘅環境下同你講啫．．．
FLORA：（揭斯底里）你．．你唔需要再講任何嘢喇！（大力拍窗）出去呀，俾我出去呀！
BRIAN：FLORA，FLORA，你唔好咁啦！你冷靜Ｄ聽我講啦！（抱著她）
FLORA：你放開我呀！我有眼無珠，竟然．．竟然會愛上你依個騙子！
BRIAN：FLORA，你信我啦，我真係唔係有心呃你o架！我．．我對你嘅感覺係認真o架！！
FLORA：你既然已經有未婚妻，根本就無資格對我有感覺，點解你仲要嚟招惹我？！你亦根本無權利去認真，你又點能夠仲可以口口聲聲話對我動情？？
BRIAN：我．．．我都唔知．．
FLORA：你．．你．．唔知（慘笑）．．．我先應該話唔知點解千揀萬揀，就竟然揀咗你依個良心狗肺嘅衰人！！
BRIAN：FLORA．．．我．．．
FLORA：我樂花，今日發誓．．同你韓峰一刀兩斷，今日以後，恩斷意絕！(摩天輛停下，FLORA奪門而出)
BRIAN：FLORA．．．FLORA．．．
*** 第七回完 ***
第三章 盛放 -- 熱戀篇 PASSIONING
第六回 花圃 NURSERY
背景：夢之花花店
EMILY：早晨太太，有無嘢可以幫到你呀？
客人Ｃ：早晨，你好．我個BB，佢今個春天就要出世喇．所以我同我先生希望响花園度做個小園圃嚟迎接一個新生命嘅來臨啫．唔知有ｄ點樣嘅花比較適合呢？
EMILY：真係恭喜你呀，太太．咁開心嘅事，等我攞盆特別嘅花俾你啦．．〔搬櫈〕
嗱．．你坐低先啦，我入一入去吓．．
客人Ｃ：哦，咁唔該哂呀，小姐你真係好人喇．．
EMILY：唔．．太太．．就係依盆喇，你睇吓鍾唔鍾意？
客人Ｃ：依，依盆咪係馬蹄蘭．．不過，依．．Ｄ顏色好靚呀，有Ｄ粉紅，有Ｄ淺黃色，睇落真係好舒服呀．．
EMILY：係呀，依盆海芋由一送嚟我就特別鍾情架喇，因為真係好靚，好獨特，所以就留低養住先，希望為佢搵個適合嘅主人，今日似乎係好嘅機會喇．．
客人Ｃ：白色嘅海芋我就見得多，不過咁特別嘅就真係第一次見囉．．
EMILY：唔．．係囉．．你依家有咗ＢＢ，係最適合對住一Ｄ色澤淡雅Ｄ嘅花架，再加上海芋本身Ｄ香味亦唔係唔濃，真係好適合你種响你地嘅小花圃架喇．．
客人Ｃ：唔．．依一盆花真係好靚呀，不過係你嘅珍藏．．好似唔係太好噃．．
EMILY：太太你唔好咁講啦，我不知幾開心可以將依盆花用嚟一個迎接新生命咁開心嘅事啦！再加上海芋本身就係代表壯大嘅美同埋希望嘅意思，用嚟送俾你同埋你就嚟出世嘅ＢＢ就最貼切啦！
客人Ｃ：吓，MUG原來仲有咁特別嘅意思架．．咁．．我就恭敬不如從命喇．．請問盆花幾多錢呢？
EMILY：唔駛喇．．太太，就當我送俾ＢＢ嘅禮物啦．．
客人Ｃ：咁點得呢？
EMILY：太太你唔好客氣啦，我真係好開心可以有人用個花圃嚟迎接出生ＢＢ嘅禮物，就當係我小小嘅心意啦．．．
客人Ｃ：咁．．咁我同先生先多謝你先．．
EMILY：最緊要係你要好好保養，生個肥肥白白嘅寶寶呀．．係喎．．依段時間，你同ＢＢ都唔好‘控’太埋去聞Ｄ花住呀，要到ＢＢ大個一Ｄ先可以貼埋Ｄ架．．
客人Ｃ：點解呢？
EMILY：哦，因為有聞話依隻花Ｄ花粉可能會影響中樞神經架，所以以防萬一，都係小心Ｄ啦，係咪．．
客人Ｃ：哦，原來係咁，我知道喇．．
EMILY：好啦，我幫你送上車呀．．
客人Ｃ：唔該哂呀EMILY，你真係好熱心呀．．
EMILY：唔好客氣啦，助人為快樂之本呀嘛．．你睇我都幾開心．．
＊ ＊ ＊ ＊ ＊ ＊
背景：某處鬱金香花園
BRIAN獨白：HI．．我就係o個一個俾形容為‘薰衣草’嘅BRIAN．．
响我同FLORA嘅發展入面，我地亦曾經有過好似初戀一樣，令人心醉嘅時刻．．當我每次一食D帶花生味嘅嘢，我就不期然會去諗依一個令人刻骨銘心嘅女人同埋佢個一份甜味．．
我唔能夠話自己從來都無為FLORA心動過，甚至，其實我亦真係有試過為咗佢嘅付出而產生過一刻要同佢廝守終生嘅衝動，但最後，因為我嘅理智，我亦只可以選擇做一個好唔負責任嘅人，只可以默默咁離開．．．
FLORA：嘩．．．嘩．．．好靚呀
BRIAN：喂，你唔好‘孔’咁埋啦，因住你Ｄ花粉症又發作，變成紅鼻哥BEAR BEAR吓，先旨聲明吓，依排ＤPROJECT咁多，我絕對唔會心軟批假俾你架！
FLORA：蝦．．你．．哼．．到時我就响假紙上面咁寫囉：‘無良老闆存心陷害美貌職員，私下約會有花粉症女同事到鬱金香花園共聚午餐商談，意圖謀殺囉’，哈
BRIAN：好喇，好喇，你把口我真係搶唔到ＤMUG嘢優勢架喇．．再俾你做多兩年律師，我真係無立足之地架喇．．
FLORA：嘩，點敢呀，話哂你都係我師父，欺師滅祖俾雷劈架．．．哈哈哈．．
BRIAN：好喇．．BEAR BEAR徒弟仔，我地可以去食LUNCH未呢，你師傅個肚就真係打緊雷喇．．
FLORA：係嘅，等你徒弟我好好咁‘侍候’你老人家吓．．
BRIAN：〔邊用刀叉切食物〕FLORA，依排你返工返得習慣嘛？
FLORA：唔．．都OK啦，有唔明白嘅地方都好多同事肯幫，大家熱熱鬧鬧都幾開心呀．．係個上司絕頂麻煩囉，成日問長問短，問東問西咁．．哼．．
BRIAN：你呀，成日好似同我有仇咁．．可唔可以和平相處呢？
FLORA：哈，若果你要搵個好似小綿羊咁嘅女朋友，你係咪約錯人呢？
BRIAN：哦，樂小姐，MUG 我今日係約女朋友出嚟咩？我都應該CHECK CHECK我嘅DIARY睇一睇先．．哈哈．．
FLORA：你．．你．．
BRIAN：好喇．．成日吵吵鬧鬧影響胃口，食咗嘅美食就吸收唔到架喇．．
FLORA：唔．．都係，好喇．．暫時停戰先啦．．
BRIAN：暫時．．永久係咪好Ｄ呢？
FLORA：呀，依度嘅 Grilled Salmon真係幾有水準喎，你份PorterHouse呢？
BRIAN：唔．．SO NICE，你要唔要試Ｄ呢？
FLORA：好呀．．呀〔張口〕
BRIAN：小心熱呀．．．
FLORA：好喇．．見呀師傅咁識做，等我依個做徒弟嘅等陣都服侍吓你啦．．
BRIAN：點服侍先．．
FLORA：保持神秘，唔話你知住．．
BRIAN：好，又拭目以待先．．
〔稍過一會〕
BRIAN：嘩．．好飽．．好飽．．．食完散吓步都幾好．．人生真寫意．．
FLORA：你有無覺得差咁Ｄ嘢呢？
BRIAN：唔．．．講落又好似係．．係咩呢？
FLORA：有無覺得個口嘅味覺淨咁Ｄ呢？
BRIAN：講開又係．．．差咁Ｄ甜味噃．．．咁．．嘻嘻．．
FLORA：你唔好諗埋一邊呀．．
BRIAN：你頭先又唔俾我ORDER甜品，水果都唔得．．喂，你係咪驚我無錢找數先．．唔駛驚喎，今時今日嘅BRIAN HON唔會話連俾一餐半餐幾百蚊嘅LUNCH都俾唔起架，吓嘩！！
FLORA：我梗係知啦．．唔會同你慳噃．．不過，係有Ｄ目的嘅．．
BRIAN：嗱．．係咪呢．．要甜蜜蜜香吻都可以食咗DESSERT先架嘛．．
FLORA：費事同你講，嗱，俾你架，坐定定享受啦．．
BRIAN：依，睇唔到你個手袋原來內有乾坤噃．．MUG嚟呢？嘩．．好香好香．．花生糊喎？
FLORA：嘻．．係咪無諗過响依度都有咁香滑又熱辣辣糖水食呢？
BRIAN：嘩．．你煲架？
FLORA：梗係啦．．放心喎，我唔會買碗外賣然後話係自己煮架噃．．
BRIAN：我唔係咁嘅意思啦．．依，你又知我鍾意食花生糊嘅？
FLORA：鍾意一個人又點會注意佢嘅喜好呢？你成日都花生不離手，你自己唔知嘅咩？
BRIAN：都話你嘅觀察力有番咁上下架啦．．．你自己都食Ｄ啦，仲响度做咩呢？
FLORA：啱啱OK．．嗱，食埋Ｄ生菓啦．．
BRIAN：嘩．．你原來靜靜雞切生果呀．．
FLORA：食得開心嘛．．
BRIAN：真係開心，仲真係好SURPRISE．．
FLORA：SURPRISE？
BRIAN：好驚訝你原來係一個又細心，又周到嘅女仔．．
FLORA：哼，依家先知．．唔係你以為我真係十指不沾陽春水嘅細路女呢．．
BRIAN：FLORA．．．
FLORA：係．．唔．．．〔親吻〕
BRIAN：THANK YOU．．．依個係我送返俾你嘅DESSERT．．．嘻嘻．．
FLORA：喂．．你．．去邊呀？
BRIAN：仲留低俾你‘摑’咩．．走喇，美人．．帶你去睇日落呀！
＊ ＊ ＊ ＊ ＊ ＊
背景：HONG 車
ALICE：早晨
HONG：早晨，噚晚瞓得好嘛？
ALICE：唔．．都OK嘅，你呢？
HONG：幾好．．你唔會介意我今日約你出嚟嘛？
ALICE：傻啦，你咁講我反而唔知點答你架～
HONG：咁响你俾你嘅答案俾我之前，我可唔可以帶你去一個地方先呀？
ALICE：邊度呢？
HONG：我屋企．．
ALICE：吓．．唔得！！
HONG：你．．你唔好誤會啦，我只係想俾你睇Ｄ嘢，絕對無非份之想架．．
ALICE：都係好似唔係咁方便架喎．．
HONG：你放心啦．．我發誓啦．．我真係唔會對你做Ｄ越軌嘅事架．．
ALICE：咁我量你都唔敢．．
HONG：咁，即係點呢？
ALICE：OK啦，但係只可以去睇你要我睇嘅嘢，同俾我要講嘅嘢架咋．．
HONG ：OK．．
〔汽車停下〕
HONG：到喇．．
ALICE：你真係唔會呃我呀嘛．．
HONG：係呀，信我啦．．跟我嚟啦．．
ALICE：依．．你唔係要去廳咩，點解行依個方向呢？
HONG：唔好咁心急先啦．．都係咁喇，你依家合埋隻眼先啦．．
ALICE：吓．．．
HONG：你相唔相信我先？
ALICE：唔．．．應該都信嘅．．
HONG：咁就得啦．．我數一二三，你合埋隻眼，拖住我行，直至我話可以開眼先睇啦．．
ALICE：好啦，又睇吓你係MUG嘢葫蘆賣MUG嘢藥啦．．
HONG：小心呀．．好喇．．停啦．．
ALICE：睇得未呀？
HONG： OK喇，你依家打開眼啦．．
ALICE：嘩嘩．．．．我係咪發緊夢呀．．．
HONG：依度就係我為你準備嘅WONDERLAND喇．．我唔識講嘢，只係希望你見到咁靚嘅嘢會開心Ｄ啦．．．
ALICE：依．．依度係你整架？
HONG：唔．．．由我上次同你表白之後，我每一次諗起你嘅時候，我就會入嚟依間溫室去靜落嚟．．後來我就諗起可以將依一份思念做成一Ｄ得意，或者特別Ｄ嘅嘢．．．
ALICE：吓．．．咁後來呢？
HONG：咁．．咁後來我諗你嘅次數越來越密，所做嘅嘢越來越多．．整整吓就變成依家你見到嘅小天地囉．．
ALICE：康．．．
HONG：ALICE，無論你俾我嘅係點嘅答案，我都只係想你知道，我係真心真意希望你時時刻刻都開開心心，都希望見到你最可愛嘅笑容啫．．
ALICE：其實．．其實．．依一個禮拜，我反來覆去咁諗，真係擔心無論邊個決定都會係錯．．．〔停頓〕
HONG：．．．〔呼吸緊張〕
ALICE：而當我頭先睜開眼個一刻．．我就更加可以肯定，我嘅決定係．．啱嘅！〔走開〕
HONG：ALICE．．
ALICE：〔大叫〕康．．多謝你呀．．你要應承我，依個WONDERLAND只係屬於我一個，好唔好？
HONG：〔先是一顎，大叫〕一定！I PROMISE！依個WONDERLAND同我個心一樣只屬於ALICE一個．．．
*** 第六回完 ***
第五回 揭盅 MASTERMIND
背景：HONG 車上
ALICE：咳．．咳．．ERRR．．唔．．唔好意思呀．．
HONG：唔緊要啦．．我又係咁啱要返學校啫．．
ALICE：因．．因為又係個堂TUTORIAL囉．．所以我先咁緊張之嘛．．
HONG：原來係咁．．我都估到架喇．．ANYWAY啦，你食咗嘢未呀？
ALICE：梗係未啦．．頭先緊張得我呀．．邊度仲諗到要食嘢喎．．你講起．．嘻．．又好似有Ｄ餓添．．
HONG：趕唔切食嘢架喇，不如咁啦，後面個盒仔入面有份SANDWICH，你唔介意就攞去食啦．．
ALICE：咁點得架．．
HONG：得啦．．
ALICE：哈，咁我唔同你客氣架喇，至多下次請番你食飯啦．．
HONG：哈哈，一份三明治換一餐飯，有賺呀！
ALICE：嘩，好食喎，你整架？
HONG：梗係唔係啦．．咁忙，邊得閒呀！
ALICE：哦．．我知喇，梗係女朋友啦（講真，講依句說話嘅時候我真係有Ｄ酸溜溜嘅感覺，當堂食唔落）
HONG：係就係女人．．．
ALICE：哼．．唔好意思喎，我唔知係你嘅甜蜜午餐，早知我就唔食啦．．．
HONG：你聽埋先啦，係我媽咪整架．．我邊有女朋友啫．．
ALICE：吓．．你無女朋友，搵鬼信咩
HONG：真架，真架．．．我都唔鍾意識女仔嘅．．
ALICE：吓．．MUG．．MUG你係基．．
HONG：梗係唔係啦．．．只．．只係我份人唔識講嘢，只係識讀書架咋．．
ALICE：哦．．不過，你咁好人，我仲以為你一定有好多女仔鍾意添．．
HONG：EERRR．．． 大部份Ｄ女仔講個Ｄ嘢我好多都唔係好明嘅，我同佢地講功課佢地又唔鍾意嘅．．．
ALICE：唔怪之得啦．．依．．就到喇喎．．喂，你响邊度上堂呀？
HONG：BUILDING 64．．你呢？
ALICE：我都係喎，咁啱嘅，泊好架車一齊行呀．．．
HONG：好呀．．．
ALICE：嘩，你攞咁多嘢上堂嘅？
HONG：嘻嘻，我係去上堂，不過係教o個個．．
ALICE：吓．．MUG你係TUTOR嚟架，真係失敬哂喎．．依．．咁你教邊班呀？
HONG：２５５囉．．
ALICE：哦．．２５５．．咪住．．２５５？
HONG：係呀．．２５５呀．．ＭＧＣ１０２０嘛．．
ALICE：噢，MY GOODNESS．．．
HONG：喂，你做MUG呀，呆咗嘅？唔驚遲到喇？
ALICE：我．．我係施麗愛呀．．．ALICE SZE呀．．．
HONG：OHHH．．哎呀，我ＤNOTE呀．．．．
＊ ＊ ＊ ＊ ＊ ＊
背景：清晨，FLORA 屋企門口
BRIAN：FLORA．．FLORA．．
FLORA：唔．．．唔．．．
BRIAN：FLORA．．天光喇．．返入去瞓啦．．．
FLORA：唔．．唔．．．依度係邊度．．
BRIAN：依度係我架車呀，美人．．．
FLORA：唔．．依．．BRIAN．．．噢．．．天光啦．．
BRIAN：唔．．噚晚你飲醉咗，由美人魚變成睡公主，不過你身邊嘅王子MUG都無做過呀．．所以你咪醒唔到囉．．哈哈．．
FLORA：OH．．唔．．唔好意思呀．．．
BRIAN：傻啦，除咗條腰骨有Ｄ痠同埋有少少涼意之外，大致上都係一級享受嚟嘅，話哂都係美人在抱啦．．．
FLORA：嘩．．．噢．．SORRY．．．
BRIAN：哈哈，有人蝕哂低添．．ANYWAY，快Ｄ入番去瞓多陣，然後返工啦．．我唔想隻大笑BEAR BEAR要對住隻熊貓美女呀．．．
FLORA：你．．好喇．．睇在噚晚個餐份上，我就當借咗聾耳陳隻耳，MUG都無聽過啦．．．
BRIAN：識反駁即係醒哂啦．．好喇．．入去啦．．晏Ｄ公司見．．
FLORA：晏Ｄ見．．BRIAN．．多謝哂．．．
BRIAN：唔好婆媽啦．．BYE BYE 喇．．
返到入去屋企，我成個人醒哂．．．真係瞓唔番喇．．
我不禁嘗試回諗返噚晚發生嘅事．．．
我同BRIAN大家玩得好顛，飲咗幾多酒．．．响間餐廳，我又跳舞，又唱歌，又大笑．．真係好開心，好開心．．
响個舞池入面．．我地跳咗一隻慢舞．．我抬頭望住依個攬住我嘅人，真係覺得佢好可愛．．仲有個一陣傳嚟嘅DESIRE香水味．．真係令我好心醉．．．
個一刻．．我真係明白異性相吸係MUG嘢道理．．．
但係，我亦唔明白．．或者係應該有Ｄ懷疑．．我嘅魅力係咪有問題呢？
如果唔係．．點解．．點解對住我成晚，佢都可以安然無恙咁無俾任何事發生，只係俾我好安靜咁瞓係佢懷中一晚．．佢處心積累咁安排依一切．．仲有佢似是而非嘅說話．．到底，佢想點呢？
＊ ＊ ＊ ＊ ＊ ＊
電話響起： ’鈴．．鈴．．’／ ’ 
oo．．Doo．．’
FLORA/ALICE：HELLO
BRIAN/HONG：喂．．係我．．．
FLORA/ALICE：哦．．係．．．
BRIAN/HONG：我．．我有Ｄ嘢想同你講呀．．．
FLORA/ALICE：哦．．咩事呢？
BRIAN/HONG：我．．我諗咗幾晚．．．
FLORA/ALICE：唔．．．
BRIAN/HONG：雖然，雖然可能係唔啱．．．
FLORA/ALICE：唔．．．
BRIAN/HONG：但係．．但係．．我諗．．我諗．．我鍾意咗你！！
FLORA/ALICE：噢．．．
*** 第五回完 ***
第四回 估估吓 RIDDLES
背景：MBH 律師事務所辦公室，山頂某自助餐廳
〔電話響起〕
其實同BRIAN一開始嘅時候，真係有好多曖昧位，大家就好似猜謎語咁，你又估估吓，我又估估吓，完全摸不著頭緒．．．我依家諗番，仍然好難去判斷到底係邊個去帶出咁樣嘅氣氛，或者係我地大家都對對方有ｄ‘情不自禁’啦．．．
FLORA：HELLO，FLORA SPEAKING
BRIAN：早晨呀，美女
FLORA：韓先生，麻煩你莊重Ｄ喎，你唔覺得响辦公室入面，你以上司嘅身份對我咁樣稱呼係好唔妥當嘅咩．．．
BRIAN：OK．．OK．．．樂小姐，請問你今晚有空嗎？
FLORA：韓大人，响我回答你嘅提問之前，我係咪有權去知道你問依個問題嘅目的呢？
BRIAN：C’MON，FLORA，作為你嘅上司，我唔係連約你出去一個晚上都要用EXCUSE或者攞PERMIT啫，係咪？
FLORA：當然，若果係同公事有關嘅，我作為一個受聘嘅員工係無任何理由拒絕嘅．．．
BRIAN：咁，若果係私人嘅就唔通我無權去約會你咩？
FLORA：WELL．．．有咁嘅必要咩？
BRIAN：我唔明白，點解你每次對我都要咁有介心呢？你到底驚Ｄ咩嘢呢？
FLORA：痴線，好喇，玩夠喇．．你到底想點呢？
BRIAN：好，快人快語，我今晚要同你出去．．私人嘅約會！
FLORA：我係咪有拒絕嘅權利呢？
BRIAN：無！
FLORA：OK，幾點，响邊度？
BRIAN：７點鐘响你屋企樓下．
FLORA：好．（掛線聲）
因為緊張，我用‘極速’去完成咗我整日要COMPLETE嘅TASK，然後，準時５點半踏出公司嘅大門．．．走嘅時候我不禁望咗裝响RECEPTION嘅VIDEO CAM一眼，我唔肯定到底BRIAN仲响唔响度，只係有Ｄ心虛唔知佢會唔會AWARE到我嘅緊張啫．．．
我準時７點鐘行到我住嘅APARTMENT樓下，已經見到佢個架寶藍色嘅ＮＳＸ泊咗响度．．
我刻意咁放慢自己嘅腳步，保持住自己個一份高雅．．唔係，應該係高傲至啱．．．走近佢身邊．．．
一個最基本嘅紳士動作，佢打開佢嘅車門，然後作狀彎一彎腰同講咗一句．．．
BRIAN：有請我最尊貴嘅樂公主上座．．
FLORA：點咁當呀．．
BRIAN：T’IS MY PLEASURE
FLORA：咁恭敬不如從命囉
〔車門關上，即有悠揚古典音樂〕
BRIAN：有云是──香車美人，果然名車應該係要有美人相伴先可以算得上相得益彰嘅．．
〔FLORA：講真佢當時嘅表情真係幾得戚，雖然某個程度上我都好同意佢嘅講法．．．响忙完一日嘅工作之後，坐响佢依架名車上，又真係令人好有鬆弛嘅感覺．．〕
BRIAN：唔知我地嘅樂公主今晚想食Ｄ咩呢？
〔FLORA：其實我都真係幾鍾意佢用樂公主嚟叫我〕
BRIAN：依．．我好似唔係約錯人架，我唔應該接咗個啞咗嘅人魚公主上車嘅噃？！
〔FLORA：依個人有時真係好鬼黑你憎嘅．．．我其實係用沉默作我對佢無聲嘅抗議，鬼叫佢強迫我同佢食飯呀〕
BRIAN：哈，似乎我真係對依位啞公主無計可施噃．．WELL．．咁無辦法啦，我今晚就唯有做一台‘獨腳戲’啦．．好彩我平時都訓練有素啫．．．
〔FLORA：點解呢？〕
BRIAN：作為一個訴訟律師，我習慣每一次上庭前一晚都會‘自編自導自演’一幕訴訟，以瞭解各人嘅心態嘅．．．
〔FLORA：唔怪之得佢好似可以睇穿人地諗MUG咁啦！咁亦真係佢成功嘅地方嘅，有幾多律師肯咁花時間去準備呢？〕
BRIAN：你係咪好奇怪今日我點解要約你食飯呢？
〔FLORA：係呀．．〕
BRIAN：其實無他嘅，中國人有云‘民以食為先’，作為一個合作伙伴，我當然用最直接嘅方式去‘賄賂’你啦！祭咗你嘅五臟府，就可以為所欲為啦．．．
〔FLORA：哼，豈有此理〕
BRIAN：唔好嬲住．．我當然知道樂小姐幾咁清廉如鏡啦，所以用一餐便飯又點會打動得到呢．．不過，我相信以樂小姐咁有智慧嘅人，都唔難猜到我對你係另懷目的嘅．．
〔FLORA：吓，唔係吓嘩？！？！〕
BRIAN：相信樂小姐都知道自己有幾咁國色天香，簡直係沉魚落雁啦．．而且，美貌與智慧都兼而有之．．對於咁完美嘅女性，又點能夠唔令人心動呢，係咪？
FLORA：喂，好喇喎，你唔好越講越過份喎！〔講真，諗返起嚟，我當時真係好驚佢要同我表白〕
BRIAN：哈哈，唔過份．．．又點得你樂小姐．．開你嘅金口呢，係咪？哈哈哈．．．
FLORA：你．．
BRIAN：好喇．．到喇，等你食完依餐之後先決定要唔要嬲我好無？
FLORA：哼
唔經唔覺，我地就已經去咗山頂，我不得不承認同BRIAN一齊嘅時間真係好容易過，因為佢真係好識製造氣氛，多數時間都有SURPRISE，好少有DEAD AIR嘅．．．
走入依間餐廳，入面比平時熱鬧好多．．．原來係佢地一年只有一次嘅SEAFOOD NIGHT．．．
我唔知BRIAN係咪真係知道我係名副其實嘅SEAFOOD LOVER，依個亦係我獨自留低响度發展嘅原因．．我對海鮮嘅鍾愛簡直係到瘋狂嘅地步．．．
但係，我真係無留意到間餐廳有咁嘅SEAFOOD NIGHT．．．我亦衷心咁APPRECIATE佢嘅細心．．．
面對住一堆又一堆我最心愛嘅食物，我對BRIAN嘅所有介心都消失得無影無蹤，我不期然同佢好自然咁談天說地起嚟．．．
個一晚嘅我真係笑得好開心，覺得好滿足，好幸福．．．我盡情咁吃喝，盡情跳舞，盡情大笑，足足‘喪玩’到１點幾先俾BRIAN半推半就咁送上車送返屋企．．．
＊ ＊ ＊ ＊ ＊ ＊
背景：晚上，ALICE屋企
〔手機響起〕
ALICE：HELLO，ALICE SPEAKING
HONG：OH．．HELLO，THIS IS HONG，I HAVE GOT YOUR MESSAGE，YOU LIKE TO KNOW YOUR TUTORIAL TIME，RIGHT？
ALICE：OH YES．．I AM LOOKING THAT FOR QUITE A WHILE ALREADY!!
HONG：YES，I SEE．．ALRIGHT，I’VE CHECK IT OUT FOR U，THAT IS TUESDAY 1-2 AT ROOM 255
ALICE：ALRIGHT，TUESDAY 1-2, ROOM 255，RIGHT？
HONG：YUP．．THAT’S RIGHT．．ANYTHING ELSE I COULD HELP YOU WITH？
ALICE：OH NO．．．I THINK THAT IS．．THANKS FOR THAT．．
HONG：NO WORRIES，CYA ON TUE THEN．．
ALICE：C’YA，BYE NOW．．．
HONG：BYE．〔掛線聲〕
ALICE：依個人把聲咁熟嘅，我係邊度聽過呢．．．唔．．．
ALICE：好不容易到星期二．．．竟然．．．
ALICE：〔電話〕喂．．JESSIE呀．．．ALICE 呀．．我依家响火車站呀．．今日Ｄ火車竟然停駛呀．．我無火車返學呀．．點算呀？？
JESSIE：吓．．．咁大濟．．打的啦．．．
ALICE：鬼唔知咩，排的士條龍仲長過水蛇春呀！點算呀．．．
JESSIE：小姐，咁就咪返啦，SKIP一堂唔駛死架！
ALICE：唔得呀，今日又係個堂TUTORIAL呀，上次已經上唔到，今日再唔上就MISS咗好多嘢架喇．．．依．．你都幫唔到架喇．．我自己諗辦法啦．．〔嘟．．嘟．．〕
JESSIE：喂．．喂．．．
ALICE：我望住個條好長嘅等的士龍，同好少嘅的士流量．．．再望一望就快１２點嘅手錶，我撥咗依一通我本來諗住點都唔會打嘅電話．但係响依一刻，我真係只諗到依個人個句：
HONG：．．．依度有我個名同電話，當我欠你一個人情，以後你隨時有咩需要，你就打俾我啦．．．
ALICE：（電話響）死就死啦，若果佢無聽電話，咁就當我地無緣啦．．．
HONG：HELLO
ALICE：杜子康．．．
HONG：係．．係．．邊位．．
ALICE：施麗愛呀．．你依家响邊？
HONG：施．．施麗愛？
ALICE：o個個你話有MUG嘢都會幫o個個呀！！
HONG：哦．．記得喇．．．
ALICE：仲講，無論你依家响邊，做緊ＤMUG，你要即刻嚟XX火車站出面接我呀！
HONG：吓，即刻？！
ALICE：係呀．．．我只係俾你十五分鐘咋吓，你若果唔到我就．．我就喊～
HONG：好好好．．１５分鐘內到．．．
ALICE：坐响火車站出面張長櫈，講真，我都係估估吓，唔肯定依個只有數面之緣嘅人係咪真係會遵守佢嘅諾言．．．
連我自己都唔解釋唔到憑MUG嘢可以要佢對我依個毫無瓜葛嘅人‘言聽計從’．．．諗落都幾無里頭．．．
但係潛意識又令我對佢好有信心，將自己個份希望放咗响佢身上．．覺得佢一定唔會呃我，唔會令我失望嘅．．．就係懷住兩份咁樣矛盾嘅心態吓，我就等吓．．等吓．．等吓．．．
*** 第四回完 ***
第二章 萌芽 -- 戀愛篇 IN LOVING
第三回 捉迷藏 HIDE-AND-SEEK
背景：夢之花花店
〔電話響起〕
EMILY：HELLO，DREAM FLORAL，EMILY SPEAKING．．
客人乙：我．．我．．我．．
EMILY：先生，請問有乜嘢可以幫到你呢？
客人乙：我．．我係想．．想送花．．
EMILY：哦．．你想送花俾人係咪？
客人乙：唔．．係就係．．
EMILY：咁你想送咩嘢花呢？係為咗MUG事嘅呢？
客人乙：Errrr…我．．我．．係想送花多謝一個我暗戀嘅人嘅．．不過．．不過．．我唔知佢鍾意ｄMUG嘢花．．．
EMILY：哦．．無問題．．咁依個女仔有咩嘢特別架？
客人乙：Errr…佢．．佢．．佢好好人嘅．．有好親切嘅笑容．．呀，仲好有知識架～
EMILY：唔．．咁樣講好概括喎．．咁啦，不如你話我知你地係點識嘅呢？
客人乙：咳．．咳．．Errr…係．．係．．上次我想買一束花俾我生病嘅媽媽．．佢幫我揀架．．．
EMILY：哦．．咁佢真係幾好人噃．．但係你又點知佢好有知識呢？
客人乙：因．．因為佢對每種花都好瞭解架，又知道佢地嘅意思喎．．．
EMILY：（笑）嘻嘻，咁就有Ｄ難度喎，你送咩花佢都可以知道你嘅意思囉？
客人乙：係囉，係囉．．
EMILY：咁呀，我建議你不如唔好送一束束嘅花啦，不如送盆栽喇．因為對花咁瞭解嘅女仔一定唔係太鍾意見到Ｄ花謝，不如送Ｄ可以種架啦．．．有生命力又有朝氣又唔會咁易謝喎, 好嗎?
客人乙：好．．好呀．．
EMILY：唔，就送文心蘭啦．．你個人有Ｄ怕醜，大概都係唔想表白得太露骨架喇．．兼且依個女仔又對花語咁瞭解，相信唔駛你特別解釋佢都會明白你嘅意思架喇．．
客人乙：文．．文心蘭．．代表MUG嘢意思呢？
EMILY：哦．．文心蘭係代表隱藏的愛架．．兼且，蘭花係要對花好有愛心同埋細心嘅人先適合種架咋．．咁送依種花亦可以睇得出你個人幾咁細心啦．．係咪？
客人乙：咁．．咁．．好啦．．
EMILY：先生就咁決定好嘛．先生點稱呼呀？
客人乙：我．．我．．
EMILY：如果唔方便留姓名可以落無名氏架喎．．
客人乙：咁．．好．．
EMILY：Umm．．文心蘭嘅價錢係一盆＄２９０蚊．先生請問你想點樣比錢呢, 你過來比 Cash 定係用CREDIT CARD過數呢?
客人乙：ERRRR………用CREDIT CARD得喇
EMILY：咁請問你個 CREDIT CARD 係幾號呢?
客人乙：係．．係４５６６４５６６２０００２０００VISA卡嘅
EMILY：好呀唔該，你都好爽快呀．．咁收花人同埋佢嘅地址係？
客人乙：收．．收花人係．．係EMILY．．．
EMILY：吓．．．
客人乙：依．．依盆花就當作係我嘅小小心意，希望你鍾意啦．．．BYE BYE．．
EMILY：先．．先生？．．．唉．．世上竟然有Ｄ咁嘅事．．攪咗一輪，兜咗個圈，竟然係自己幫自己落咗個ORDER．．．真係好似自己同自己捉迷藏咁，捉嘅同被捉嘅都係同一個人咁，諗落都幾好笑．．．
＊ ＊ ＊ ＊ ＊ ＊
背景：大學
JESSIE：ALICE．．．喂，喂．．．
ALICE：哦．．係．．
JESSIE：你咁專心諗緊ＤMUG呀，嗌你都聽唔到嘅？
ALICE：無．．無呀．．．
JESSIE：係喎，你上次MISS咗個堂TUTORIAL補番上未呀？
ALICE：呀，好彩你提一提，上次去搵個TUTOR咁啱佢又唔响到，都唔記得再搵番佢添，都係咪喇，趁依家記得，依家去搵佢先，你陪唔陪我去呀？
JESSIE：哈，咪攪，要行到TUTOR ROOM個幢BUILDING咁山長水遠，你睇家吓出面個太陽有幾猛，我依家行出去包保即刻人間蒸發都似！我都係响度等你好喇．．嘻嘻．．
ALICE：正一懶鬼，好啦，你响度幫我看住Ｄ嘢啦．．
〔Alice走到學系大樓，自動電梯門打開〕
HONG：依，咁啱嘅．．
ALICE：係．．係．．咁啱嘅．．
HONG：你．．你．．好嘛？
ALICE：幾．．幾好啦．．．上次．．上次唔好意思喎．．我．．我都唔知點解自己咁失儀嘅．．．一定係嚇咗你一跳喇．．．
HONG：哦．．唔緊要．．最緊要你唔係有事啫．．上次你上唔到一堂都咁唔開心，你份人都幾認真架喎．．
ALICE：其．．其實唔係咁架．．算喇，A．．你又嚟搵TUTOR架．．
HONG：嘻嘻．．即係你係嚟搵TUTOR架啦．．
ALICE：咪就係搵上一次俾你累到上唔到堂個個囉．．噢．．SORRY．．嘻嘻．．
HONG：咁好啦．．你好快Ｄ上去喇．．唔係今次搵唔到又賴我喇．．
ALICE：蝦．．你．．．喂，你上次俾我個NUMBER係咪真係有咩事就可以搵你架？
HONG：你試吓咪知囉．．可能我俾咗個假NUMBER俾你呢？！哈哈．．
ALICE：哼，有寶咩，我真係唔希罕呀．．．
HONG：喂，傾咗咁耐都未知你叫MUG名喎．．
ALICE：哼，我都可能俾個假名你啫，我唔話你知，若果下次又係咁啱撞到，我或者考慮話你知嘅．．．BYE BYE 囉．．．
HONG：喂．．．
〔敲門〕
TUTOR C：COME IN
ALICE：YES．．HI．．I AM LOOKING FOR HONG．．．
TUTOR C：OH WELL．．HE JUST GONE．．
ALICE：OHHH．． WELL．．ACTUALLY I JUST WANNA CHECK FOR MY TUTORIAL TIME，WOULD U BE ABLE TO HELP？
TUTOR C：PROBABLY NOT．．HMMM．．．WELL．．WOULD YOU LIKE TO LEAVE HIM A MESSAGE？I COULD PASS THAT TO HIM ．．
ALICE：SEEMS HE’S JUST SO HARD TO CATCH UP．．ANYWAY．．ALRIGHT，HERE IT IS．．．THANKS．．．
TUTOR C：NOT A WORRY．．．BYE NOW．．
ALICE：我一面行，一面又諗起o個個叫杜子康嘅人．真係好得意．我平時對大部份異性嘅態度都係好冷酷架．．所以HIGH SCHOOL 嘅時候就俾隔離校Ｄ男仔起咗個叫“Mount Alice”嘅名．．意思係話我好似雪山一樣喎．．．
不過，見到依個杜子康．．我竟然不其然放低哂自己嘅保護網．．同佢傾起上嚟．．．
其實我依幾日都真係試過有幾次想打o個個電話俾佢．．但係基於一個女仔嘅矜持，我真係無可能去主動撥o個十個數目字．．．
俾我又見到佢．．雖然响UNI撞到一個人唔係太困難．．但係都有好多FACTOR．．就好似我咁多次特登搵個TUTOR都搵唔到啦．．但係依個人就咁易又撞見．．咁唔知我地算唔算有緣呢？
＊ ＊ ＊ ＊ ＊ ＊
背景：MATER, BROWN & HON SOLICITORS P/L 律師事務所辦公室
IRENE：依度係你嘅辦公檯喇，以後有Ｄ咩嘢需要或者唔明嘅地方隨時同我講啦．．
FLORA：哦，唔該哂你，IRENE．．．唔好意思呀，我想問一問我今日需唔需要去見韓先生呢？
IRENE：哦，唔駛架喇．．你嘅WORKING SCHEDULE已經EMAIL咗俾你，我地好多嘢都係FOLLOW返INSTRUCTION去做嘅，特別嘅TRAINING都係會出NOTICE架喇．．．
FLORA：哦．．我明白喇．．．
IRENE：韓生咁啱去咗另一個出差TRIP，幾日後先返．．．若果你有MUG嘢問題，暫時同我講先啦．．
FLORA：OK．．唔該哂你，IRENE．．
IRENE：IT’S OK．．唔阻你喇．．LUNCH TIME見啦．．．
FLORA：聽到IRENE話BRIAN去咗TRIP，我真係有Ｄ失落．．．
依幾日等正式返工依一日真係令我有Ｄ寢食不安．．對於工作，我無太多嘅擔心，我一向嘅工作能力都有番咁上下嘅．．
反而，我一直都响度考慮要點樣去應付BRIAN．．．
當然，佢係上司，我一定要事事‘言聽計從’．．．不過，我又唔想好似樣樣嘢都處於下風，俾佢食住．．所以我就反反覆覆咁諗佢會出ｄ點樣‘刁鑽’嘅難題俾我．．．
結果．．哈．．依個‘假想敵’竟然‘潛逃’咗．．．
〔電話突然響起〕
FLORA：MORNING，MBH，FLORA SPEAKING
BRIAN：幾好呀，聽落把聲都幾精神，幾充沛呀，第一日嚟講都算係幾有自信呀．．
FLORA：假．．咳．．韓先生．．早晨．．
BRIAN：韓生．．．嘩．．睇唔出你咁老土噃．．叫BRIAN係咪好Ｄ呢？
FLORA：WELL．．係未得到上司嘅FORMAL PERMISSION之前，我又點可以自把自為去定稱呼呢，啱唔啱呢，韓先生？
BRIAN：嘩，好大火藥味喎，唔知樂小姐係咪唔高興我今日無係公司恭候你嘅‘新官上任’呢？
FLORA：（咁都俾佢估到）點會呀，我地依Ｄ咁嘅SMALL POTATO嘅角色，又點敢要咁‘貴人事忙’嘅韓先生用到恭候依個字眼呀．．
BRIAN：（大笑）好玩，好玩，我果然無睇錯人，你果然唔係一個花樽，而係真真正正一朵有刺嘅玫瑰～～有意思．．．
FLORA：韓先生，你若果諗住請我到貴公司工作係要嚟俾你開玩笑，或者侮辱嘅話，你就未免太睇小我樂花喇．．若果無MUG吩咐，你幾日後返嚟，我嘅辭職信會恭恭敬敬咁放响閣下檯面架喇．．
BRIAN：哦，有時人應該有ｄ幽默感嘅，知嘛．．咳．．如你所願，我依家想聽一聽你對澳洲 MR.TAN個CASE嘅OPINION．．
FLORA：我．．．
BRIAN：你唔會話俾我知你唔知我講緊MUG呀嘛．．．
FLORA：WELL．．．依個CASE我啱啱已經OPEN咗個FILE，不過，未FINISH所有嘅READING，仲需要大概半個鐘到．．．
BRIAN：OK，我今日大概LUNCH之前會到達我BOOK IN嘅HOTEL，你１２點前將你準備好嘅OPINION SENT俾我啦，OK？
FLORA：（衰人，咁趕，第一日就想做死人咩）係，我知道喇．．
BRIAN：唔．．．你嘅工作能力果然係數一數二，不過，ＥＱ就低咗Ｄ．．希望做多一段時間會見到你嘅IMPROVEMENT啦．．
FLORA：你．．
BRIAN：BY THE WAY，你會DESERVE你應該得到嘅，唔好咁快下判斷，知嘛．OK，我應該上機喇，BYE 喇！
FLORA：BRI．．．韓生．．喂．．喂．．
FLORA：依個人真係神神化化．．就好似一陣風咁，幾時吹嚟又PREDICT唔到，幾時吹完又唔知．．．想佢出現又唔係度，估唔到個時又彈出嚟．．．
好似一陣寒風掃落葉咁．．．真係少Ｄ智慧同急材都招架唔嚟．．．都唔知為MUG我要咁委屈自己呀．．．
〔Flora隨手打開抽屜〕
FLORA：依．．．有個公仔嘅．．咁得意嘅．．大笑熊仔揸住Ｄ花．．好攪笑喎，依，仲有張卡，邊個咁有心思呢？依．．係佢．．．
〔BRIAN：DEAR SWEETIE FLORA，GOOD LUCK ON YOUR FIRST DAY JOB AND ALL THE BEST．COZ YOU SHOULD HAVE TO BEAR A NAUGHTY BOSS WHO HOLD YOU TIGHTLY IN HIS HANDS AND LAUGHING BADLY!! KEEP SMILING, HUH!! HAHAHAHA! BY YOUR NAUGHTY BOSS, BRIAN〕
FLORA：衰人．．嘻嘻．．
DIANE：FLORA．．FLORA．．
FLORA：OH．．YES．．DIANE．．WHAT’S ON？
DIANE：THIS BUNCH HAS JUST BEEN RECEIVED，LUCKY YOU， FLOWER ON YOUR FIRST DAY ．．
FLORA：OH．．THANKS DIANE．．．（又係邊個呢）．．吓．．又係佢．．．
〔BRIAN：正在詛咒你上司的樂小姐，希望一束像你一樣可愛燦爛的百合會得到你的憐憫！不會落得被丟在垃圾桶的下場！記得你12點前的EMAIL．P.S.希望你的一笑可以讓你收回成命．P.P.S．我會吩咐DIANE把我桌面所有‘不明來歷’的信件都放在碎紙機中，以防萬一！此致．． 您的頑皮上司 BRIAN 韓．．先生〕
FLORA：真係抵死．．．
*** 第三回完 ***
第二回 邂逅 ENCOUNTER
背景：MATER, BROWN & HON SOLICITORS P/L 律師事務所辦公室
同BRIAN就好似係命中注定嘅一樣，由相識個一秒鐘開始就已經好戲劇化，好出人意表嘅．．．
FLORA：HI, MORNING
RECEPTION：YUP, CAN I HELP YOU?
FLORA：SURE. I’VE AN INTERVIEW ON 9:30 THIS MORNING WITH MR. HON
RECEPTION：OH YES, YOUR NAME?
FLORA：FLORA, FLORA LOK
RECEPTION：OH YES, U R HERE. PLS TAKE A SEAT, MR. HON IS NOW HAVING A MEETING. IT WON’T BE TOO LONG. COULD I BRING YOU A COFFEE OR TEA?
FLORA：NO WORRIES. I WOULD BE FINE. THANKS ANYWAY.
〔時鐘聲〕
我坐响依個好光猛嘅RECEPTION，帶住一份戰戰兢兢嘅心情，默默咁去等依個遲到嘅韓先生．．．
見住Ｄ人人來人往，有Ｄ係客人，有Ｄ係職員，甚至郵差，速遞員．．．個個人都對我投向佢地嘅注目禮．．．
從細個開始，我就已經習慣咗人地嘅目光．．．好奇怪，依個世界，有Ｄ人刻意咁希望得到人地嘅注意而做Ｄ引人注意嘅事，偏偏，我就只係坐响度就已經係好‘與眾不同’咁．．．
我睇住掛响牆上個個好特別嘅木壁鐘，睇住時間一分一秒咁過去，我心裡面真係默默咁詛咒咗依個姓韓嘅傢伙幾百次．．．以我一個咁守時，咁認真嘅人，佢竟然要我等咗個半鐘頭，我真係好想就咁拂袖而去．．．
當然，以我一個FIRST HONOUR畢業嘅高材生身份，我實在唔駛點擔心搵唔到另一份工！只係，話哂係個FIRM主動CONTACT我，又兼且依個BRIAN HON响行入面算係一個數一數二有來頭嘅華人律師，基於一份好學心，亦係一份好奇心，我都真係好想見一見佢嘅盧山真面目．．．
RECEPTION：MISS LOK, MISS LOK．．．
FLORA：OH SORRY, YES．．．
RECEPTION：MR. HON ASK YOU TO GET IN．．．
FLORA：OHHH THANKS．．．
FLORA 心想：依．．．MUG佢返咗嚟喇咩？我坐咗响度咁耐，都無留意到一個好特出嘅人經過嘅，傳聞佢係又高大，又英俊，我諗都係虛有其表啫．．．又唔通依度有後門．．．
唔得，唔得，話知佢係齊天大聖定係邊個都好，我都係要先打醒十二分精神應付咗個INTERVIEW先．．．
〔敲門，開門〕
RECEPTION：MR.HON, THIS IS MISS LOK
BRIAN：ALRIGHT, PLS IN. DIANE, BRING US TWO CHINESE TEA PLEASE.
FLORA：問都唔問就幫人決定哂．．
FLORA：我隨即望一望依個姓韓，將來或者係我上司嘅人，我．．．我．．．當堂呆咗．．．
BRIAN：MISS LOK, 咳．．咳．．MISS LOK, TAKE A SEAT
FLORA：〔如夢初醒〕OH OH OH YES, THANKS
BRIAN：MISS LOK, FROM YOUR RESUME, YOU SAID YOU ARE ABLE TO SPEAK BOTH CANTONESE AND MANDARIN, DO YOU？
FLORA：唔．．．NO. I MEAN YES.
BRIAN：好，咁我地由依家開始就用中文對話，你ＯＫ嘛？
FLORA：〔清喉嚨〕係，無問題．
BRIAN：好，首先，講一講你嘅中文名同你對佢嘅想法
FLORA：吓．．．
BRIAN：ANY PROBLEM？NEED TO REPEAT MY QUESTION？
FLORA：我姓樂，單字一個花．因為我父母對於花都‘情有獨鍾’，我未出世，佢地已經決定咗用依個花字．．．而我出世個一日亦咁啱落咗一場好靚嘅花雨．．．不過，我自己就覺得依個名稍為女性化一Ｄ，同我自己嘅性格有Ｄ‘格格不入’咁．．．
BRIAN：幾好，老實講，我第一次見你個名，我就諗起詩人嘅：‘落紅不是無情物，化作春泥更護花’同埋‘花落知多少’依兩句詩，令我好有興趣去見一見你．
FLORA：好奇怪，我一直都好怕人同我討論我依個中文名，因為我覺得佢又娘又老土，但係今日經佢一講，我突然間又覺得好欣賞咁．．．
BRIAN：好喇，依家你再講一講你頭先坐响出面嘅心情
FLORA：吓．．．
BRIAN：又有問題？
FLORA：唔．．．頭先响出面坐咗一個半鐘頭．．
BRIAN：等等．加埋你早到嘅半個鐘，正確係兩個．做律師係依方面要準確ｄ，繼續．
FLORA：係．兩個鐘入面，我見到有５位客人，每個人用咗大概３５分鐘同３個主要律師傾談，然後仲有應該係三次郵件，同埋８份文件速遞送到貴公司簽收
BRIAN：唔，幾好，觀察力OK，但係唔留心．．
FLORA：哦？
BRIAN：我頭先問你嘅問題係，你坐响度嘅心情？
FLORA：咳，我諗依個唔係我地作為INTERVIEW應該講嘅TOPIC噃
BRIAN：不愧為高材生，反應幾快．不過，作為一個律師，响COURT入面，面對法官問嘅所有提問，我相信你都要準備作答．而且，你又點知我唔係响度TEST緊你嘅個人睇法呢？
FLORA：OK．韓大人，我頭先响出面嘅心情係，好想‘拂袖而去’．因為作為一個律師，守時係對CLIENT應有嘅基本尊重．而，當然，因為身份，我亦只有對上司所有安排有絕對嘅服從，亦唔應該有任何OBJECTION啦．
BRIAN：好，精彩．樂小姐，你又如何知道，我無準時响度恭候大駕呢？
FLORA：DIANE小姐話．．
BRIAN：係啦，佢話我係MEETING，而我今朝由九點十分開始就已經响依度觀察樂小姐你嘅一舉一動．作為一個上司，我當然要花一Ｄ時間去留意同瞭解我將要聘請嘅人，亦保證佢地有專業嘅耐性同埋服務態度啦，係咪？請問咁樣嘅答覆你滿唔滿意呢？
FLORA：我．．．
BRIAN：好喇，樂小姐，你已經被聘用，下個星期一準時九點正响OFFICE見．人事部IRENE等陣會同你辦埋其他手續架喇．
FLORA：吓．．．
BRIAN：又有問題？樂小姐，我諗你開始工作時首先要接受點樣去改變你依個樣樣‘吓’嘅習慣．不過，你守時同埋保持笑容嘅專業態度我好欣賞，希望你可以堅持落去．EXCUSE ME，我有下一個APPOINTMENT，下個禮拜一見．
FLORA：係．THANK YOU.
〔閉門聲〕
就係咁，我就遇到我生命中，好特別亦好重要嘅依個男人．
最初，我以為以一個响法律界咁有名聲嘅人，一定係又老，又古肅，講嘢，做嘢一定好似大學入面Ｄ LECTURER咁，無Ｄ幽默感，樣樣嘢死版版咁．點知，佢真係令我出乎意料之外．
佢第一眼俾我嘅印象真係好強．係一個好有性格嘅人．仲有一對好凌厲嘅眼神，好似你諗MUG都會俾佢睇穿咁．．．
但係，講吓講吓，你又會自自然然將自己對佢嘅介心唔知放咗去邊，就更加MUG都會同佢講．．．．
整個INTERVIEW，加埋依個人，俾我嘅都係驚喜．．．不過，之後嘅故事，出人意表嘅事就發生得更多．．．
＊ ＊ ＊ ＊ ＊ ＊
背景：大學巴士總站及大學Faculty Building
ALICE：喂，喂，JESSIE，起身喇，到喇．．．
JESSIE：唔．．唔．．．哦，哦．．．
ALICE：喂，我走先喇，我個LECTURE已經遲咗喇，晏Ｄ先見啦．．．
JESSIE：OK．．．OK．．．
〔跑步聲〕
ALICE：呀．．．
HONG：OH．．．SORRY．．．
ALICE：唉呀，我Ｄ NOTE呀．．．．唉，真係越急越見鬼！
HONG：唔好意思呀，小姐，你無事呀嘛．．我無心架．．．
ALICE：我．．．依．．你．．．唉．．．算喇．．．
〔執紙聲〕
HONG：我幫你啦．．．
ALICE：唔駛喇．．唔駛喇．．．你仲企响度．．．走啦
HONG：咁．．．OK啦．．．
JESSIE：依，ALICE，你仲响度嘅？走咗個靚仔邊個嚟架？
ALICE：頭先同嗰個冒失鬼撞埋一齊咪攪成咁囉．．．
JESSIE：吓．．．咁慘．．
ALICE：係啦．．如果我唔係趕時間，我實行鬧佢一大餐，隻眼都唔知生响邊嘅！
JESSIE：我係話你無同佢留低姓名，電話就俾佢走喇，話唔定依個就係你嘅真命天子呀！
ALICE：去死啦你，我都費事同你講．．今日LECTURER話要介紹個TUTOR俾我地添架．．死啦，遲咗成堂．．．我走喇．．落堂傾啦．．．
JESSIE：哈，話人地冒失，自己咪又係匆匆忙忙！
LECTURER：ALRIGHT NOW, EVERYBODY GET BACK TO THEIR OWN TUTORIAL ….
ALICE：EXCUSE ME MR.OXFORD，SORRY, I’VE BEEN LATE．SO I MISSED YOUR WORDS．CAN I CHECK WHERE I SHOULD GO？
LECTURER：OH I SEE．．．WELL，LET ME CHECK. OH， I DIDN’T HAVE THE NAMELIST WITH ME, I JUST PASSED THAT TO HONG.
ALICE：OH. CAN I ASK WHO IS HONG？
LECTURER：LET ME SEE．．OH．．．HE MIGHT GO ALREADY．．．SO NOW, YOU MIGHT JUST TRY TO CATCH HIM AT HIS ROOM AFTER THE LESSON THEN….
ALICE：HIS ROOM?
LECTURER：YES…THAT IS….ROOM 301, BUILDING 24
ALICE：THANK YOU SIR
LECTURER：YOU ARE WELCOME, BYE NOW.
ALICE：唉．．無啦啦攪到我無咗一堂，唔撞親咪好囉．．．起碼趕得切知道自己個TUTORIAL响邊嘛．．．激死人．．．最衰都係頭先個人．．．俾我見到佢呢．．唉，咁依家做Ｄ MUG好呢？JESSIE 又應該上緊堂．．．唉．．．
HONG：依，小姐，你仲响度嘅，你無咩事呀嘛．．．
ALICE：蝦，真係仇人見面份外眼紅呀！！你．．．你．．．頭先做MUG撞我喎．．．我緊係有事啦！！！
HONG：吓，你唔係撞親邊度唔舒服呀嘛？
ALICE：你就有病！你攪到我無拿拿無咗一堂上，你好陪返俾我呀！
HONG：吓，點陪呀？
ALICE：我理得你啦，你呀，UNI咁多路你唔行，偏偏要行依度做MUG先，仲撞親我，攪到我遲到，家吓連TUTORIAL都上唔到．．．
HONG：小姐，你唔好咁啦，一堂TUTORIAL啫．．．依家啱啱開學啫．．．
ALICE：嗰個唔係你，你就緊係講得輕鬆啦．．．我咁大個女，從來都未試過走堂家嘛．．．
HONG：唉，你唔好咁啦，我到底可以做ＤMUG嘢幫返你呢？
ALICE：唔知呀，唔知呀．．．總之你依家即刻同我消失，以後都最好唔好再俾我見到你呀！
HONG：好啦，好啦，你依家心情唔好，我就唔煩你喇，嗱，依度有我個名同電話，當我欠你一個人情，以後你隨時有咩需要，你就打俾我啦．．．接住啦．．．
ALICE：麻煩，走呀，走呀，最好以後都唔好見到你呀！
好奇怪，以我一個咁大笑姑婆性格嘅人，平時係好少發脾氣嘅，天跌落嚟都好少理嘅．今日就竟然為咗miss lecture咁小嘅事就鬧到收唔到聲．更奇怪嘅，就係响一個完全唔識嘅陌生人面前．．．
當我靜低返落嚟，我諗返個個俾我莫明奇妙咁鬧咗一大餐嘅人，我真係有ｄ覺得唔係幾好意思．．．
其實，佢都幾無辜．佢又唔係特登撞到我，但係就俾我‘狗血淋頭’咁鬧咗一餐，都幾寃枉！
講真，依個人個樣係點我真係唔係好記得，但係佢嘅聲音就好親切，令我覺得好似係一個親人咁．．．
我不期然諗起佢嘅說話：‘．．．以後你隨時有咩需要，你就打俾我啦．．．’
ALICE：依，佢嘅電話呢？．．．．
搵咗一輪，最後我响我自己嘅掌心見到個一張俾我緊緊揸到‘剿’哂嘅紙仔，同埋依個人嘅名．．．杜．．子．．康
*** 第二回完 ***
第一章 播種 -- 序篇STARTING
第一回 白日夢 DAYDREAM
背景：夢之花花店
EMILY：早晨先生，有無嘢可以幫到你呢？
客人甲：唔．．．我女朋友今日生日呀，我想買紮花俾佢，又想特別Ｄ嘅，唔知你有無好嘅花介紹俾我呢？
EMILY：咁呀，你女朋友有無特別鍾意Ｄ咩嘢花呢？
客人甲：佢呀，都幾鍾意白色嘅百合嘅，不過年年生日都送，玫瑰又係．因為我地今年六月結婚，想送ｄ有特別意思嘅花俾佢啫．．．
EMILY：唔，我明白喇．．．不如依隻啦．．
客人甲：依，幾特別喎．．．又係黃色，又係紫色，中間又有Ｄ白．．咩嘢花嚟架呢
EMILY：哦，依隻係叫做Wild Pansy，中文譯做‘野生三色菫’嘅花．因為你未來太太今日生日，依隻就係代表佢嘅生日花嚟架．．．
客人甲：吓，生日花？有嘅咩，日日唔同架？
EMILY：係呀，每個人都有屬於佢地嘅生日花架．．．而依隻就係屬於今日嘅花．．．
客人甲：哦．．．咁佢嘅意思係．．．
EMILY：依隻花係代表‘戀愛白日夢’嘅意思．．．
客人甲：吓，白日夢．．．咁咪唔係咁好囉．．．
EMILY：其實都係睇你點去解釋嘅啫，其實每個人嘅戀愛都好似白日夢一樣啫，有Ｄ係開心又甜蜜嘅，就當然最好以後都繼續發落去啦．．而唔開心個Ｄ，就唯有早Ｄ醒啫．．．但無論係邊隻，都係一Ｄ又靚，又令人嚮往嘅嘢嚟啫，係咪？
客人甲：唔．．．聽落又好似幾有道理噃．．．咁好啦．．就依隻啦．．
EMILY：因為依種花比較細朵，所以要配Ｄ其他花先比較好睇嘅，我幫你做主意啦，好嘛？
客人甲：無問題啦，老闆娘你咁專業，一於交哂俾你安排啦．．．
EMILY：多謝哂先生，請問你需唔需要送貨呢？
客人甲：好呀，麻煩你今日送去佢OFFICE啦．．．
EMILY：無問題，咁麻煩先生响依份表格上面填好Ｄ資料啦．．．
客人甲：OK．．．
＊ ＊ ＊ ＊ ＊ ＊
背景：巴士總站
JESSIE：（小聲）唔．．．ALICE，早．．晨．．
ALICE：嘩，JESSIE小姐，我差Ｄ就上咗車喇，你到底知唔知今朝我有九點嘅LECTURE架？！
JESSIE：（依然小聲）SOR…SOR…RI呀．．咁今朝媽咪叫我幫佢睇份文件嘛．．咁．．．
ALICE：OK喇，唔好解釋啦，再解釋就唔駛返架喇，重唔上車．．．
JESSIE：哦．．哦．．
〔巴士行走中〕
JESSIE：A…ALICE，開學十幾日喇喎，有無男仔約你呀？
ALICE：哈，開咗學得兩個禮拜，連預習都做唔切啦，邊有心情去諗其他嘢呀！況且大學咁大，你估係媒人寺咩，我地個系又女仔多過男仔．．．
JESSIE：又唔係叫你追人，你以前响高中就已經‘艷名遠播’架啦．．．
ALICE：邊有咁誇張呀．．．
JESSIE：咩唔係呀．．．個時你就話專心考好高考唔諗啫，依家已經入咗Ｕ，仲係HONEYMOON YEAR，你又為mug咁收埋自己呢？
ALICE：唉．．．總之．．．（揭書）依家以學業為重先啦．．．其他嘢我都唔諗住架喇．．．
JESSIE：依．．．等等．．喂，星座書話你今日會遇到你生命中嘅真命天子喎，仲話你地會好似童話故事咁，雖然會經歷Ｄ風波，但係最後都會有情人終成眷屬，幸福快樂咁生活落去喎．．．嘩，好浪漫呀．．．吓，你希望你嘅真命天子係點呢？高大威猛？英俊瀟灑？風趣幽默？定係對你情深款款呢？呀，你估吓你今日會點遇到佢呢呵？呀，會唔會係依架巴士上呢？喂．．講吓嘢啦．．．
ALICE：（無反應）．．．
JESSIE：依．．．ALICE．．．吓．．咁都‘恰’得著嘅．．．
ALICE：唔．．．唔．．．
＊ ＊ ＊ ＊ ＊ ＊
背景：火車上
〔火車行走中，手提電話響起〕
FLORA：HELLO, MORNING, FLORA SPEAKING．．．
BRIAN：早晨．．．
FLORA：哦．．．你呀．．早晨．．咁早嘅，有事？
BRIAN：Ummm…無．．．今日要出差去外地，依家响機場等緊．．．
FLORA：係呀．．咁去幾耐？
BRIAN：唔．．．三幾日啫．．．
FLORA：咁自己小心ｄ啦．．．
BRIAN：唔．．我會．．．你．．．依幾日好嘛？
FLORA：幾好呀，日日返工，放工，無mug特別呀．．
BRIAN：哦．．．errrr．．．Sorry 呀．．依排比較忙．．．所以，上次．．
FLORA：咳．．咳．．．你幾點機呀．．．我諗要收線喇．．．架車就快要入隧道喇．．．下次再傾．．．OK？！
BRIAN：喂．．喂．．．
〔FLORA掛斷電話．．．DO….〕
三月十三日，晴．
收到BRIAN嘅電話之後，我今日一日嘅心情就咁樣被毀滅咗喇．坐响我律師樓嘅寫字檯，我唔能夠唔的起心肝，發揮我嘅專業，處理咗一叠又一叠嘅文件，睇完一份又一份嘅file．但係，做足十個鍾，又攰‘賴賴’咁上返同一班無mug人坐嘅火車上面．廿幾分鐘返屋企嘅車程，俾我有足夠嘅時間諗返起今朝收到嘅電話，同埋依一個人．．．BRIAN．．．
就好似薰衣草咁，每一次依個人出現，總會在我身上留低一份好獨特嘅氣味，揮之不去嘅感覺．要一段時間先可以平伏落嚟．．．
有Ｄ人會唔鍾意依份氣味，偏偏每次我一唔開心，一失落嘅時候，都只有依種味道可以令我鬆弛返我嘅情緒，甚至令我可以安然入睡．．．
但係．．．我天生對花粉嘅敏感，會讓我對依種又強又濃嘅味道，剌激到好大嘅痛苦同好多嘅淚水．．．然後總要我用一段日子對依種味道‘避之則吉’．
我身邊無人知道我同依一種薰衣草嘅味道，有咁‘愛恨交織’嘅關係，但係，或者，佢地能夠由我身上偶而發出個陣陣嘅幽香可以窺見一二．．．
我唔能夠日日夜夜咁留住依個人响身邊，每次就只可以留住一份感覺同回憶．．．
*** 第一回完 ***
不同的花，有不一樣的花語，
每一天公式的生活經歷，好像是微不足道，平平無奇．
卻原來已經是一個個被施了咒語的童話．
人生越來越似夢境般轉眼即逝；
而童話卻又因人的智慧變得越來越現實．
到底是匆匆的人生比較有意義，還是似是而非的童話才是目標呢？
人生如戲，戲如人生．
這些故事中，又有沒有屬於你的一章呢？
～ ～ ～ ～ ～ ～ ～ ～ ～ ～ ～ ～ ～
位於火車站出口的小花店，
兩個女孩子每天上班，下班，上課，下課時都必定擦身而過．
傳來陣陣花香，帶來種種心情．
對愛情的憧憬和盼望，反映在每款不同花的花語之中．
還有不同背景，身份的‘惜花人’，
在不一樣的情況中，為所思所愛帶來一束束花，一份份心意．
一個個花樣般的日子，一個個童話般的人生
～ 花與愛麗斯 ～
樂花Flora Lok– 廿七歲， 本地事務律師所工作， 有思想， 聰慧， 堅強， 冷靜， 獨立， 果斷， 凡事考慮， 三思而行， 感情內斂， 不易對人傾吐心事
施麗愛Alice Sze– 十九歲， 本地著名大學教育系一年級學生， 美麗， 樂觀， 陽光朝氣， 外向， 健談．偶有點任性，和小姐脾氣，但睡一覺便甚麼都忘記，不記仇．
杜子康Hong To – Alice學長（三年級學生），暗戀Alice的男孩，沉默寡言，深情專一，外表俊秀，不善辭令，但有學識，修養
韓峰Brian Hon– 著名大律師，Flora 暗裡情人，與Flora關係礙於青梅竹馬未婚妻而不能公開，但深愛Flora聰慧明理，然而在感情處理有點優柔寡斷，會妒忌Flora身邊追求者
- Jessie – Alice 知己及大學同學， 純真， 不成熟，但沒有機心． 沒主見
- Edmond – Hong 堂弟，運動健將，大學主修物理治療，開朗
- Yan – Flora 同事及知己，從中學時期便已認識，深知Flora性格，亦是唯一知道Flora和Brian關係的人，雖然不能認同，但亦衷心支持老友的決定
- Emily – 夢之花花店老闆
