你好呀,既然大家都還想看我的"
遊東京",所以我就在這裡post給大家看吧!
其實
東京除了吃喝玩樂之外,最開心的就時逛逛當地的藝術館和gallery,不過由於大多藝術館都不可拍照所以什少有機會給大家看,除了以下這個,位於原宿涉谷區的Design Festa Gallery:
有去過原宿的都應該會見過,但我想大多數人都掛住shopping而較少人會入去看看,其實這個gallery是頗有趣的,加上是免費入場,來到原宿shopping之餘也應該抽少少時間入去看看~
第一層的展館有大量不同藝術家的作品展出,如你所見每位藝術家可以租用牆上的方格位置推行展覽,由於空間不算很大所以就算沒有很多作品的藝術家都可以參與展覽。
你看,牆上80cm x 80cm的位置每日只需525Yen, 加上原宿人流眾多,525Yen實在十分便宜了!
上到第二層展館,第二層多數是給一些擁有頗多藝術品展出的藝術家租用的,你看上樓梯時旁邊的牆也畫得很美!
第二層的走廊被油得很有特色和活力,日本的現代藝術對
來說是有一份純真孩子氣的。
連藝術家的mailbox都畫的很可愛!
到gallery的第三層,又另一番感覺~
在最高層影原宿的街,對比上來顯得過份正常...
行完gallery也可以到後園坐坐,後園還有餐廳,各藝術家可以坐下來交流一下,真好! 如果香港也有這樣的地方就好了~~
首先在這裡多謝在書展買了我的簽名本的讀者。
其實書展期間每天早上都會發售50本「阿呢酥炸蟹鉗」的簽名本,這些簽名本都是我在書展前在出版社親手簽的,一共簽了400本,因為除了簽名我也在每本書畫上公仔,所以一簽便簽了數個小時,簽完後我的手向我揮動說再見~
不說不知,這些簽名本其實是有個「小秘密」的,是我想大家和陽光玩遊戲之餘也和阿呢玩個小遊戲...
話說在我簽的400本「阿呢酥炸蟹鉗」裡面,每本我都會畫上一個阿貓,唯獨是有一本我是畫了豬仔的,亦即是我畫了399隻阿貓和一隻豬仔。
買到豬仔簽名本的應該感到頗幸運吧! 哈哈~ 
首先要多謝星期六有o黎支持我o既大家呀
,星期六o既簽名會o係係書展o既作者簽名區o既,亦係我第一次o係咁大o既地方簽名,能夠同你o地一齊渡過對我o黎講好有意義o既第一次真係好開心o架!!
好啦,去相~
同尋日一樣,去到地鐵站就梗係要同阿呢柱影相啦,因為今次有人幫我影所以我就可以同阿呢柱o黎個合照喇
尋日著o既係白色tee,今日簽名個場咁grand就著黑色
去到簽名區現在,我冇諗過個地方係咁大o架,開頭真俾有o的緊張,後o黎見到大家入o黎排隊我先定番o的本來想同大家影幅相點知幅相朦o左.....
好,到簽名會開始喇,當然有大家已經好熟悉o既阿呢編輯Sharmon o係台上幫我啦,唔該晒!!
人龍愈o黎愈長,亦有好多人o岩o岩先o黎到加入,聽講大家好難先行到o黎簽名區,真係辛苦晒大家喇~
今次我簽名個台o係右邊,我幫每位讀者簽名同畫公仔,希望大家開心啦
今次簽名o既流程都好暢順,台上o既讀者簽完名影完相之後就輪到下一pie上台,好有秩序呀
另一張簽名照
今次阿呢小隊o既老伯竟然送o左一大幅佢用lego整o既阿貓畫出o黎,太勁喇老伯!!!
除o左送俾我o既lego畫,老伯仲帶埋lego蟹鉗o黎玩o添,大家睇唔睇到我畫番幅變o左蟹鉗o既阿貓俾佢呀? 哈哈
全個簽名會順利完畢,因為每個作者只可以有1個鐘o既簽名時間,完o左就要俾下一個作者o架喇,幸好我簽過一個鐘後都未見有人踢我o地走,咁就為大家簽晒先啦
呢張o係我朋友幫我影o既,我好鍾意
阿呢小隊最後都留底o黎個大合照,真係好多謝你o地今日o黎撐我呀!!
之後同阿呢小隊吹o下水聚聚舊,Sharmon就同阿呢影相...哈哈
今日收到o既禮物真係好有心思,首先當然有老伯o既lego畫啦~
阿呢小隊o既Ryuda今次都整o左一碟蟹鉗送俾我,真係好得意呀!
夢夢送俾我o既袋袋,上面有我個樣o架(後面有阿呢o添!)
夢夢o既神秘朋友送o既禮物都好特別呀,上面仲畫o左我騎住我最鍾意o既膠鴨仔o添
Joy Joy送o既消暑西瓜電話繩,唔係講笑個電話繩真係有西瓜味o架!!
另外就係簽名會之後發生o既小插曲,話說我離開o左灣仔之後突然收到Sharmon電話,原來趕唔到o黎簽名會o既小豬同YanYan兩姊妹親自整o左真正o既酥炸蟹鉗o黎支持,真係好感動呀~~
兩姊妹V晒咁,好得意
我叫Sharmon幫我影相send俾我,睇真o的佢o地整o左有兩個鉗o既"真蟹鉗"同得一個鉗o既"假蟹鉗"呀,真係好有心思~~
雖然我食唔到但我都好多謝你o地呀,我冇問蟹鉗依家o既下落,我諗已經落晒Sharmon個肚度喇...哈哈哈
<--我都好想食呀~
今次書展兩日o既簽名會都好順利,o係度要多謝今日在場幫手o既Sharmon, Kimmy, Kelly, April, Joanne同出版社o既工作人員,當然仲有買o左酥炸蟹鉗o既大家啦! 好啦下次再見啦!!
我今日(星期六)6pm會o係簽名會A區 (會展廳)簽名呀,o黎書展o既就過o黎撐我啦!!
p.s. 簽名會A區o係邊? 我問過係o係第一層o架,唔知可以買完阿呢問問店員啦
以下係星期五o既書展實況,如果你今日係搭地鐵o黎o既話上電梯o個陣就一定見到阿呢o既廣告喇,有成條柱咁勁呀!! 今次阿呢仲唔係柱男...哈哈!!!
o岩o岩去到已經見到大家排緊隊喇,見時間未開始,出版社人員叫我o係自己個版度簽個名啦~ 係喎你o地見唔見到我件tee呀? 今次係阿呢戴住太陽眼鏡擺pose...呵呵~
書展新鮮出焗o既阿呢新書,大家要支持買本喇!!
開始簽名喇,今次好多謝大家有o黎撐我o既各位呀,工作人員話條隊長到打o左個彎去到隔離大眾同天地出版社o既,好在我之前幾本阿呢都o係o大眾有得賣,所以我諗佢o地唔會太介意o既...嘻嘻嘻嘻嘻(奸笑)
你睇我簽名個樣幾認真~ 今次幫手俾書我o既有marketing Kimmy同其他皇冠工作人員,而我o既編輯Sharmon就幫我同大家影相,真係唔該晒你o地呀!!!
皇冠出版社老闆麥先生都有到場,梗係要同佢影幅相啦,好開心佢咁支持我同阿呢!! 為o左保持佢o既神秘感所以我用個"麥"字遮住佢個靚仔樣
還有當然有同大家影相啦,今次見到好多一直有睇阿呢blog o既讀者,真係多謝晒你o地呀
簽名會全程大約1小時50分鐘完成,比原先預o既1小時加長o左好多,不過能夠幫大家簽晒名o既都值得o既
相中係有讀者超勁一次過買o左4袋廿幾本阿呢!! 多謝你呀(你知你係邊個)
而今次都收到讀者DIY o既禮物,以下o既係一幅好搞笑o既阿呢畫.....點解阿呢同阿貓結婚o既??? 哈哈哈哈
另外亦有讀者畫o左幅好大o既阿呢畫,真係好有心機呀!!
好啦,星期六我又會o黎書展簽名(6pm),今次係o係簽名區簽,係我第一次o架,有o的緊張o添,如果你係星期六o黎書展o既就希望你過o黎撐撐我啦
我今日(星期五4pm)會o係書展皇冠攤位簽名呀,o黎書展o既就過o黎撐我啦!!
