|
七月
29 |
首先在這裡多謝在書展買了我的簽名本的讀者。
其實書展期間每天早上都會發售50本「阿呢酥炸蟹鉗」的簽名本,這些簽名本都是我在書展前在出版社親手簽的,一共簽了400本,因為除了簽名我也在每本書畫上公仔,所以一簽便簽了數個小時,簽完後我的手向我揮動說再見~
不說不知,這些簽名本其實是有個「小秘密」的,是我想大家和陽光玩遊戲之餘也和阿呢玩個小遊戲...
話說在我簽的400本「阿呢酥炸蟹鉗」裡面,每本我都會畫上一個阿貓,唯獨是有一本我是畫了豬仔的,亦即是我畫了399隻阿貓和一隻豬仔。
買到豬仔簽名本的應該感到頗幸運吧! 哈哈~ 
|
七月
29 |
首先要多謝星期六有o黎支持我o既大家呀
,星期六o既簽名會o係係書展o既作者簽名區o既,亦係我第一次o係咁大o既地方簽名,能夠同你o地一齊渡過對我o黎講好有意義o既第一次真係好開心o架!!
好啦,去相~
同尋日一樣,去到地鐵站就梗係要同阿呢柱影相啦,因為今次有人幫我影所以我就可以同阿呢柱o黎個合照喇
尋日著o既係白色tee,今日簽名個場咁grand就著黑色
去到簽名區現在,我冇諗過個地方係咁大o架,開頭真俾有o的緊張,後o黎見到大家入o黎排隊我先定番o的本來想同大家影幅相點知幅相朦o左.....
好,到簽名會開始喇,當然有大家已經好熟悉o既阿呢編輯Sharmon o係台上幫我啦,唔該晒!!
人龍愈o黎愈長,亦有好多人o岩o岩先o黎到加入,聽講大家好難先行到o黎簽名區,真係辛苦晒大家喇~
今次我簽名個台o係右邊,我幫每位讀者簽名同畫公仔,希望大家開心啦
今次簽名o既流程都好暢順,台上o既讀者簽完名影完相之後就輪到下一pie上台,好有秩序呀
另一張簽名照
今次阿呢小隊o既老伯竟然送o左一大幅佢用lego整o既阿貓畫出o黎,太勁喇老伯!!!
除o左送俾我o既lego畫,老伯仲帶埋lego蟹鉗o黎玩o添,大家睇唔睇到我畫番幅變o左蟹鉗o既阿貓俾佢呀? 哈哈
全個簽名會順利完畢,因為每個作者只可以有1個鐘o既簽名時間,完o左就要俾下一個作者o架喇,幸好我簽過一個鐘後都未見有人踢我o地走,咁就為大家簽晒先啦
呢張o係我朋友幫我影o既,我好鍾意
阿呢小隊最後都留底o黎個大合照,真係好多謝你o地今日o黎撐我呀!!
之後同阿呢小隊吹o下水聚聚舊,Sharmon就同阿呢影相...哈哈
今日收到o既禮物真係好有心思,首先當然有老伯o既lego畫啦~
阿呢小隊o既Ryuda今次都整o左一碟蟹鉗送俾我,真係好得意呀!
夢夢送俾我o既袋袋,上面有我個樣o架(後面有阿呢o添!)
夢夢o既神秘朋友送o既禮物都好特別呀,上面仲畫o左我騎住我最鍾意o既膠鴨仔o添
Joy Joy送o既消暑西瓜電話繩,唔係講笑個電話繩真係有西瓜味o架!!
另外就係簽名會之後發生o既小插曲,話說我離開o左灣仔之後突然收到Sharmon電話,原來趕唔到o黎簽名會o既小豬同YanYan兩姊妹親自整o左真正o既酥炸蟹鉗o黎支持,真係好感動呀~~
兩姊妹V晒咁,好得意
我叫Sharmon幫我影相send俾我,睇真o的佢o地整o左有兩個鉗o既"真蟹鉗"同得一個鉗o既"假蟹鉗"呀,真係好有心思~~
雖然我食唔到但我都好多謝你o地呀,我冇問蟹鉗依家o既下落,我諗已經落晒Sharmon個肚度喇...哈哈哈
<--我都好想食呀~
今次書展兩日o既簽名會都好順利,o係度要多謝今日在場幫手o既Sharmon, Kimmy, Kelly, April, Joanne同出版社o既工作人員,當然仲有買o左酥炸蟹鉗o既大家啦! 好啦下次再見啦!!
|
七月
26 |
我今日(星期六)6pm會o係簽名會A區 (會展廳)簽名呀,o黎書展o既就過o黎撐我啦!!
p.s. 簽名會A區o係邊? 我問過係o係第一層o架,唔知可以買完阿呢問問店員啦
以下係星期五o既書展實況,如果你今日係搭地鐵o黎o既話上電梯o個陣就一定見到阿呢o既廣告喇,有成條柱咁勁呀!! 今次阿呢仲唔係柱男...哈哈!!!
o岩o岩去到已經見到大家排緊隊喇,見時間未開始,出版社人員叫我o係自己個版度簽個名啦~ 係喎你o地見唔見到我件tee呀? 今次係阿呢戴住太陽眼鏡擺pose...呵呵~
書展新鮮出焗o既阿呢新書,大家要支持買本喇!!
開始簽名喇,今次好多謝大家有o黎撐我o既各位呀,工作人員話條隊長到打o左個彎去到隔離大眾同天地出版社o既,好在我之前幾本阿呢都o係o大眾有得賣,所以我諗佢o地唔會太介意o既...嘻嘻嘻嘻嘻(奸笑)
你睇我簽名個樣幾認真~ 今次幫手俾書我o既有marketing Kimmy同其他皇冠工作人員,而我o既編輯Sharmon就幫我同大家影相,真係唔該晒你o地呀!!!
皇冠出版社老闆麥先生都有到場,梗係要同佢影幅相啦,好開心佢咁支持我同阿呢!! 為o左保持佢o既神秘感所以我用個"麥"字遮住佢個靚仔樣
還有當然有同大家影相啦,今次見到好多一直有睇阿呢blog o既讀者,真係多謝晒你o地呀
簽名會全程大約1小時50分鐘完成,比原先預o既1小時加長o左好多,不過能夠幫大家簽晒名o既都值得o既
相中係有讀者超勁一次過買o左4袋廿幾本阿呢!! 多謝你呀(你知你係邊個)
而今次都收到讀者DIY o既禮物,以下o既係一幅好搞笑o既阿呢畫.....點解阿呢同阿貓結婚o既??? 哈哈哈哈
另外亦有讀者畫o左幅好大o既阿呢畫,真係好有心機呀!!
好啦,星期六我又會o黎書展簽名(6pm),今次係o係簽名區簽,係我第一次o架,有o的緊張o添,如果你係星期六o黎書展o既就希望你過o黎撐撐我啦
|
七月
25 |
我今日(星期五4pm)會o係書展皇冠攤位簽名呀,o黎書展o既就過o黎撐我啦!!
|
七月
19 |
大家好呀,今年書展我會有阿呢o既新書&兩個簽名會,今次新書叫做:
阿呢酥炸蟹鉗
今期除o左阿呢o既四格爆笑漫畫之外,還有超過從未曝光o既15個短篇小故事、亦有加長版o既我係官塘人、"你想阿呢變成咩"插畫、當中仲有有史以來第一次有阿貓擔正做主角o既故事,還有今期特別加插o既阿貓的詩"咁豐富同精采o既內容,都會o係今期裡面一一送上!!
新書會o係書展發售,當日買我o既書o既都會有阿呢postcard送,以下o係書展簽名會o既詳情:
7/25 4pm 皇冠攤位 (1D02-18, 1E01-19), Hall 1
7/26 6pm -7pm 簽名會A區 (會展廳)
除o左所有買我o既阿呢書有postcard送之外,o係26號開始o係皇冠購物滿200蚊就會有阿呢大頭扇送o架
書展見啦!
|
七月
10 |
接近三個月的閉關...
三個月離開不多於10次自己居住的觀塘...
每天長達15小時的畫畫畫...睡醒還感覺得很累...
每天吃著同一間食店的外賣,吃到連老板娘也忍不住問我:「真的這麼好吃嗎?」...
在不夠睡眠和食之無味的情況下,我多次在家中高聲怪叫來維持自己的戰鬥力,令到鄰居極度不安...
接近三個月的閉關...(這一句開頭不是說過嗎?)
直到今天,剛從出版社看了最後初稿的final check回來,亦標致著我的閉關生活終於結束了!!!!!!
其實在這個閉關的期間都有開心的事情,就是可以在Pageone做了一個阿呢的展覽和簽名會,當日熱鬧的氣氛到現在我也很回味。 
而很多讀者都問我書展的問題, 書展我會有新書,而且也會有簽名會,現在暫定7月26日6pm, 到一切如地點confirm了就會在這裡或我的yahoo blog裡公佈
P.S. 因趕稿的關係我很久也沒有update這個blog, 令到這個blog沾滿蜘蛛網,看到這情境心裡確是有點內咎,在這裡要向我自己的blog道個歉,未來日子我會對這個blog好一點、update多一點的,所以大家有空就入來留個言吧!
上面的相片攝於出關後第一個meal,梁進還未吃到食物便說:「好好味,入口即溶,有咬口,又彈牙,麵有麵味!食得出廚師的心意!」
