十月
10

小丸子~I'm Loving it!!

本題目發表於 十月 10th, 2008 ( 16:40:35 ) | 並發表到 我想講....

話說今天經過麥當當,竟意外地發現由今天開始的開心樂園餐玩具是小丸子!實在太好了! I'm loving it!!

一套六款的小丸子玩具,除三個小丸子外,配角竟然是爺爺、野口和花輪同學,可見他們的歡迎情度頗高,今天換到相中最左邊的一款可以變臉的小丸子,十分有趣,細閱之下其他款式都各有特色,看來麥當當叔叔將會是我近期的好朋友~

其實認識我的讀者都知道,我是很喜歡小丸子的,除了有齊一套小丸子漫畫外,就連作者櫻桃子寫的書也有看,什至乎櫻桃子兒子櫻哈蜜瓜(好奇怪的筆名)的繪本也有買,雖然買後什感後悔...

雖然個人喜歡漫畫多個動畫,但小丸子的動畫我卻一一看過! (好自豪地說~),當然連真人版小丸子一、二輯也一早看完了(順帶一提,雖然第一輯的小丸子樣子笨笨很可愛,但其實第二輯的小丸子會較接近作者櫻桃子真人,不算很美也比較古惑)。而且第二輯的故事是全新創作的,對一早已將小丸子全套故事讀熟的我來說比較新鮮有趣,唯一奇怪的是第二輯的媽媽變成酒井法子主演,這位媽媽也未免美得格格不入了。

 

17 個回應到「小丸子~I'm Loving it!!」

  1. lai [遊客] 發表於: Oct 10th, 2008, 19:54

    哈哈!我之前系學校圖書館借小丸子漫畫黎睇
    被同學話幼稚...

    但我系當它系笑話書黎睇!!

  2. Rachel [會員] · http://www.openbooknet.com/blogs/u/rachelxlove 發表於: Oct 10th, 2008, 20:16

    哇!!小丸子啊!!
    我好鍾意爺爺架，佢好搞笑呀^^
    我都有睇真人版，不過聽講換左人之後開始唔係咁好睇……

  3. u.sa [遊客] 發表於: Oct 10th, 2008, 21:39

    原來你鍾意小丸子嫁！呵呵！我自從閃電傳真機開始，我都會錄低佢，真係值得一睇再睇。漫畫反而我無買，vcd就有。每次播完之後新一輯既小丸子都有驚喜，人物多咗同埋劇情豐富咗。其實除咗小丸子有爺爺，賓治同埋野口都有，佢哋個樣仲好似添。你還記得有兩個義務打理清水市既左左木老伯伯同埋鯉魚叔叔，他們被喻為傻瓜，不過你有無聽過左左木老伯伯唱樹木之歌，簡直笑到肚痛。還有穗波小玉的攝影狂爸爸，豬太郎等，我還是鍾意野口研究笑料，無聊兼搞笑。仲有小渚同學死纏花輪同學的情景。你有無睇小丸子去南洋小島旅行，好好睇呀！
    我明天就帶佢哋返屋企，謝謝你的推介！

  4. 迪波拉 [遊客] 發表於: Oct 10th, 2008, 21:41

    咁你咪要食好多開心樂園餐??:p

  5. 梁進 [會員] 發表於: Oct 10th, 2008, 21:46

    lai, 學校圖書館有得借? 真幸福呢~ ;)

    Rachel, 第二輯個小丸子冇咁得意,所以未必個個接受,但她的演技是好過第一輯的 :D

    u.sa, 咦似乎你同我一樣都熟讀小丸子喎...哈哈,我一直好想知小丸子去的南洋小島是哪裡,應該是一些南非之類o既地方。:)

  6. 梁進 [會員] 發表於: Oct 10th, 2008, 21:47

    迪波拉, 都係6個o者...哈哈,佢都要雨星期先轉款o既 :D

  7. 哈哈笑 [遊客] 發表於: Oct 10th, 2008, 23:20

    我睇到都打個突...酒井法子要做到阿媽..呆~

  8. debbie [遊客] 發表於: Oct 11th, 2008, 02:35

    yahoo個debbie呀~
    我好鍾意小丸子架~好可愛呀~

  9. capricorn [遊客] 發表於: Oct 11th, 2008, 07:24

    那有沒有看過日本有人能一次過替所人小丸子卡通人物配音？很厲害的呢。

    http://tw.youtube.com/watch?v=4u93Tl6IDt8

  10. u.sa [遊客] 發表於: Oct 11th, 2008, 09:44

    南洋小島可從劇情略知一二，你有無留意小丸子在島上認識的小女孩〝布西蒂〞，旅行最後一日她穿了傳統服飾，及送了一個公仔比小丸子，我估係泰國或馬來西亞地方。

  11. 梁進 [會員] 發表於: Oct 11th, 2008, 14:40

    u.sa, 你說得對! 我翻查了漫畫,當小丸子的飛機到達的時候,廣播是說"本機即將降落曼谷機場"的:yes:
    所有迷團都解開了! 哈哈:yes:

  12. 地球妹妹 [遊客] 發表於: Oct 12th, 2008, 00:59

    我都好鐘意小丸子嫁﹗我有小丸子的全套漫畫，又買了櫻桃子的其他書，全部我都好鐘意嫁﹗其實在日本這套公仔在麥小奴是由10月3日開始有得換。本來我仲以為要去日本才有得買全套，現在香港都有，所以好開心呢﹗我同你一樣，未來三星期都要和麥小奴有個約會啦﹗
    除了小丸子外，我都好支持你嫁﹗不過由於是看AM730才認識你，所以都只是買齊了阿呢全套漫畫咋﹗你有其他支持者比我更叻呢﹗如果你出阿呢公仔我一定會買呢﹗當然我更喜歡你穿的阿呢T-SHIRT，如果有得賣就好啦﹗
    你在明報的阿明(唔知有無記錯個名，如果錯左真SORRY﹗)，我都有看嫁﹗
    其他人話呢﹖

  13. 小東東 [遊客] 發表於: Oct 13th, 2008, 00:26

    話時話時，我都覺得酒井法子做小丸子阿媽，真係有啲格格不入。一來酒井法子仲好後生好靚。二來，我睇小丸子卡通，小丸子阿媽本來好惡，換了酒井做，突然間覺得，點解小丸子阿媽溫柔咗咁多既?
    不過話時話，你除了喜歡小丸子，還喜歡什麼漫畫。因為我一直有個感覺，你是喜歡蠟x小生多一點，(看過阿呢漫畫的我的同事也是這樣認為)其實實情是不是?

  14. 路人甲 [遊客] 發表於: Oct 13th, 2008, 08:50

    我都換左小丸子啦!

  15. 迪波拉 [遊客] 發表於: Oct 13th, 2008, 22:06

    呵呵呵! 我都終於食左個開心樂園餐喇!!
    估唔到小丸子個樣係上下換而唔係左右擰.....

    好鬼馬呀

  16. prince_stylish@msn.com [會員] 發表於: Nov 10th, 2008, 03:06

    我小時候都好中意小丸子架。
    仲記得倩怡姐姐首bilibala

  17. MICKEY [遊客] 電子郵件 · http://hj.myblog.yahoo.com/hj56988 發表於: Feb 6th, 2009, 20:49

    我都好LOVE架,不過都係DRAGON BALL就LOVE哈哈,我DRAGON BALL全部有看過,DRAGON BALL,Z,GT,我是一個超級DRAGON BALL迷,呀仲有可唔可以同我做FRIENDS呀,我是一個中1生、讀鄧鏡波學校、快13歲多多詣教

留下回應


你的電郵地址不會在本網站內顯示。

你的網址會被顯示。
:!: :?: :idea: :) :D :p B) ;) :> :roll: :oops: :| :-/ :( :'( |-| :>> :yes: ;D :P :)) 88| :. :no: XX( :lalala: :crazy: >:XX
(分行成為 <br />)
(名稱，電郵和網站)
(讓用戶通過郵件的方式與您聯絡（您的郵件將不會被發現。)
« (開始召集) 你想「阿呢」佢o地係乜/搞o的乜?
呢遊東京之:臭腳味的納豆~ »