大家好呀,今日赤口不宜拜年,咁周圍飲飲食食行街街就最o岩喇,今日去
o既地方係:北角
點解去北角? 有睇好耐之前個yahoo post (special) 同「阿呢」行街睇戲直落~就知每年新年o的舖頭收晒,條街就會好多印巴人同本地人賣地攤賣o野,咁上年o黎過都幾開心,今年再o黎啦
一去到本來想食上次去過但
食到o既餃子店不過冇開門,諗住去食上次 
食o既十三座牛雜啦,點知又要初五先啟市,真係出師不利...
食唔到餃子店,身邊友人介紹我過幾條街o既小辣椒,本身唔太食辣但
話唔辣o既o野一樣好味,咁就入去試o下啦~
首先o黎個上海小雲吞,o的雲吞好細粒但有好多,一口一個好好味
你睇o的雲吞細粒得o黎個尾有好長,好似金魚咁,令我諗起<崖上的波兒>o的金魚仔
之後再o黎我鍾意o既煎鍋貼,皮夠薄入面夠多汁 (我俾錢o個陣先發覺全店都係由北方人主理,唔怪得o的o野咁有水準!) 
友人介紹o既蔥爆牛肉炒年糕(亦有羊肉選擇),o的年粒細細塊好咬口,又唔會油lum lum, 讚!!
好~食飽飽就開始行街街,可能今日暖o的所以比上年更多人開舖,而好多印巴人同印巴舖頭已經成為o左o個度o既特色!
印巴人o既地攤多數都賣o的民族o野同象象公仔咁,我上次都幫襯買o左隻泥象象
另一邊有大陸人賣玉賣錢幣賣佛像
除o左以上o個o的仲會有o的夜冷雜貨,連超大個公仔都有
行行o下,俾
搵到o的好o野....
就係我最鍾意o既兒時玩具喇,只係5蚊咋,好後悔冇買多個,一個擺一過玩o麻
臨走發現呢隻超肥,好搞笑!! 睇o黎新年佢食得太多喇~
多謝買o左我新書o既大家,未買o既你請多多支持啦!!
本頁的回應 RSS feed
你既粉絲一號~忌廉~呵呵呵~ [遊客]
發表於:
Jan 29th, 2009, 18:38
我好鐘意你既漫畫呀~真係最地道最搞笑最有共嗚呀！你d漫畫睇極都唔會悶~我睇完又睇~直頭可以背晒成本「阿呢亡命小巴」咁濟~~呵呵
呵呵~我係一個似係勁人但其實係廢人既hea學生~平時都係睇你既阿呢hea下~超佩服你可以畫咁多漫畫~如果係我就hea左佢就算~
我有幾個idea都ok想你錄落去阿呢到=v=~(唔知有冇可能呢)呵呵~無聊既人特別多idea~不過...我唔知係你個blog到講有咩風險...可以用email傾嗎？(msn都得呀~)我等你唷~
花名--->忌廉上
dickslaw@hotmail.com [會員] 發表於: Feb 18th, 2009, 23:02
你出了一本(阿啦)
但是,為什麼你只出一集?
ee [遊客]
發表於:
Jun 15th, 2009, 14:43