哈o羅~上星期o既有我o既訪問,出書o個日仲要係我o既生日o添

今個訪問有列出今集新書o既新角色,除o有呢爸呢媽之外仲有蔡san...嘻嘻嘻

仲有我扮model示範用呢呢袋...哈哈(留意我個名變o左"作進"...我諗佢想寫作者梁進~)

o係度要多謝 o既訪問

今日係26號Boxing day,大家 冇禮物拆呀? 今日我就入o左西貢喇~

今日天氣涼涼地,o係海灘吹吹風都幾舒服

其實今日入o黎o既主要目的就係燒o野食,阿呢小隊o既傑他他老伯同我朋友都講過呢度唔錯,今日一於o黎試o下  

入之前要買o左飛先~

入場前會cup個火火印俾你,我開頭以為係雞翼o黎...哈哈     

當你買飛o個陣  會俾幾張卷你,每人可換到一枝水、一鑵汽水、燒烤叉同碟~

好啦,換完o野搵到位坐後就可以出o黎羅o野喇~

度o既食物種類都算ok多,燒o野食基本有o既都會有,例如唔同種類o既丸呀、腸呀、雞翼呀、扒呀咁

仲有多春魚、秋刀魚同咖喱魷魚o添 

麵包方面有厚方包同法包,法包仲可以搽蒜容醬,好好味~~

場內都有少少熟食,例如薯條、燒賣魚蛋、茶葉蛋、炒飯等等   

呢度o的調味料都幾多,而且o的黃心蕃薯好好味     

順帶一提,如果想要碩紙包蕃薯係要另外買o既,但我o地唔用碩紙都一樣得,所以唔太介意就可以慳番  

好,羅o左o野食,就可以開始燒喇   

燒   ~~

再o黎,燒   ~~

    o地睇我燒o野雞中翼燒得幾完美!

就連豬扒都一樣燒得完美,原來   係有燒o野食o既天份o既...呵呵呵

搽牛油燒栗米都幾好味,不過其實自己鍾意打邊爐粟米多o的     

個場都幾大幾舒服,一班人o黎玩都唔錯     

由天光燒到天黑,食飽飽就走喇,夜晚仲愈o黎愈多人o黎  

臨走前影o下個價錢牌俾大家睇啦   

好啦,連放幾日假玩得好開心呀,又係回歸趕稿o既時候喇...呵呵  

祝大家有個開心o既假期啦 

聖誕快樂呀大家,今日大家玩得開唔開心呀?  

因為隻豬仔腳唔適宜行太多路,所以友人提議不如唱K同睇戲啦~去到銅鑼灣e house對面o既newway竟然超多人,所以去糖街CEO啦,點知反而唔使  

o係大堂影o既相,增加o下聖誕氣氛o麻...哈哈哈 

本來都係諗住短短o地唱個tea K,點知店員話可以唱到八點,而且仲係超大房!!   

我o地只係得兩個人咋!!!!

突然    咁大個空間真係有o的唔係好慣,部電視好大之餘隔離仲要有裝飾櫃,勁  

收禮物時間,收到一大袋熊仔禮物...嘻嘻   

如果有睇我上年生日個post會記得我收到個無聊bit紙條機,今年再接再厲,收到新出o既出麵機     

你睇,一推o的麵就會走出o黎,麵上仲要有唔同o既樣o架o添,真係好搞笑呀     

再o黎收到Britney Spears o既single全集,入面有晒咁多個MV,正呀    

熊仔袋入面原來有好多零o既

好啦,唱K時間,我o地有唱宮心計....哈哈哈哈哈  

而唱得宮心計又點唔可以唔唱埋富貴門~呵呵

可能係大房,連Wii都有得玩

玩後感: 都係要同朋友一齊玩先開心,而我覺得最好玩o既係棒球

你睇我呢幅相玩得幾有動感...哈哈,我玩緊打拳(超累~~)

雖然話可以唱到八點,但我o地唱到七點就走喇,因為要去睇神探福爾摩斯,劇情都幾緊張,如無意外應該有下集

睇完戲就再去睇跌打,今日隻腳o的瘀血明顯散緊出o黎,睇o黎好快就完全好番晒喇~~好o野  

今年生日雖然隻腳變o左豬腳仔,但其實都玩得好開心,希望大家都同我一樣有個愉快o既假期啦  

哈哈大家睇標題唔使擔心,今日隻腳已經好番好多,雖然仲有少少腫,但已經可以見步如飛喇  

話說會展有個香港冬季購物節,有三個唔同主題o既展覽(好似係家品、車同美食展),鍾意睇埋o的乜展物展o既我就o黎"貢"o下啦  

一入到去見有人排隊,原來有遊戲玩,贏o左有機會住酒店之類  

 又排o下啦,每人分到兩個籌碼玩~~

為o左唔會有人玩完再玩,每人羅o左籌碼都會cup個加油印o係隻手度  

玩後感: 個遊戲贏到o既機會係一億份之一....... 

老實講,個家品展區有o的似o左o的商場仔咁,o的o野好唔吸引....

既然 咩睇就學o的師奶試按摩椅啦,試o左呢個dup膊頭o既唔錯,有o的想買~~嘻嘻

見唔對路就過隔離車展啦,我本身唔係特別鍾意車,不過 o的車可以俾人任坐同影相,買唔起車都可以o黎扮jar o下   

成日睇戲見o的街車後面有個音響好勁,個識發光o既好似戲裡面o個o的咁

P.S. 你睇我形容車o既評語就知我對車係零認識啦...哈哈哈     

好啦,唔好o徙時間o係o的悶o野度,都係去番我最 興趣o既美食展啦,見到有大粒生帶子刺身,10蚊一粒 (因佢切成兩塊,所以你見到一串有兩個)

帶子會點埋o的wasabi俾,你都算幾鮮幾甜   

之後見到呢個好似好強o既流沙包

我去到o的包已經賣晒,得晒流沙丸,有蟹粉、芝士同麻辣三種味揀,10蚊有六粒,可以要咩味都得,因戒口唔食得辣所以試o左蟹粉同芝士,蟹粉冇咩味,芝士就ok

總括今次展覽: 其實今個展覽真係麻麻,美食展又唔夠上次o個個多o野,不過只需10蚊入場又有三樣o野睇,冇o咩搞都可以行o下  

離開之後想俾隻豬腳仔休息o下所以去o左星巴hea, 試o左佢新出o既ginger咖啡,薑味唔多唔少o岩o岩好,有o的似食緊薑餅飲咖啡,咁,好有節日feel,有機會試o下啦! (我好似賣廣告咁...哈哈)     

hea到差唔多又係去聖堂望子夜彌撒喇,祝大家平安夜快樂,聖誕玩得開心o的  

大家好呀,多謝大家o既關心同慰問,跌打醫師似乎幾使得,今日行路都唔係好痛喇,要大家擔心真係唔好意思

今日隻腳腫o的,但醫師話o的瘀血已經出晒o黎o架喇,而因為敷o左一晚藥貼,依家隻腳散發出清香o既枇杷味...哈哈

今日醫師加大o左力度,雖然有o的痛但我感覺已經比o尋日好好多喇

睇完跌打就去食o野,因為要戒口所以其實冇咩好食,唯有食mos burger個照燒雞包啦 (我連跟餐個炸薯餅都冇食,夠乖喇o卦~~)

今日見到mos burger有得玩刷刷咭,贏o左會有個Mr. Mos 電話繩,幾得意

我買個餐o岩o岩過40蚊,有刷刷咭一張

刷刷刷~不過冇中...呵呵

雖然聖誕假期冇漫畫,但我都會update 個blog o既,所以有空就上o黎留個言啦

唉~話說o尋晚落樓梯o個陣拗柴,痛到

本來都諗住冇乜o野咁返屋企,點知去到十二點幾o個陣連行都行唔到,於是就三更半夜飛的去急証室啦,點知去到超多人,如果等o既話我諗要排幾個鐘,就o係呢個時候的士叔叔提議我去一間o係慈雲山通宵營業o既跌打舖~~

就係以下呢間,今次係我第一次睇跌打o架.......(有o的緊張ing)

你睇我隻腳腫o左一o舊,醫師話我拗柴幾個鐘遲o的會仲腫o的........

本來仲驚會好痛,原來醫師捽得幾舒服,俾捽完真係冇咁痛~~

P.S.醫師話好多人會舒服到訓著o左o添...哈哈

捽完就要敷藥,塊藥貼係冰凍o既,佢話有助o的筋快o的埋口~~~

除o左敷藥仲要戒口,醫師俾o左呢張細細張o既戒口紙俾我,有o的搞笑

其實依家要行都仲好痛,醫師話我要去多幾次捽藥,應該過幾日就會好返o架喇,大家唔使擔心

我依家聽醫師話盡量唔企同行,希望快o的好番啦,我放假要去喪食喪玩o架o麻...呵呵呵

哈o羅,下集就講o下收到大家送o既禮物啦

首先係大家親手寫o既信、咭同畫,你o地寫俾我o既我已經睇晒喇,真係好多謝你o地o既支持同鼓勵呀,我會繼續努力的

影多想幅畫啦,讀者Kimmy畫o既阿呢阿貓 o地,好得意

之後就係小豬YanYan兩姊妹,睇開呢個blog o既都實識佢o地,今次家姐整o左呢棵阿呢聖誕樹,上面o的阿呢阿貓豬仔可以除落o黎,實在太強喇.......(by the way,我好鍾意聖誕樹個笑樣...嘻嘻)

今次妹妹整o左下面o既阿呢merry christmas,佢o地兩姊妹o既手工真係勁到我    o野好講喇~~

我鋪平影多張相,真係好靚~~~~真係好多謝你o地呀~~~~~~~~(呼叫ing)

除o左親手整o既禮物,佢o地仲因應今次新書講甜品o既主題,送o左兩個蛋糕俾   ,我返到屋企食o左左邊o個個,好好味呀~~上面o的銀色珠珠原來係糖o黎o既

姊姊送上peach snapple,係我最鍾意飲o既,由美國讀書o個陣已經開始飲,當佢送俾我o個陣我好surprise點解佢會知o既~~~原來係我今期新書有講到,佢唔提我我都唔記得o添.....嘻嘻嘻    (影相時已經飲晒,得番個空樽...哈哈)

有讀者送上大大盒o既三角朱古力,一盒有四種味,我最鍾意dark chocolate o個款  

讀者自己油o既豬仔,身上有我個名...嘻嘻  

而另一邊有阿貓,好有心思呀  

傑他他老伯o既lego阿貓,老伯整lego o既創意愈o黎愈勁喇,期待老伯可以o係動漫節再贏lego大獎 

將阿貓擺埋o係之前老伯送俾我o既阿貓地(足否)一齊影張相啦...呵呵呵  

話說簽名會當日亦係書迷會會長夢夢生日，老伯仲特登砌o左個lego夢夢俾佢,好得意 

會長夢夢知我買o左新netbook,怕我唔夠USB頭所以送o左呢個鴨仔USB多頭插俾我,真係又得意又實用呀

好啦,最後阿呢小隊o黎個大合照,好多謝大家o黎支持呀,小聚再見啦  

今次真係要好多謝所有o黎簽名會同耐心等候o既大家,大家o既支持真係令我好感動呀,為報答大家我會繼續努力,創作更好o既作品俾大家   

多謝多謝 T______T <---繼續感動ing~~

大家好呀,好多謝今日有o黎簽名會既大家呀

首先要向等咁o左咁耐o既讀者講聲唔好意思,估唔到今日有咁多讀者o黎撐我(聽工作人員講有三百人呀!!)

原定簽名會由原先o既四點至五點竟然最後會簽到六點半先完成,而且因要幫所有讀者都簽到名所以後半part只能夠幫大家簽新書,o係度要向每一位耐心等後候既大家致萬二分至歉,希望大家見諒啦

好啦講番簽名會,其實冇諗過有幾多人會o黎,到現場先見到一大條龍等緊,好勁

好喇,等o左一陣,分享會開始~~

螢光幕有阿呢新書同阿呢聖誕公仔,加上我又著紅色衫,好有節日feel呢...嘻嘻  

MC問問問, 答答答ing~

我真係諗都諗唔到今日會有咁多人o黎,實在太太太太勁喇!!   

好因想可以有多的時間同大家簽名,所以分享會好快就完畢,大家開始上台簽名 

我依家睇番相先知有咁多讀者,真係好感動  

連個台都多人起o黎~~

多謝大家耐心o既等候呀

雖然時間緊逼,但我一定堅持會同每個上o黎o既讀者打招呼、簽名同畫公仔o既 

今次為配合新書主題,所以係畫阿呢胃公仔o既...呵呵呵呵       

聽講因太多人有o的運亂,所以主辦單位搵o左個人拎住氣球等大家知邊度係龍尾

繼續簽簽簽簽~多謝讀書迷會會員o黎呀   

呵呵~~  

因為簽名過o左一個鐘要交個台俾下位作者,所以簽名會移到另一個位度(我都話我一定幫大家簽晒先走o架啦)     

繼續簽簽簽簽~

以下係幾張同讀者影o既合照,見影得咁靚就post埋上o黎啦 

yeah~多謝你o既支持呀  

小朋友好乖呀  

呵呵阿怡著猿人, 好潮呀!!   

好啦post住呢度先,聽日post埋下集,下集會show 埋今日收到o既禮物o架 

大家好呀,今朝出席左大眾書展o既開幕禮,9:30am到場,早到呢..........

有幸成開幕嘉賓之一,好榮幸

一入場有兩排扮聖誕樹o既小朋友,好有氣勢~~

首先係上台開幕禮,每位嘉賓都會有一位小朋友一齊上台

再o黎一張~~~

好啦活動完 o左探o下阿呢新書喇,我都係今日先見到實物,普通版同限量版都o黎到喇

好大棟阿呢新書呀,新鮮熱辣運到

大家記住阿呢新書係o係一入去中間既"新書/暢銷書" section呀

呢呢袋豪華特別版大約11點都o黎到喇,同佢影張相先

精品區亦有阿呢小舖,想買阿呢精品既就o黎探o下阿呢喇

簽名區前有阿呢紙版,睇下佢係行緊紅地氈 o架..哈哈

============================================================

 

阿呢新書會o係書展有分享會同簽名會,

日期同時間係12月20日 4pm-5pm, 希望到時見到大家啦

香港會議展覽中心3FG展覽廳

到時見啦!!