今個星期有幸獲903 o既麻利亞邀請做訪問,每日聽Dik Dak Dik Dik Dak都聽到佢,今次終於見到真人喇~

個訪問會o係今個星期日 (6月28日) 11am-12 o係"my903"節目會播出,有機會就留意o下喇

做訪問前影o下相,留意隔住玻璃o既另一面就係麻利亞喇

另一張由另一面望番過o黎o既相...嘻嘻

做完訪問o黎個合照啦,因麻利亞話唔好出鏡,咁就用個"麻"字保持神秘啦~ 想知多o的麻利亞o既話可以上佢個blog睇睇:

http://hk.myblog.yahoo.com/malaylayer  <---麻利亞blog

o係度要多謝903麻利亞o既邀請!!

大家好! 上星期我接受o左香港電台Teen Power podcast節目: <<漫動作之本地漫遊>> o既訪問,兩part訪問都出o左喇,大家可以去港台呢度聽番:
 (上到去click右面"電台專訪"section)

http://www.rthk.org.hk/elearning/hkillustrators/index.htm?section=local_main&id=17&page=1

又或者直接click下面兩條link聽都得:

第一 part

第二 part
以下係我同節目主持人紫龍o既合照,o係度多謝紫龍o既邀請

當紫龍好細心講解訪問內容o個陣,我發現有人偷影我...哈哈~

呢張係o係港台網頁copy出o黎o既相(紫龍影o既),我扮DJ個樣好搞笑

哈佬~第二屆o既香港國際藝術展09又開始喇,其實我都期待o左好耐,因今次有超過110位來自全球24個國家o既art gallery o黎展覽,o係香港真係好難得,所以今日一早我就起身出發喇~~
咁睇藝術之前要做咩準備? 當然要飽肚仔先去啦,所以lunch就去o左 Art Center隔離間灣景酒店食lunch buffet先!

lunch buffet只需98蚊(dinner buffet要298,有某某credit card仲有discount),而食物種類同水準都唔錯~

另一張o野食相

甜品亦有好多種選擇,我

完檯面o的蛋糕已經頂唔住 (其實仲有雪糕同糖水同果tart o架)

   睇o個度環境都幾舒服,想lunch坐得舒服o的都係一個唔錯o既選擇~

好食飽飽就出發去會展喇,睇到會展已經大致裝修好晒,環境光猛o左好多

入場之前呢個巨型展品好受大家歡迎,掙住同

   影相

場內有好多唔同國家o既藝術展品,都算十分豐富

我曾經o係藝術雜誌見過呢個日本畫家o既作品,自己十分鍾意

場內仲有藝術家親身示範創作o添

因為會展地方夠大,今次可以

多o的大型作品,真係好喇!

你睇連奈良美智都有

認唔認得出我後面係咩? 咪就係翠兒同阿寶o羅,不過變成o左骨...呵呵

有好多o係雜誌見過o既作品依家可以以超大size親身睇,真係好正!

另一幅

頗鍾意o既大型油畫

總結o黎講,相比起我o係美國睇o既藝術展,今次香港藝術展裡面o既作品比較參差,不過當中亦睇到唔少自己睇得好開心o既作品,加上呢類大型國際藝術展o係香港都唔常見,希望多o的人去睇令到佢能夠愈做愈大啦!

話說上次新地八大商場o既記招o係今期Take me home (東九龍版) 做o左封面,有好多阿呢~

而港島中西南區o既Take me home第23頁亦有報導

但最搞笑o既係,請留意幅相右邊o的字,竟然嗌錯o左我叫阿呢...

你睇唔睇到,我o個日有戴住個阿呢公仔o架