1.早前plan嘅「暑假大計」仲係未開始進行。我頂！
2.我睇緊<<射鵰英雄傳>>，真係好好睇，金庸真係好鬼勁！
3.搞到我好想做古代人啊~就咁嗱住把劍四圍走、浪蕩江湖，超逍遙囉！
4.話唔埋我又會遇到個世外高人，傳我一身好武藝，正啊！
5.得閒去吓撩是鬥非，又間唔中去吓劫富濟貧，哈哈！
6.又話唔定我會遇到個武功超勁、身材超fit、人品超好、品味超特別、家世超雄厚、又超有文采嘅超級靚仔~~
7.哇哇哇！！！又又話唔定，佢超冧我~~~~~呵哈哈哈哈！！！
8.唉，算喇，都無謂再諗，發夢先算喇~~
9.冰河世紀3又超好睇，我真係好鍾意李燦琛、林海峰同陸wing~~笑死我喇！！！
10.不過個3D版唔夠3D。囧
11.屋企啱啱裝左冷氣，唔洗驚訝喎，我屋企本身係無冷氣，鬼叫我屋企窮咩~嗚嗚~
12.不過，裝冷氣係一件好撚煩嘅事，真係唔裝好過裝，搞到屋企勁大塵、我又要做多啲家務，煩死人！
13.開親冷氣我都「攝」親，搞到個人乾「爭爭」，頂，押左韻添，總之就煩啦！
14.最重要，我終於都同大家一齊，加速整死個地球~~
15.聽日返大陸。
16.雖然係大陸好好玩，但我最憎啲阿叔阿嬸「啊吱啊咗」、問長問短。
17.成日話:「雯雯，你又肥咗喎！仲肥左咁多！」
18.我頂！我肥唔肥關你哋叉事咩！
19.我就係鍾意做肥婆！你地吹咩！
20.慘得過我身體健康！
|
七月
04 |
本頁的回應 RSS feed
