Adrian Mok是個頗有名氣的編劇，在電影界屢獲殊榮。值得一提的是，他是gay。我助手得知後作發達狀，「Adrian Mok住係你對面？你仲唔上？」
我倒沒有想過要上他。只是我答應了他的邀約，上他家祝賀他新居入伙。雖然他一個星期前已經開過入伙派對了。
我按照預定的時間，走到對面按鈴。門打開來，我終於看見他。他大概四十開外，保養得很好。樣子跟照片上的差不多，不過真人看上去要精神一點，親切一些。
「Sorry，搬左入黎咁耐都無打過招呼。不過我真係撞你唔倒，哈哈。」他爽朗地笑，一邊伸出手來，「Adrian Mok。」
「我知，哈哈。」我跟他握手，「你點知我個名架？」
「我朋友係走廊見到你，話你住對面。」我受寵若驚。順手遞上一支紅酒。
「乜咁客氣呀。陣間開黎飲。」他笑著接過酒，迎我進屋內。
甫踏進門，我首先看見一整面牆壁的書架。滿目的中外書籍，細看之下還有法文的。他家裏放著音樂，我隱約辨認出是Don McLean的歌聲。
「Vincent。Don McLean為左梵高寫既。你鐘意佢？」他說。
我不好意思告訴他，我只愛聽American Pie。我參觀他的唱片架，尋寶一般。看見Pet Shop Boys的黑膠唱片時，我輕輕地啊了一聲。
「你鐘意？鐘意既話送俾你。」
「吓？唔洗喇。」我婉拒。又不是小孩子，怎敢隨便收別人禮物。有點歲數了，我開始意識到甚麼東西都是要還的。
「有咩所謂。」他饒有興味地看著我，「你驚咩？阿仔，唔洗你還。」
被人看穿了自己的心思，我非常驚訝。他有一雙洞悉世情的眼睛。
本頁的回應 RSS feed
Renee [遊客] 發表於: Jun 17th, 2008, 20:35
看到你寫don mclean，心裡就哼起starry starry night...，再看下去，真的寫到vincent，呵呵。
gus去到哪裡了？又會有怎樣的糾結？好期待。