7月25日星期六係我第三日到書展,亦係三日中最開心既一日,因為個日既主要目的係去撐朋友場,同埋認識到《阿呢》漫畫家梁進!

我的化妝師好友 Julie 出書了!
由最初欣賞她到問她有冇興趣出書,再介紹她給我的編輯認識,然後同佢一齊構思佢本書、jam ideas ... ... 最後來到今年書展見證佢既新書簽名會,心底有一種無名的感動湧上黎!
Julie,祝妳的化妝事業越來越成功,越來越爆!
我們一齊加油吧!

交換新書!
《索到爆》+《慳家扮靚靚》
請大家多多支持!多謝!

同一日亦係朱 Fun E 新書《潮語新聞字》既簽名會,我喺簽名會正式開始前5分鐘,偷步兼使橫手問佢攞左個簽名和合照!
左面那位男仕係朱 Fun E 新書既插畫師,佢畫既插畫好 cute架!

與朱 Fun E 同場攪簽名會既重有梁進,好開心認識到呢位新朋友!
喺我同梁進之間呢兩位索到爆既女仕就係我地「青春文化」勞苦功高既編輯 April + Sharmon 啦!

April 與我

《阿呢》漫畫家梁進
話 說個日 Sharmon 介紹完梁進俾我識之後,我就興奮到一輪咀甘同佢講我有幾鍾意睇佢既作品,同埋激讚佢今年喺書展推出既《阿呢》文具系列,我話我最鐘意個鎖匙扣,靚到爆,点 知佢聽到之後就即刻喺佢個袋裡面 um 左嗰個鎖匙扣送俾我,好開心但亦都有点尷尬,佢真係好好人,多謝你呀!

梁進話我知《阿呢》文具系列既設計同包裝都係佢一手一腳包辦,好勁!
重有,自己的作品受歡迎到能夠擁有一條 product line 係幾甘唔簡單既一件事,真心佩服!加油!
大家有興趣不妨買佢既《阿呢》漫畫睇吓,好得意同好好笑架!





麵包仔 [遊客] 發表於: Jul 27th, 2009, 10:18
ilumyou@gmail.com [會員] 發表於: Jul 27th, 2009, 14:24