以下幾年前為了參加電台的書展活動「改編故事情節」的作品，改編自麥迪豪《小醫生大志向》之《慘叫手術室》，不曉得最後有沒有播出來。

《小醫生大志向》是醫學生的血淚史，非常好看，顯淺易讀，作者文筆幽默，經歷寒窗苦讀的莘莘學子對作者苦讀醫科的片段自會感同身受，《慘叫手術室》令人印象深刻又十分好笑。

醫學生A：唉！今日睇黎睇去都係切脂肪瘤，悶到抽筋！
醫學生B：咪係，呢ｄ野小兒科啦，都唔刺激0既，兼且全程行行企企，有得睇冇得做！
醫學生C：ｄ人仲以為我地阻住個地球轉添！
醫學生D(興高采烈)：喂！大新聞！大新聞！有個腳甲倒生的人入黎做手術呀！
醫學生B：車，好小兒科0者，切ｄ腳甲出黎之嘛，有幾大件事呀？
醫學生A：不過聽講早幾日有人睇睇下暈左喎！
醫學生C：咦，咁真係要睇下啦......

〔手術室〕
病人（一拐一拐走進）：救命呀！好驚呀！好痛呀！好痛呀！
眾護士：唔駛驚，好快就冇野啦！
眾醫學生：係呀，切左ｄ倒甲出黎就唔痛啦！
病人（面色慘白）：你...你...你地想點呀?
醫生：小姐，我幫你隻腳趾消毒先！
病人：唔好呀呀呀呀呀）））））！！！
醫生：而家幫你打局部麻醉針。
病人（慘叫）：呀呀呀呀呀呀－－－－－－！！！！！！！！！！！
（全場嚇得目瞪口呆）
護士甲：小姐唔使驚，可能麻醉藥唔係好夠，你忍耐一陣啦！

護士乙（耳語）：傻0既咩！打哂成支針都仲嗌到好似殺豬咁！
護士丙（耳語）：係lu，醫生都停哂手咯，都唔知佢嗌乜！
護士乙（耳語）：根本冇野掂到隻腳趾，嘈乜野0者！
醫生：算啦，我地唔好理佢，繼續做野！
(於是病人繼續尖聲慘叫掙扎，眾護士用全身力量壓著她，著她不要再慘叫，以免嚇壞外面等著做手術的病人，醫生冷靜有型地抓緊她的腳趾大切特切)
醫學生A（耳語）：嘩！果然壯觀！
醫學生B（耳語）：你唔好引我笑啦，我忍笑忍得好辛苦0架！
醫學生C：嘻嘻！
醫學生B：哈哈！
醫學生D（耳語）：你地做乜野笑呀？畀人見到唔得掂0架！
醫學生B（耳語）：驚咩0者，我地有口罩遮住丫嘛，況且而家都冇人理我地啦......
醫學生A（耳語）：今次真係大開眼界咯！