報告隊長

三月 2010
日	一	二	三	四	五	六
<< <		> >>
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31

A、我呢排應承左會去出版社搞既一個讀友BBQ聚會，推左個學校邀請既演講。因為，對我黎講，一大班人去BBQ，已經係上個世紀既事，我真係當係同成班FRIEND去玩，心情好鬼輕鬆；學校演講唔同，點講都係工作，就算有車馬費，我都覺得一d都唔好玩，都係無謂勉強自己啦！

B、近來既出書表排得密麻麻，因為自覺上幾年實在太懶啦！幾個月先寫一本書。大家一定以為我寫書既時間愈耐本書就愈好睇，其實係錯既，因為我多左時間一樣會懶懶閒，睇下碟打下機訓下覺又一日，直到交稿時間前夕先識驚，o個陣時先至會係真正既勤奮啦！所以，實際上，無論俾三個月我、俾半年我，我都係臨尾o個三幾個禮拜先會認認真真咁寫，所以，人賤自知，我限自己一個月時間寫一本，咁咪提高左效率囉！

C、係啊，一個都唔知算好定壞既消息：原本會響下年新年期出既《WE 8---排行榜外的真命天子（暫名）》，因為節目調動關係，有望可以響今年聖誕出。而本來想出既《Oh 9完結篇》，因為未諗到點寫，又要再押後啦。對於睇左8集等緊大結局既朋友，我係愈黎愈內咎！但請相信我，每個系列既結局篇，等於要我親手決定每個主角既幸福同生死，實在好難落筆架！

D、係啊，講返個BBQ，名額得15名咁大把，有興趣要快d報名，我已經同出版社既同事們商量好，希望盡量做到男女讀友各半，咁就大家都唔尷尬，我亦都可以放心咁燒我既雞翼啦！

E、今次報告完畢，下次同大家傾下心事先:]

2008-10-22 12:22:06 , by 梁望峰 , 1560 個瀏覽者, 愛情, 21 個回應 » • 發出跟蹤 »

本文章的跟蹤地址

跟蹤 URL (右擊並複製捷徑/連結地址)

21 個回應

月兒 [遊客] 發表於: Oct 22nd, 2008, 17:41

我都報咗名去bbq呀!唔知有無我份去呢? :roll:

好緊張呀!

小攸 [遊客] · http://www.qooza.com/yauwiing823 發表於: Oct 22nd, 2008, 20:21

BBQ果到我都想去阿
可惜太遠同吾識去 T^T

期望你送給讀者的聖誕禮物^^{WE8}

其 [遊客] 發表於: Oct 22nd, 2008, 22:43

等你ge WE8 (:
等你傾心事

靜 [會員] 發表於: Oct 23rd, 2008, 15:00

我都有報名去BBQ呀,希望有得去啦^^
你終於出we8啦,超期待的!!!

kassidy [遊客] 發表於: Oct 23rd, 2008, 19:30

我都報左名啦..
希望有我份啦..
WE同OH都好期待..
如果係咁..你快D寫完就可以懶一段時間,,
先再寫下1本..先苦後甜嘛

howard8013 [遊客] 發表於: Oct 23rd, 2008, 21:22

BBQ抽韱果度話,要答得快而準先有機會抽中,係咪真的?咁答得慢就冇?

梁望峰 [會員] 發表於: Oct 24th, 2008, 00:28

我都希望大家報名左都有得去，但名額得15個，唯有撞彩啦！祝大家好運啊！

要答得快而準先有機會抽中既咩？我都唔清楚啊！但我覺得答錯真係抵死啦，d問題淺成咁！下次由我出題，肯定玩死你地！嘻嘻:]

鱼 [遊客] 發表於: Oct 24th, 2008, 01:52

梁先生：
您好！
给您留言的目的，是想要向您申请您的作品《意外情人》的授权，我们社团有意将您的作品做成广播剧作品，当然，这纯属我们的业余兴趣，作品仅用于网络交流，是属无盈利，无商业利用的行为。我们会保证尊重您的原著并且注明作品的原作者，并保证不会用于任何商业途径。
作为您的忠实读者，我一直很喜欢您的作品，至此，希望您可以有更多好的作品让我们欣赏！谢谢大人。
若您同意给予我们授权，麻烦您发一份邮件到这个邮箱或者geyan1989@hotmail.com~多有麻烦，望您见谅！我们期待您的回复！
最后，祝您身体健康，万事如意！
您的读者：【攸然声趣】广播剧社团鱼

小瑩 [遊客] 發表於: Oct 24th, 2008, 21:16

我都參加左去bbq啊
希望可以抽中啦

BY THE WAY，你要加油寫書喔
無論係WE 8定OH 9，我地所有讀者都等待著的說=]

`cH!nG =] [遊客] 發表於: Oct 24th, 2008, 21:17

終於有WE8`期待這份禮物喔^0^

fat_oyster [遊客] 發表於: Oct 24th, 2008, 23:16

好開心今日見到你!
期待你完成we8

靜 [會員] 發表於: Oct 24th, 2008, 23:29

為什麼你能見到望峰?是不是有什麼活動?

cchris [遊客] 發表於: Oct 26th, 2008, 11:26

睇你的書..很有同感..就像把我心中的話說出..我想問你既email有冇改到?仲係咪monkfung@hkcrown.com ?
因為我岩岩先追返 we 1 想睇返(we1 writier's cut)和 (we1 alternative ending) 如果係既話我再sd email去你到..你sd個d板本比我ok?
thx

夕刻 [遊客] · http://blog.qooza.hk/jacka 發表於: Oct 26th, 2008, 12:44

既然oh! ge大結局係咁難寫ge咪拖長多一兩集囉，我諗都無乜邊個介意ge...

&超級非常期待we8喔，@oil...

小寧 [遊客] 發表於: Oct 26th, 2008, 20:41

我都係太遠同唔識去!鳴鳴鳴...
算了!總之我很很很期待WE 8!
加油!加油!

梁望峰 [會員] 發表於: Oct 26th, 2008, 23:27

fat_oyster：
我都好高興撞見你，雖然大家響街上嗲左幾句，但已經對我好有鼓勵作用啦！我本來驚Demon冇男仔肯睇，點知你拿本書俾我簽名，我都不知幾高興！要繼續支持我啊大哥！

cchris：
係啊，拿任何writier's cut，可寄信俾我monkfung@hkcrown.com，我會盡快回覆架。但如果o個排真係趕稿趕到黐根，可能會遲少少覆，請稍等啊，抱歉:[

夕刻：
唔拖啦！我覺得oh寫9集真係夠哂數，係時候俾o個d主角入土為安啦！

▲▲PS：感謝大家都等緊WE 8，我已剛完成半本，希望趕得切聖誕出啦^_^

喵喵 [遊客] 發表於: Oct 27th, 2008, 01:27

你好呀~
我最近幫我丈夫找一本書,是你好耐的作品!大約是94-97年出的!書名而不記得了!故事最後好像是說一個男仔遇上交通意外...在夢境如果他上車就會一直分迷不醒..如果不上車就會醒來~之後是怎樣就不知道了，他一直好想知道結果。我都唔好清楚是那一本書!他好似講過大約有十冊左右的..希望你幫到我。謝謝

SK [遊客] 發表於: Oct 29th, 2008, 11:07

我都好想去呀...但我應付緊一個公開試.下星期就係死期..暫時沒有時間睇你的書..答唔到d問題... 冇計. 大家玩得開心d啦!

梁望峰 [會員] 發表於: Oct 30th, 2008, 03:48

喵喵：
我知道妳講既應該係博益年代既《叛逆青蔥系列》，但妳冇需要搵啦，因為市面上真係絕版到半本都冇，我響舊書攤都執唔齊啊！
不過，妳同妳親愛既老公講，叫佢等多一陣，我已經計劃好會將成套書響皇冠以全新面貌出版，記得留意住呢個blog，我會公布詳情架！
順便幫我多謝妳老公一聲，多謝佢支持啦^^

SK：
我地下次總有機會碰頭既！加油！考好d啊喂！

SK [遊客] 發表於: Oct 30th, 2008, 18:31

我在 N 年前...(耐到唔記得幾耐)在荃灣某書局的簽名會已見過你...希望有機會再見啦!
還有多謝你的鼓勵. 你都要努力出多D好書呀!

喵喵 [遊客] 發表於: Nov 1st, 2008, 02:27

唔該晒!好其待你個套書出版，我都好想知道有幾好睇!可以令人回味..^^我也是一個小說迷啦!如果出書記得比個e_mail 我丫我一定會一套買回來送給我老公!!謝謝

本頁的回應 RSS feed