文章發表於: 十月 2008, 26
豪哥扮粉絲？
講單開心野俾大家聽，因為俾出版社說【音：碎】左我去BBQ，由於機會千載難逢，我梗係想搵埋我老友豪哥去啦，話哂我地上次去BBQ，已經係o係……學生年代？？？定係我地從來冇B過？我真係耐到忘記左囉！
我打去俾豪哥，向佢解釋有呢個活動，然後邀請佢一齊去。
豪哥自作聰明咁話：「哦，即係話要我扮係你其中一個讀者，然後一齊去BBQ啊？」
我響電話呢頭翻白眼：「你都黐孖根既！你梗係用豪哥呢個身分出席啦！邊個唔識你係我老友啊？就算真係唔識你，一諗起豪哥都知你英雄本色啦！」
豪哥好似好高興，但又有d擔心咁話：「但係你d讀者會唔會要我唱歌、講故事咁助興架？我會好擔心喎！」
「我唔知啊！我一心想去燒雞翼o乍，我淨係擔心個場冇蜜汁供應咋！」
「咁……我唔駛俾錢架下話？」大家記唔記得豪哥出名數口精？
「唔駛啦！我重金禮酬你去啊！你唔好潛水怕屈機就得啦！」
「咁……有冇車馬費架？」
「▲★@#&%！」都係唔好寫落去啦，費事淫嬸處要將openbooknet變closebooknet就弊傢伙！
喂，但係你地千祈咪以為我講笑啊？我真係重金禮酬豪哥架，我要俾返$90報名費俾出版社啊！但同佢老友鬼鬼，冇計啦！
最近的回應