文章發表於: 十二月 2008
《WE》系第1、3、5集 與《DEMON》系第1、2集 writer's cut
感謝大家響上篇日記寫俾我既留言，講出對《WE 8》既讀後感同寶貴意見，我全部都會一睇再睇架！
而事實上，我最鍾意就係收倒大家既意見，始終寫每本書既時間唔短，有時寫完一大輪，自己都分唔清到底寫得好唔好，所以，最直接可以知道自己搞成點，就係睇你地對本書既反應啦。而且，我份人都唔算太小氣oY，你讚我同鬧鬼我我都唔會嬲既！等我話你知一個鍾意寫野既人最驚係d乜啦，就係出左本書連斗零既反應都冇，本書好似無聲無息咁埋沒於書海之中，o個種感覺真係好孤獨無依架，整整下就會令人唔願繼續寫落去啊！
等我覆埋大家都好關心既問題先：第一個問題：WE 8的確有一d冇放落書、del左既故事情節，但由於o個d內容我只係度左故事大網，並冇實際咁落筆寫出黎，所以今次冇writer's cut、當然亦都唔會出作者足本版囉！只不過，我亦都唔排除有可能會響《WE》系內繼續寫有關陸本木同金希既古仔，但我一連寫左上、下篇，對住呢兩條茂利足足半年有多，後面幾本都唔會寫住啦，你地唔悶我都悶啦！
第二個問題：WE 9真係由校花藍閱山擔正女主角，佢真係冇死到！點解咁神奇既呢？我應承大家，等WE 9出版o個陣會話過你知，單野好鬼詫異好笑架！如果我到時唔記得講，記住提下我。
最後，我想響呢度正式公開《WE》系同《DEMON》系既writer's cut，只因我覆大家e-mail既速度（每封信都係我寫完書一得閒就親手覆架，咁你明未？）的確遠遠趕唔上你地寄e-mail黎問我拿既速度，我要衷心同大家講聲抱歉
為左加快進程，亦都唔想令大家久等，我決定以後一有新書既writer's cut，都會響呢度盡快公佈，大家要密切留意哦！
uuuuuuuuuuuuuuuuuuuuuuuuuuuuuuuuuuuuuuuuuuuuuuuuu
《WE》系和《DEMON》系的writer's cut 網址：
然後輸入密碼：『stillwedie』
WE 8 出版左囉！
WE8 已經響書局見書啦！
講開又講，有追開《WE》系既朋友都應該幾開心，皆因任天堂、火火、藍閱山等主角都會響故事裡面客串一角，簡直好似群星演唱會咁熱鬧呢！
只不過，大家睇完成本書之後，千祈唔好話將最後個結局爆俾重未睇既朋友聽啊，如果唔係就唔緊張刺激架啦！
希望大家都會滿意WE 8啦
You are my best friend
跟C.C.唱K，佢點左一大堆英文歌唱，我插播左首《 You are my best friend》，C.C.好驚訝咁問：「嘩，你都唔識英文既，學人唱英文歌啊？」
我梗係笑爆佢啦：「 You are my best friend 係中文歌黎架！係HOTCHA今年既經典金曲啊！歌詞好好野，完全可以講中少女們、又或者好似我呢d暗戀癡情男既心事架！」
C.C.話佢從來冇聽過呢首歌喎，我不禁搖頭嘆息，話佢好干物宅女啫！於是，我就一人扮演Winkie、Crystal同Regen，高歌一曲俾佢聽囉！聽到佢簡直目瞪口呆！
由於驚佢聽一次唔夠喉，我臨走前再唱多次佢嘆，簡直令C.C.妖梁三日啊！
WE 8 倒數出版中
等左大半年，終於等到！WE 8 就快出版囉！
趁依家重有幾日時間，大家可溫習一下 WE 7上集既故事內容，肯定會更明白呢本下集點解會有咁既結局。嗱！俾左貼士你啦！
然後，再睇埋 WE 8，你就會明白我講緊d乜架啦！
為了造就那個離我不遠的妳
妳知道嗎
我恨不得拿起棒球棍
用最溫柔的心情
卻最殘暴地把妳雙腿活活敲斷
在坐了一陣子牢
或在牢中專注寫出經典作品以後
用傷害了妳而甘願去永久贖罪的心
推著輪椅上更渴求快樂的妳
陪妳相當快樂地去看日出日落
（寫於06年）
烈日當空愈映愈烈
《烈日當空》響油麻地百老匯電影中心獨家放映左成個月，幾乎日日滿座，將劇本改篇成電影小說作者既我，真係戥既係導演又係編劇既麥曦茵開心，證明好野真係有人識欣賞架！
雖然我想叫所有人去買飛支持，但係，必須提醒大家，想去撲飛既朋友，一定要滿18歲，因為套戲俾電檢處列為三級
。冇得睇既朋友，就唯有等VCD/DVD出啦（o拿，我冇引導未滿18歲既小朋友犯法啊，可能阿爸阿媽想買呢，唔俾咩？）！依家亦可先睇下本小說，止o下渴先啦！
想知多d烈日當空既詳情，去YouTube打『《烈日當空》電影宣傳片』，就有大量資料架啦！
▼下面重有野睇▼
烈日當空既電影小說封面係來自呢款電影海報（上圖），但其實我更鍾意另一個海報（下圖）架，俾大家昅昅。遲d如果本書再版，睇下改唔改下封面。大家又鍾意邊個多d？
最近的回應