《平民米芝蓮200間》出版左啦！

三月 2010
日	一	二	三	四	五	六
<< <		> >>
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31

《平民米芝蓮200間》終於出左街啦！拿住呢本細細本既書，真係有d感懷身世架！

講開呢本飲食書，製作既過程真係極其辛苦！我想做呢本書既原意，係想將自己十幾廿年黎既飲食經驗，一次過拿出黎同大家分享（即係等於寫散文，只不過用飲食做主題）。但係，講下好容易，原來超難做，本來打算用兩個月做完既呢本書，寫寫下寫足半年！

事關我構思呢本書既時候，手頭上有好多食野既相（我同C.C. 一齊食野，食無大小，佢都鍾意用手機拍低d食物相），大既已有百幾間，咁我心諗冇死啦，既然有相，寫下內文吹下水咪得囉！點知交左幾篇，編輯話d手機相放落書既解像度唔夠喎，嘩！呢下簡直係晴天pigpig！但係我應承左出版社，突然唔做又火羅到爆！所以，我同C.C. 咪重頭食起，跑勻全港九新界，真係食足200間，食到胃出血囉！

咁樣夠慘啦卦？原來都未算，響交稿同交相既期間，發生左好多次既相片無故消失事件，明明交左又唔見左，明明映左又搵唔番！！最恐怖係有一間食店既店門，我去映左總共3次，3次都不翼而飛！編輯話係可能係我既電腦有病毒，但係我覺得簡直係靈異事件，歸咎於我寫太多鬼故，邪到呢！

雖然如此，就算幾艱辛，又經過多番延期，本書始終都算順利完成左啦。我同C.C. 都做到心力交瘁，但又覺得特別滿足。始終，寫小說可以完全不負責任，亂吹一通都得；但做呢類有實用價值既工具書，好多資料都要認真而慬慎，壓力真係大到出乎意料。我終於明白做呢d書認真勞心勞力，老實d講根本係勞民傷財（我真係每一餐都掏錢食架！都唔知賺唔賺得番！），所以，我已經決定左啦，關於飲食既書，只此一本，以後咪搞我！我寧願印印腳寫多兩本小說好過！

最後，響呢度要感謝同我四圍試食既C.C. ，感謝我既靚女編輯阿華、美術設計既SAMWONG、插圖既寺健，與及一班知道我做呢本書就好興奮提供心水食店既同事朋友們。我到依家先知道，原來一講起食野，話題簡直可以源源不絕，呢個動盪既年代，真係咪再講乜野股票同投資啦，講下去邊度食平野重實際

衷心希望大家可以支持下呢本《平民米芝蓮200間》，買一本可以全家人輪住睇，一齊去搵食都幾經濟實惠架！當然，響我生日時應承我會買本當做賀禮既讀友們，千祈唔好放我飛機！我會向你地民事殺償架

2009-05-26 01:54:37 , by 梁望峰 , 4551 個瀏覽者, 愛情, 29 個回應 » • 發出跟蹤 »

本文章的跟蹤地址

跟蹤 URL (右擊並複製捷徑/連結地址)

29 個回應

kerryyoyo~~ [會員] 發表於: May 27th, 2009, 12:51

放心la~我地答應過你既事一定做的
宜家即刻去買!!
所以你要比心機寫小說呀,唔好要我地等咁耐呀

conankenny [遊客] 發表於: May 27th, 2009, 15:17

好耐未買過你d書啦, 好一於去買番本十卜下

hello [遊客] 發表於: May 27th, 2009, 19:12

未買過講飲食的書
不過既然是望峰出品,一定支持

hello [遊客] 發表於: May 27th, 2009, 19:13

希望快d出they和we啦

Hiro [遊客] 發表於: May 27th, 2009, 20:28

沒錢呀

，不過要是朋友們有的話一定問他們借來看。

hellowai [遊客] 發表於: May 27th, 2009, 21:33

如果驚搵唔番啲相
下次影完可以attache file係e-mail度
然後自己send番比自己
就有多一個backup

hellowai [遊客] 發表於: May 27th, 2009, 21:41

如果驚搵唔番啲相
下次可以開兩個email account
(最好用吾同的Email空間)
影完可以attache file係e-mail度
然後自己send番比自己
就有多一個backup
又吾驚比人偷相
我成日都係咁

車人 [遊客] 發表於: May 28th, 2009, 00:41

今日行書局都仲未見...
一定會買...

仲要推介朋友買...

你真係"牙齒當金洗"....真係出呢本書...

多謝你...

Cheri [遊客] · http://hk.myblog.yahoo.com/sweet_tarot/index?l=f&id=9 發表於: May 28th, 2009, 01:00

今日心血來潮咁來睇睇，意外驚喜，一定要去買翻一本來收藏．

Cheri
(Macau)

永遠支持你的承諾 [遊客] 發表於: May 28th, 2009, 08:06

本書好似好吸引囉...不過睇完之後在澳門既讀者未必時時有機會試到姐...皆因我就係住在澳門的,驚睇完得個諗字... :crazy:

不過既然望峯話只此一本都會買黎收藏的!

Shirly [遊客] 發表於: May 28th, 2009, 10:35

即刻出書局睇下先!我信你本書一定唔會好似"滔滔"咁咩都讚好食既

寒星 [遊客] 發表於: May 28th, 2009, 20:13

我好期待你既Demon 5 出版呀@@
雖然我淨係睇左Demon既3同4..第1第2我搵唔返邊到買呀T^T 如果可以既話請講我知叫咩書名係Demon 1同2呢

ling [遊客] 發表於: May 28th, 2009, 23:52

辛苦哂啦峯哥

明仔 [遊客] 發表於: May 29th, 2009, 16:31

我都會買返本黎珍藏!!

望峰,支持你!

DON [遊客] 發表於: May 29th, 2009, 18:12

峰哥,

我都應承過你,今日行商務見到,即刻買左本喇!!
不過好難搵,原來放在travel guide果邊。

哈~~
睇睇下,班fd搶黎睇,又話要帶女友試,不過你放心,我絕不外借,會叫佢地自己買。

看來你第2個生日願望應該可以實現了。

Vivienne [遊客] 發表於: Jun 1st, 2009, 18:43

我今日放工的時候同2個同事一起去買...佢地開頭都覺得你無什麼特別... 點知..我一買左本書之後...佢地立即話要睇... 還一路行一路睇... 搭MTR就睇到落車... 還話要等Half day的時候...一起去試... 還要我每日都要bring返公司... 等佢地知同男朋友可以去邊到食野...本書真係唔錯呀!!!!繼續努力呀!!!!

文諾言 [遊客] 發表於: Jun 1st, 2009, 23:55

美中不足之處：沒有北區的餐廳(對於您來說，遠得像另一個星球吧！)

sisi [遊客] 發表於: Jun 3rd, 2009, 15:07

仲以為要去到書展先有tim, 一定要快手去買喇, 如果唔係點出去搵食呀!!!

小惠 [遊客] 發表於: Jun 5th, 2009, 11:29

E本書我睇左啦.....真係好多都有介紹但我真係好吾開心T^T.... 因為你寫左係鵝頸橋街市個三間店都冇我老豆個間..... 我地個到甘抵食又係最多人食既一間點解你吾寫埋比作者睇T^T 連食評網都有好多留言讚我地個間牛什車仔面嫁..... T^T....不過我都好中意你E本書既.... 希望你下次再出同樣既書會試到我老豆個間野啦

鴉 [遊客] 發表於: Jun 6th, 2009, 12:02

一陣去買先；你食甘多有無肥到200磅牙!

鴉 [遊客] 發表於: Jun 7th, 2009, 19:24

琴日買左平民米之蓮喇

見到p.73個間kosms coffe
今日去左試下
我真系見到個個鬼佬男待應 :>>

我見到佢問我隔離枱個個小朋友幾多歲
個小朋友答佢5歲
佢叫個小朋友古佢自己幾多歲
然後個小朋友個爸爸話70歲
之後個鬼佬男待應扮暈左一下 XX(

佢d中文真系好勁牙!

聰明笨貓 [遊客] 發表於: Jun 9th, 2009, 23:46

我今日都買左本"平民米芝蓮"啦~
有d餐廳我之前都食過~
見到你都有介紹會特別開心~ :roll:

哈~證明我都有taste~
另外~如果你可以介紹多d葵青、荃灣區就好lu~~
因為我住個邊嘛~而且都有好多好野食~
就算唔再出飲食既書~你都可以過黎試食下~^^

梁望峰 [會員] 發表於: Jun 10th, 2009, 12:28

鴉：哈哈！我真係覺得男待應幾過癮架！

文諾言、聰明笨貓：好啊，如有機會再版，會做遠少少既地方，北區、荃灣等都考慮中，歡迎提供心水食店，等我可以去試食嘛！

DON：係啊，書局將本書放響旅遊書旁邊，又唔放飲食類，我都R哂頭=.=

Vivienne：千祈唔好借書俾朋友啊，我可以保證佢地唔還書架！

小惠：好既，等我試下妳老豆間舖先！如果真係好食既話，本書有機會再版一定加埋落去架！

hellowai：好，一於試下你既方法先，照完一大堆相唔見左重慘過死～

車人：thx^

▲感謝各位買左『平民米芝蓮』既朋友仔，希望大家帶住本書，日日都食得開開心心^_^ 我有乜資料未夠準確既，又或邊間野D野食差左，記得話我知啊！

大包子 [遊客] 發表於: Jun 15th, 2009, 18:06

我已經買左喇~
我真係由細睇你d書睇到大架~我仲推介比我細路睇
有d已經開始發黃laaa...哈哈
希望你唔會跟住你d書發黃啦~XD

Vicky [遊客] 發表於: Jun 20th, 2009, 22:10

你好!!! 我是第一次睇你出版既書家...

其實你介紹的店舖大部份也吃過我覺得有D真係好好食,但有DD味道已經不及以前禁好食仲有:希望你可以介紹一D傳統的食物吧!!真係好令人懷念(例如:砵仔糕,馬仔果木snacks)

希望可以同你做個朋友,交換一下飲食心得!!

vivian chen [遊客] · http://www.scmp.com 發表於: Jun 23rd, 2009, 11:08

Hi Leung, I'm a journalist with South China Morning Post, you book reads real interesting, wanna talk to the paper about it? Let me know if you are interested, drop an email, thanks.
vivian.chen@scmp.com

不良牛 [遊客] · http://www.xanga.com/gordon2712 發表於: Aug 30th, 2009, 01:45

終於找到一本真係人寫出來的飲食書, 坦白講句, 香港冇乜邊本飲食書係由心而發的, 十本有十本都係睇錢份上, 我一生人只買了兩本飲食書, 一本係Openrice出的, 另一本就是平民米芝蓮.

其他的飲食書, 或者飲食專欄, 連五十X這些垃圾都冇人有的食肆都可以講到天上有地下無......

當中有很多食肆小弟都常常去, 計有南記粉麵, 紅螞蟻, 沙嗲王, 榮記粉麵, 阿貓地攤, 金鳳茶餐廳, 時新快餐店, 鍾記車仔麵, 銀座二丁目, 小魚滋味, 新森林, 八方雲集, 澳洲牛奶公司, Burger King, 德興茶餐廳, Triple O, 太興, 酒泉日本料理, 泗益, 華姐清湯腩, 哥登堡餐廳......全部都所言非虛, 真的有水準.

還記得泗益伙計果句: 熱檸樂, 唔得閒煲呀, 你叫過第二樣啦......仲有澳牛早上全體待應拿著火腿通等你來, 然後極速上菜, 再極速叫你走, 偏偏大家又受......更有原本唔起眼的時新快餐店因為一個漢堡包由朝爆到晚......

如果可以的話, 介紹下其他區的食肆都唔錯.

manman916@yahoo.com [會員] 發表於: Sep 11th, 2009, 20:21

我買唔到呀~ 有冇得訂呀?

j8a000401 [遊客] 發表於: Sep 20th, 2009, 13:57

我都想買，但係問過晒天地、商務同三聯，全部都話缺貨，想問下幾時會有貨呢?

本頁的回應 RSS feed