我的2010年

三月 2010
日	一	二	三	四	五	六
<< <		> >>
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31

« 請您與我攜手做2010年第一件善事-----《車道上的你我他她》

我的2010年

「如果俾我多一次機會，我一定會------」

呢句對白，我諗我同你都成日講，但世事好多時都係可一不可再。所以，我要好高興咁同大家講，我終於得到一次真正實現「俾我多一次機會」既機會。

今年，正值我寫作20周年紀念，我會推出對我黎講最有紀念價值既作品-----叛逆青蔥系列！

呢套『叛逆青蔥系列』，我當年一共寫左12集，再加上6集外傳『叛逆人物隱藏版』。我決定將佢變身成7集，另加3集外傳。想當年呢套系列，寫作期橫跨左整整10年時間（大家冇眼花，我真係寫左10年=.=），追到讀友們怨聲載道=.=。依家，我決定會響2010年至2011年年初，一口氣全部出版哂，唔駛等到大家發慌，而好驚今年冇「精神食糧」既讀者朋友們，亦都可以放下心頭大石啦^^

由18本濃縮成10本，響商業角度黎講，實在係一件愚不可及既行為，但今年係我20th紀念年啊，總要做一d自己真正鍾意做既事，所以我一意孤行，決定用呢個最實際又直接既方法，答謝大家既支持！

原本，我既想法係希望將全套『叛逆青蔥系列』盡量保留原貌，做一個復刻紀念版，但十幾年過去，書入面太多人物既心態、對白、社會境況等都已經不合時宜，我愈修改愈多，愈改愈起勁，到左最後，我當正佢係一本全新既作品咁做，冇可能再眷戀舊時了！

亦都由於咁，我舊年生日講過『希望我明年停產一年、全年一個字都唔寫既大計』，又要再順延多半年左右（修改埋全套舊叛逆系列，再加上寫埋應承左出版社響復活節出既DEMON 5同書展出既WE 10，半年時間差唔多囉），然後，由今年下半年開始，我就真係乜都唔肯做，準備10月同C.C. 結婚去，一直會休息到2011年年中，等7月書展先會有新作品跟大家再見面。

對我黎講，可以重新出版呢套叛逆系列，機會率接近0%，只因舊出版社既變動，我先買得番版權（否則，呢套一早已絕版既書，永遠只可以去圖書館先搵得到）。所以，我好珍惜呢個千載難逢既機會，亦都希望呢套當年令好多讀友真正認識我係乜水既作品，用一個我全新演譯既方式，將故事主角們既生命得以重生、延伸落去。

面對過去寫作經驗尚淺，文筆清澀既我，我一邊修改，一邊汗顏，但係，我仍然鍾意那陣時既橫衝直撞、唔知諗緊乜野既我自己，我特意保留番舊陣時主角們既一d金句對白，與及某d深刻既場景，希望睇過舊版既讀友們會滿意；而從未接觸過『叛逆青蔥系列』既新讀友，亦都唔會錯失舊版本中既精綷同情懷。

呢陣子，我每日都有去睇大家對THEY 4既書評，每一則留言都令我感動。大家知道嘛，我曾經有一排寫到成個人散哂，有一位資深編輯同我講過：「當身體已經冇辦法再支撐落去，你就要改用意志。」寫左咁多年，我重會有意志繼續寫落去，全因我知道重係有一班朋友想睇，並且真係好認真咁去對待我寫既每一字每一句，呢個就係一直令我撐落去既動力。

如果冇左你地，我一早就冇鬥志再寫落去。因為，寫作實在太孤獨了。偷偷講個秘密俾大家聽，我好多時都會開住MSN（offline狀態）或Facebook，就好似有成大班朋友陪住我寫野咁，好多個趕稿既寂寞夜晚，我就係咁熬過去既！

響新既一年，希望大家保持住身心上既健康，唔好俾呢個世界太多討厭既事物染污到，衷心祝願。

好喇，我講完我今年既大計啦，輪到大家講講今年既計劃，留言啊^^

2010-01-01 00:00:01 , by 梁望峰 , 780 個瀏覽者, 愛情, 20 個回應 » • 發出跟蹤 »

本文章的跟蹤地址

跟蹤 URL (右擊並複製捷徑/連結地址)

20 個回應

笨蛋 [遊客] 發表於: Dec 31st, 2009, 18:03

好yeah~^^
成日聽人講叛逆青蔥系列有幾好睇,但一直都搵唔到,遲d 終於有得睇la~我都終於可以放下心頭大石la~xd

今年既計劃??
umm...唔知呀.只要大家都快快樂樂就得la.通常我既目標都會隨著我既心情而改變,但作為一個學生,緊係希望學業進步la~
wakaka

預祝你新年快樂~

WING [遊客] 發表於: Dec 31st, 2009, 18:30

感動啊,叛逆青蔥終於出版了!
呵呵~也預祝你和C.C結婚快樂...

但說到今年的計劃,我什么都沒有想過呢-.-
只是4月可能會有古箏7級考試...
不過我希望每天不用趕功課和溫書到12點多...也希望exam result可以保持水準吧.

新年快樂喔^^,一定要開心,幸福下去~

yaya [遊客] 發表於: Dec 31st, 2009, 18:44

我最大既願望,就係they系列快d出season2啊,哈哈
計劃嗎?其實可以快快樂樂,健健康康地過每一天,就是最大的幸福呢!

Shir" [遊客] 發表於: Dec 31st, 2009, 18:54

同意啊，這一年的願望就是可以快點看到They3.0的season 2和we 10！
好想追看楚浮和任天堂的感情喇

叛逆青春系列要出版（再次）？
太好喇，其實圖書館的「存貨」是不足的！有一集冇一集，追到我死！
其實呢，我一直猜想如果望峰你有孩子的話，那麼他的性格又是怎樣的呢？哈哈！更想知道他看畢你的書會有什麼反應。

Crystal [遊客] 發表於: Dec 31st, 2009, 19:55

竟然要等到書展先睇到WE 10..算啦..我等!
我記得我之前都會去圖書館借叛逆青蔥呢個系列,但好似未追晒-.-你知啦,追追下會亂唔知追到邊,又唔係本本都搵到...
結婚離我好遠TIM

不過祝你地快樂

我2010既計劃簡直就係勁!就係考好CE-.-好同情自己末代會考生呢個身分...-.-
最後循例都要講句:寫書要加油,我地等你^ ^

米爾恩 [會員] 發表於: Dec 31st, 2009, 22:30

希望可以快Ｄ見到THEY3.0 Season2係書局出現啦=]
你休息完一年之後,要快D番黎寫多D好書慰勞我地哩班FANS啊xD
Happy Wedding!
Great wish for you & CC!!

SK [遊客] 發表於: Jan 1st, 2010, 10:58

你延遲放假, 咁就可以睇多d你的新書. 我都好期待叛逆青蔥系列的出版, 想睇下同以前有咩唔同. 第1本係1月幾多號出呀?

我因臨時唔係香港的關係, 去唔到你的簽名會, 真是可惜. 不過我已買了你的新書. 正在睇 THEY. 睇完再留言俾你. 希望今年或下年的書展你放完假後, 會再有你的簽名會啦!

另希望你的婚禮順順利利. 和C.C.幸福快樂!! 身體健康!!

而我自己就希望自己身體健康!! 4月將會做的手術順利, 早日康復!!

隨緣 [遊客] 發表於: Jan 1st, 2010, 11:09

Lucky~
新既一年聽到咁既消息真係令人期待
今年仲諗住睇返舊書渡日，依家睇來唔使啦

今年既大計就係我要考入全班前十名，如果唔係就無得人大學lu
仲有就係要完成我篇勁爛勁廢既短篇小說，自己開咗個頭，寫寫下就忙到無時間再寫，唉~

祝新年快樂!身體健康!
預祝你 & CC甜甜蜜蜜、幸福快樂!

影月 [遊客] 發表於: Jan 1st, 2010, 11:34

感動啊!
想不到你會因為我們而延遲放假的大計,
預祝你跟CC永遠幸福.
新年沒什麼計劃,
還是隨波遂流,
跟著命運而走吧.
當然,亦會繼續支持你跟你的作品~~~

vai [遊客] 發表於: Jan 1st, 2010, 13:11

實在太興奮啦﹗
我就係由你第一部作品就開始支持你的讀者，當時的我還給你寫過不少信呢，轉眼間，大家都3字頭了﹗
唔知到時真係準備出版青蔥系列果時，可唔可以早d講比大家知呀，我係澳門ge讀者，要去hk/托hk的朋友買書的啊﹗

vai [遊客] 發表於: Jan 1st, 2010, 13:23

祝你和C.C.幸福和樂﹗

dEmon.T [遊客] 發表於: Jan 1st, 2010, 17:28

好感動喔!出咁多書會唔會太辛苦呀?不過真係好期待!尤為期待DEMON5&WE10^^
希望你休息完既不久我可以見到THEY既SEASON2喔!=](真係超級鐘意THEY!!!)
2010年,大家一齊努力喇!
提提你唔好太搏,要小心身體!;]
最後,祝你2010年快樂,婚禮順順利利,身體健康,同今年下半年有個輕鬆無憂既假期,etc.哈!

斷羽 [遊客] 發表於: Jan 2nd, 2010, 01:43

登登登,望哥跟C.C.結婚了,恭喜恭喜!
延遲放假的話要小心身體哦

今年的計劃嗎?
可能就是等2010年書展的WE10吧

預祝望哥和C.C結婚快樂!

梁望峰 [會員] 發表於: Jan 2nd, 2010, 01:55

祝大家2010年既願望成真，新年快樂

tobby [遊客] 發表於: Jan 2nd, 2010, 16:05

嗯~~~
我諗我都會支持一下呢本書ge~~
因為...話哂呢本書..一黎未睇過...(當係新書都唔錯....)...二黎係有記念價值~(人地呢本先識你...我就n年後...we1先知你係邊個...)..聽到你話會寫埋we10...同有睇到我地d msg...真係好開心嫁~~~

好啦~~講番自己先~~
今年...
1st緊係個sem1 exam先啦~~
跟住..希望今年可以學番鋼琴..
有時間....真係想小試牛刀...寫個they外傳吧....然後想寫下小說~
暫時係甘lu~~~~

ps~~
我都講個secret俾你知啦~~
當年我係書展..俾我見到本叫惡魔天使...我連佢係咩都唔知...睇完個封面甘靚..d 簡介又attract到我....我諗都唔諗就買咗..返到屋企先知係個叫梁望峰ge人作~~之後就停唔到lu~~

子恩仔 [遊客] 發表於: Jan 3rd, 2010, 22:20

fung哥,你搞到我好感動啊衰鬼

sisi [遊客] 發表於: Jan 8th, 2010, 10:41

你寫左二十年, 我都睇左十七年喇, 第一本係睇你既愛上六呎一吋的男孩, 叛逆青蔥係我最愛既series, 有齊一套ga!! 十萬個期待新版 (不過我個書櫃已經full都死, 仲要加多十本入去, 真係要諗諗計喇!!!)

仲有, 恭喜你同cc呀!!!祝你地白頭到老, 永結同心!!!

momo [遊客] 發表於: Jan 14th, 2010, 17:07

恭喜你和C.C^^

蚊 [遊客] 發表於: Jan 16th, 2010, 21:00

哈哈恭喜晒你地10月結婚啊!
睇到中間,知道你好重視我地既書評,
睇到你寫書既孤單,覺得呢番說話真係好感動呢。你要繼續加油好多人都期待你既書!

仲有啊,我聽我家姐講,有一日新香蕉俱樂部既三位主持話好高興你加入左佢地既group,三個都話有睇過你既書!^_^聽到我都覺得好開心

恭介 [遊客] 發表於: Jan 22nd, 2010, 14:39

終於都等到你呢套書出世啦~~~咁我家中舊果套終於都可以放入櫃底...加油呀~~峯哥..當年套書真係好難儲.....真係估唔到20年後會再出過....

本頁的回應 RSS feed