太好啦！我既賀新年+情人節作品《戀愛出招》終於準時出版左囉！

熟知我既讀友都知道，我近年已經唔願再寫任何散文，只因我寫散文實在太慢太『立』啦，寫一篇800字既散文，起碼要成3幾粒鐘（同寫小說唔同，寫散文我鍾意啄完又啄，最好過一日冷河，翌日將篇散文再重整過），寫小說就爽快得多啦！所以，我近年都只係響facebook度http://www.facebook.com/monkfung（我已經突破左1500個fd，係兄弟既就快add我啦）同大家你一句我一句咁輕鬆吹水，唔肯認認真真咁坐低寫本散文集。我上一本散文，已經係11年前出版既《少女求生手冊》啦@_@''''''''

令到我有興趣開筆寫呢本《戀愛出招》，只因我希望同大家分享我咁多年黎既感情經驗，亦都算係我愛情生涯既總結（小弟就快結婚，嚴格黎講經已收爐，盲毛痾呢陀彿/_\）。雖然我並唔係乜野愛情專家，但拍過幾次拖，對處理感情當然有若干心得。今次我終於的起心肝，同大家研究下每個人都有機會遇上既情感問題，問心o個句講o個句，全本書都係我既真心話黎架！如果話《平民大飯堂》係一本搵食工具書，咁《戀愛出招》就係一本求愛工具書吧！

愛情災難急救手冊，共分3冊。呢本《戀愛出招》係初階，主要環繞暗戀、表白同追求等種種難題。要睇我寫散文既機會極罕，不妨買番本看門口，當做『感情正露丸』，有乜頭暈身慶就翻翻，送俾情人或送俾自己都唔錯吖