貽興:
唔知係咪你真人睇呢封e貓既呢???
我有一個好困擾既問題呀~
呢排有個之前同我一齊補習既男仔佢成日sms我~
話佢好鍾意我~叫我俾次機會佢~
但係我對呢個人完全唔認識,甚至連佢咩樣都唔記得,
我已經因為佢成日纏住我,掉左出KB上堂~
但係佢唔知係邊度搵到我既電話,而家成日sms我~
我轉電話又唔得,點算好呀???
佢由第一堂上堂已經走黎坐係我隔離,成日問我好多野~~!!!
我已經拒絕過佢好多次,仲話左俾佢知我有男朋友,但係佢依然堅持!!!
仲話佢會鍾意我一生一世,我拒絕佢太絕情又驚佢唔知會唔會做傻事~!!
呢排加上ce,我仲煩呀~!!!!好辛苦呀~!!!><"
貽興,你教教我點做丫~><
(希望你唔會介意我用口語啦~因為用口語能夠更容易表達我既煩惱~)
祝 生活愉快 寫書成功
靖雯 上
***************************************************
靖雯：
以後出入搵啲朋友陪實，男仔仲好，咪睇下佢仲夠唔夠膽堅持落去囉。
咩短訊都唔好覆，驚都唔好驚，當佢透明。
我都好想睇下，咁落去，佢係咪都會鍾意你一生一世囉。
一生一世。嘿。
男人既嘢，越唔得，就越想要，但同時，對方越冷淡，就越快turn down，一街靚女，好快佢就會纏上更就手更有反應果個架啦。
祝 視而不見
貽興
