總是。
1. 總是刷完牙才想喝汽水。
2. 總是給困在無法離開的室內，窗外才陽光明媚。
3. 總是在拍拖以後，才遇到更想一起的人。
4. 疼你的人，總是很快就離去。
5. 騙人的話，總是特別動聽。
6. 天總是下雨，太陽總是不出現。
7. 總是入睡了，手機才響起。
8. 買一堆老翻回來，play不到的，總是你最想買的那一隻。
9. 總是在你決定要振作起來的時候，才有更大的橫禍等著降臨。
10. 總是會遇到讓人氣結的、不用心工作的人。蠢本身已經致命，還懶。死未。
11. 幸好，最後總是能夠化險為夷。最多激氣姐。
12. 世事總是未如人意。
13. 我總是如此喋喋不休。
14. 而你總是如是溫柔地聆聽。
1. 塞爾特人實至名歸，最後一戰，炒人卅分，唉，高比，你唔係入咗魔架咩？點解會打到咁架？
2. 諗番當年逃學睇公牛總決賽既日子，好懷念。
3. 始終，佐敦都係獨特而唯一既。
4. 好憎落雨啊。超憎。
5. 好多新衫，好靚，但唔敢著，因為落雨。整污糟咗，我仲忟。
6. 睇咗MV既粗剪啦，一切慢慢成形當中。
7. 好似孵雞仔咁。好期待，但呢個過程又好漫長好難捱。
8. Henry Ho，你係我認識最最最出色既設計師，多謝你為我設計既封面。
9. 我鍾意到癲！睇黎睇去都唔厭！
10. 簡直係藝術品，好睇，又好玩。
11. 靚到呢……
12. 點解已經六月中，仲係冇陽光既呢？
13. 好鬱悶啊……
14. 落雨落到，連落街買飯都唔想。
15. 林宥嘉冇想像中好聽，少少失望。
16. 愛德華諾頓，都係適合做邪邪地既角色，多過做老好人。
17. 所以，《變形俠醫》既佢，唔夠《鐵甲奇俠》羅拔唐尼有神采。
18. 雖然《sex and the city電影版》硬係爭少少，但始終，都感動。
19. 《smap X smap》真係好好笑啊！
20. 響日本買雜誌送綾瀨遙既file。好靚。點解我成三張嘢先學人搞啲咁既嘢？
21. 當年，人人用《Yes!idol》送既file，用海報包書，我仲好不屑添……
22. 書展未嚟，我果五本書都未出，已經諗好跟住出咩書啦我……係咪好癲？
23. ……其實呢，由細到大，我都好憎食乾炒牛河。
