1. 食黑加侖子糖既時候，我會氣運丹田，脷頂上顎，將粒糖放響上顎度係咁磨係咁磨，磨足成堂。
2. 上堂果陣偷偷伸條脷出嚟睇，磨到蛇膽咁滑，一粒沙糖都冇，好有成就感架。十個叻。
3. 忍足成堂都唔咬爛喎，好難忍家嘛。
4. 換嚟啲咩呢？
5. 好似練鐵沙掌咁，上顎又紅又損囉。
6. 我係一隻蚌……我係一隻蚌……
7. 磨手心都可以收埋隻紅中吖，磨上顎，想收埋咩呢？
8. 家吓搭車又用八達通嘞，茶餐廳又唔肯收毫子……
9. 簡直係悲哀的異能之一。
10. 另一樣異能：唔洗gel頭，頭髮都隨時gel得起。
11. 因為手汗囉。哈哈。
12. 第三樣。望住一樣嘢食，唔洗擺入口，就已經預知到自己飲咗或者食咗會唔會搞肚。
13. 萬試萬靈。
14. 大家不如快啲自報自己既超﹙低﹚能力，我地組番隊超﹙低﹚能特工隊啦。
15. 雖然咁既一班騎呢人堆埋一堆真係唔知可以做啲咩……
16. 騎膊馬做合體機械人都好吖……﹙詳見路飛海盜團眾人 vs 奧茲一段情節﹚
