七月
16

傳承

本題目發表於 七月 16th, 2008 ( 01:33:12 ) | 並發表到 我.

 

1.      我既大單嘢，過兩日就會正式公佈架啦！
2.      籌備已久，終於見街，心情好緊張啊……
3.      今年書展，呢！特別興奮，特別期待……
4.      呢度當然會有猛料上載，話咗撐我既你地，記住捕實啦！
5.      過兩日。真既。
6.      一定會令你地大吃一驚架。
7.      好需要你地支持架件事。
8.      好緊張好緊張…… X 10000000000000000000000
9.      究竟超人變身成唔成功呢，就睇呢次嘞。
10. 《素晴 ^.^ 日子》網上專訪已經有得睇啦！大家望望啦！
12. 啲畫係咪好靚先？
13. 睇跌打，醫師話我兩截指骨中間塊軟骨移咗位喎。
14. 點解會咁大件事既呢？之前十次有九次都自動復元咕喎。
15. 我係橡膠人，唔係玻璃人啊……嗚。
16. 好多意念，好多嘢想搞。
17. 唔單止為咗自己，仲為咗其他人。
18. 其實，呢兩年，已經開始不時諗起關於傳承兩個字。
19. 念茲，在茲。
20. 感謝所有曾經無私地幫過我既前輩同陌生人。
21. 我可以咁幸運行到呢一步，都係因為佢地。
22. 每次諗起，唔知點解，都有眼眶濕潤既衝動。
23. 可能有人覺得我好戇居，自己都仲未企得穩，仲走去幫人，搞呢搞路。
24. 飯都未有得開啦你自己。
25. 但我又鍾意喎。我癲架嘛。
26. 我一直覺得，唔一定要發咗財，先立品既。
27. 如果到最後都發唔到，咁係咪永世都唔洗做你認為好或者啱既事呢？
28. 因為書展，因為要搞大單嘢，我睇清楚我身邊既所有人。
29. 係所‧有‧人。
30. 平時我幫你咁多，你就吓吓嚟搵我著數，之前從來未開過聲要你地撐，到我要你幫番我，就顧左右而言他，扮懵扮盛，或者乾脆漠視。
31. 圈子已經細，仲要玩妒忌玩小器，點解唔可以大家齊心啲，做番啲好嘢比人睇？
32. 好失望囉講真。
33. 條路大家都要行咕喎。
34. 《辣手神探》裡面黃秋生曾經講過
35. 「個世界唔應該係咁架。」
36. 唔係話習慣咗係咁，一直以嚟係咁，就要啞忍。
37. 唔嘗試，就永遠唔會有改變。
38. 即使花果不在我這一代蒂結。
39. 即使成效我也沒有機會享用。
40. 也不打緊的。
41. 所謂傳承，就是這個意思吧。
42. 走不完的路，總會有人代替我走下去的。
43. 掉下的東西，也自會有人拾起，拿著它，走到更遠的地方。
44. 這就是王貽興的樂觀。
45. 在那一邊，當我跟所有幫過我的恩人重遇，我也能夠挺起胸膛，笑著走向他們，跟他們擁抱吧。
46. 要是他們笑著拍拍我的臂膀，說，口靚仔，唔錯喎。
47. 那一切就已經值得了。
48. 聽好了。
49. 今後，我只會更勇猛、更果敢，專注於自己既追求，堅持自己的信念。
50. 就算全世界與我為敵，我也不會放棄。
51. 理得你世界政府又好，海軍旗又好，總之，認為正確既事情，我絕不退讓。
52. 絕不。

33 個回應到「傳承」

  1. 雪倫 [遊客] 發表於: Jul 16th, 2008, 01:41

    大單嘢，好神秘，好期待啊～～

  2. Janus [會員] · http://hk.myblog.yahoo.com/janusssy 發表於: Jul 16th, 2008, 02:04

    一萬個期待~

  3. 包包 [遊客] 發表於: Jul 16th, 2008, 02:20

    哥哥,唔錯喎! 講真,期待架!

  4. 小周 [遊客] 發表於: Jul 16th, 2008, 02:23

    也許，要先多謝你未發財，先立品。

    我不知道，眼中的傳承與你眼中的，有否出入。
    我也不知道，我將來會否是一個文字工作者，而所結的果又是否酣甜。
    未來，對於還未到十八的我來說，實太遠了。
    但，感激你，在三年前為我種下這種子。: )

    謝謝你的引力，把我拉入嘍囉圈。
    所以，你要知道，我一直都是一顆恆星。

  5. 少爺仔 [遊客] 發表於: Jul 16th, 2008, 02:35

    傳承 :yes: 橡膠興前輩請加油！

  6. Carmen S. [遊客] 發表於: Jul 16th, 2008, 04:36

    俾心機呀!!!
    我都期待...亦都一定一定會支持你的大單野的~
    儲錢一年,用在幾天.都係因為你...=]

  7. szeping [遊客] 發表於: Jul 16th, 2008, 08:39

    文字圈子可能很細，但生活的世界可以很大。

    單看二幅插畫已是賞心悅目，《素晴 ^.^ 日子》文字和插畫crossover，太好了！:D

  8. szeping [遊客] 發表於: Jul 16th, 2008, 08:50

    不 放 棄 就 是 成 功
    超人變身點會唔成功:yes:

  9. Torrance [遊客] 發表於: Jul 16th, 2008, 09:15

    過2日???死啦....我入o左jpc camp....:(
    究竟有咩大單o野....??

    既然你已經決定o左自己o既路,我會一路支持你~at least,精神上支持~

  10. 文玲 [會員] 發表於: Jul 16th, 2008, 09:44

    隱約感覺到你的大單野是一件對文學有偉大貢獻的事情呀，好期待呀!!!你所付出做過的歷史已記下了。

    那些搵你著數又妒忌小器的朋友你咪當籍著這機會看清楚他們囉~~~到你成功時佢地咪妒忌得牙癢癢~~哈哈

    借個位來宣傳吖:

    [幸福在右邊]皇冠官方簡介
    故事﹕喜歡跑的人，是不會為誰而停下來的。這是一個有關友誼的故事，也是一個有關愛的故事。這是一個有關賽跑的故事，也是一個追求夢想的故事。他和她，同一時間，交換了一個微笑。這是他倆各自生命裡所見過的，最溫柔良善的微笑。由愛情開始的微笑，最後，卻超越了愛情。由跑步開始，最後，也不僅止於跑步。沒有勝負，超越名利。沒有終點，沒有起點。光速以外，音速更盡。幸福，就在這裡。賣點﹕這是全方位文字達人王貽興最新力作，也一本關於夢想的勇氣之書﹗ 首批附送限量DVD﹕華文小說界第一人，王貽興編‧導‧演‧填詞華麗表演；Ellen@17 作曲內附：1.《幸福在右邊》MV ，廣東話、普通話、日語三聲演繹 ；2. 東京拍攝花絮 ；3. 作者訪談

  11. Tracy [遊客] 發表於: Jul 16th, 2008, 10:17

    期待你公佈你嘅大單野呀!
    努力呀:)

  12. 童瞳 [遊客] 發表於: Jul 16th, 2008, 10:24

    好鍾意啲畫 好鍾意貽興的樂觀同勇氣
    好期待書展 好期待買齊你的書同見你
    哈哈到底大單嘢是什麼呢?

  13. pink [遊客] 發表於: Jul 16th, 2008, 10:49

    大單野 :roll:

    ～期待

  14. 亞卿 [遊客] 發表於: Jul 16th, 2008, 11:38

    1. 邊個夠膽話你戇居！畀我知道我實唔放過佢！(我好認真，唔係講笑！)

    2. 係喇！最多只能話你癲！因為你真係癲架！

    3. 睇清身邊人咪好囉！快d將佢地趕出你十呎之外。快，我幫手一齊趕！

    4. 「就算全世界與我敵，我也不會逃避...我要讓所有虛偽的人都看清自己...付出所有勇氣...就算全世界與我為敵，我也不會逃避」。就是這樣，對嗎？

    5. 看到了你堅定的眼神與決心，「就讓我(們)一步一步一步跟著你」。

    ps︰我都係癲架！:crazy:

  15. 貽興 [會員] 發表於: Jul 16th, 2008, 11:55

    大單嘢係文學上未有作家做過既嘢，又唔係咩有偉大貢獻既事既……

    多謝大家支持啊。

  16. trayuen [遊客] 發表於: Jul 16th, 2008, 12:05

    支持你呀 :)
    我地會同你一齊期待

  17. WINSOME ๑۩۞۩๑`ﾟ･*:. [會員] 發表於: Jul 16th, 2008, 12:06

    1. 我既大單嘢，過兩日就會正式公佈架啦！

    **期待期待又期待你的大單野出現...等你的公佈
    **

    4. 呢度當然會有猛料上載，話咗撐我既你地，記住捕實啦！

    ** 二興~我地一定捕實等你po新猛料上尼**


    8.好緊張好緊張…… X 10000000000000000000000

    ** 我緊張仲要比你多好多,係億億億億億億個緊張**哈哈

    二興~我都有x10000000000000000000000000000000撐硬你,所以你放心~哈哈

  18. 文玲 [會員] 發表於: Jul 16th, 2008, 12:33

    那麼貽興就做歷史第一人，為後來者開創新路吧~~絕對撐住你呀~~努力!!支持您!!!:yes:

  19. aimeemee [遊客] 發表於: Jul 16th, 2008, 12:39

    就係未有人做過先至咁期待

    唔一定要有貢獻先叫大單野概;)

    等你

  20. WINSOME ๑۩۞۩๑`ﾟ･*:. [會員] 發表於: Jul 16th, 2008, 13:28

    10.《素晴 ^.^ 日子》網上專訪已經有得睇啦！大家望望啦！

    已經睇左喇,真的畫得很好好好好~希望大家繼續努力完成呢本書~!

    二興~你在文學上有大搞作,証明你付出的時間和精神,你付出的努力,就是你所獲得的回報。
    我作為你fans感到自豪,也為你開心。

    無論你怎樣,我們一定支持你。
    繼續努力,加油~

  21. 貽興 [會員] 發表於: Jul 16th, 2008, 13:34

    一直我都不覺得有什麼偉大，真的，不過是認為好玩吧。

  22. 天蠍 [遊客] 發表於: Jul 16th, 2008, 13:57

    喂喂~你隻手指點呀?
    0靚仔唔想結婚都唔洗咁作賤自己架!嘿~
    大單野細單野都咁支持!!!加油!:>>

  23. siuyi [遊客] 發表於: Jul 16th, 2008, 16:09

    膠人:lalala::))

  24. 亞火 [遊客] 發表於: Jul 16th, 2008, 18:09

    下次不要再穿針了!拜託 ...:>

  25. gasb [遊客] 發表於: Jul 16th, 2008, 21:31

    貽興::
    我就系中意樂觀ge你!笑多dee啦xD
    加油!!!

  26. 貽興 [會員] 發表於: Jul 16th, 2008, 23:17

    阿火！你也不要一接球就進球好不好？這是皇牌球員的職責啊，你是仙道嗎……？

  27. WINSOME ๑۩۞۩๑`ﾟ･*:. [會員] 發表於: Jul 16th, 2008, 23:18

    二興~你的大單野,是否開寫作班~哈哈:D
    又或者開寫作學校呢~~:P
    真的好心急,令大家大吃一驚的大搞作**:.

    哈哈:>>希望我真的估中你的大單野啦!

  28. Coral [遊客] 發表於: Jul 17th, 2008, 00:32

    見到你咁緊張，我都好緊張添！好緊張好緊張好緊張............

    不單會有人拾起你掉下的東西，走到更遠，還會有人以你為榜樣，繼續傳承下去。

    嗯，聽好了。就算全世界與你為敵，我都依然撐你！

    P.S. 原來你隻手指係舊患嚟？咁你要小心D唔好再整親，就算係橡膠人都唔可以！知道嗎？

  29. 貽興 [會員] 發表於: Jul 17th, 2008, 03:19

    不是寫作班，搞過啦！寫作學校，暫時還不是時候……總之是我未做過，作家又冇做過既嘢啦！

    謝謝你啊coral！信你架啦！

  30. Mandy [遊客] 電子郵件 發表於: Jul 17th, 2008, 19:25

    王貽興牙!
    睇完你個diary搞到我有D眼濕濕...嗚
    又再一次證明，
    我一直都咁支持你係無錯架!
    我撐你架!
    俾油你繼續做落去，加油加油!

    等緊你既大單野既出現牙!

    辛苦你啦，整親手指都打咁大篇diary，
    小心照顧係隻手指啦，唔好惡化牙!

    書展見啦!

  31. fIsH [遊客] 發表於: Jul 17th, 2008, 22:30

    貽興,
    記得我嗎?!
    我是飯聚上的那尾魚...

    你在書上寫給我的字,
    老實說,看不懂...
    倒是那尾魚,可愛得很

    書展中有4個簽名會,
    令我有想揍你的衝動,
    這樣很累人,知道嗎?
    不過你一定會比我更累...

    手指的傷,好好休養吧=]

  32. 貽興 [會員] 發表於: Jul 17th, 2008, 23:38

    哈哈小魚！我當然記得你啦！

    為什麼看不懂啦？不如這樣吧，書展簽名會你來找我簽名，我分四次給你解說吧。

  33. 貽興 [會員] 發表於: Jul 17th, 2008, 23:39

    mandy,謝謝你的感動支持呢，我不會讓你失望的啦。放心。

留下回應


你的電郵地址不會在本網站內顯示。

你的網址會被顯示。
:!: :?: :idea: :) :D :p B) ;) :> :roll: :oops: :| :-/ :( :'( |-| :>> :yes: ;D :P :)) 88| :. :no: XX( :lalala: :crazy: >:XX
(分行成為 <br />)
(名稱，電郵和網站)
(讓用戶通過郵件的方式與您聯絡（您的郵件將不會被發現。)
« 千‧呼‧萬‧喚！！終‧於‧面‧世！！
看我，我手指放鬆 »