七月
20

拋接球

本題目發表於 七月 20th, 2008 ( 18:24:34 ) | 並發表到 寫作.

 

還有幾天，我那五本書，就會出版了。
 
這幾天感冒作崇，但歸根究柢，還是期待和緊張吧。
 
晚晚都睡不好。
 
也許是壓力太大，也許是太期待。
 
雖說明明已經叫自己平常心，輕鬆面對了的。
 
畢竟是豁出了一切的嘗試啊。廿多年來，從未試過這樣，毫無保留。
 

比起當年出版第一本結集《無城有愛》，或者第一次書展簽名會，更緊張。

 
各位支持我的朋友，不要以為還有以後，不要總是認為還有下次，下次先啦，再諗吓先啦……
 
有些事情，真的，可一，未必可再。
 
更何況，如果今次沒有成功，接下來，又會是更迥異的另一條路了。
 
《不能結婚的男人》夏川結衣皺起眉頭，強忍淚水跟左顧右盼的阿部寬說：「既然我已經那麼認真，把球拋過來了，怎麼你就不能好好把球接住呢？」
 
拋接球，是必須一個拋，一個接，才基本成立的吧。
 
我已經把球用有生以來最大的氣力拋出了。
 
你，把手遞起了嗎？
 
 
 

 

 

 
看來就是很日本風味的小說啊。
 
 
一打開，咦……好像有點奇怪……要不要試試拆開呢？但會不會摺不回來？
 
 
後面又係咁咕喎……死就死啦。
 
 
哇塞？看來王貽興這廝還真夠意思耶……
 

變~~~~身！大功告成！幹嗎這姓王的不送我一顆骰子幾隻棋？這張紙這麼大，應該用來玩玩康樂棋什麼的嘛……

 

《HHM003》製作秘話：

這是以我的小說《幸福在右邊》為藍本的Concept Tee。因為女主角迦南右邊耳朵聽不見，她也得由小曜守護，成為她的右邊，她和小曜，才得以完整。愛情就是這麼一回事吧，因為遇見，所以完整。我們尋找的，其實是我們渴望的、缺失的部分吧。

因此，這件Tee，一邊是耳朵，一邊是半顆心。合起來，就完全了。

順帶一提，我喜歡的《Power Puff Girl》，或者 Comme des 近年大熱的心心，也是這種feel的呢。 

 

 

p.s先旨聲明，《幸福在右邊》DVD只隨書展第一版小說附送，如果賣光了，我真的不敢肯定第二版還有沒有DVD送，因為，那是成本問題，由出版社話事，不由我控制，我已經努力爭取印製最大數量的了。

48 個回應到「拋接球」

  1. trayuen [遊客] 發表於: Jul 20th, 2008, 18:59

    一

  2. fooLyy [會員] 發表於: Jul 20th, 2008, 19:05

    我沒有把手遞起,
    只是把雙手舉得高高的,這樣可以嗎? 哈哈

    書展我買隻棋俾你玩...

    我得166,你記錯了...嗚

  3. 貽興 [會員] 發表於: Jul 20th, 2008, 19:07

    這樣也可以啊。這是接殺高空球的姿勢呢！你要不是內行人，要不，就是接球天才了。

    其實諗諗吓，真係可以出埋《幸福在右邊》棋嚟玩喎……

  4. tra.yuen [遊客] 發表於: Jul 20th, 2008, 19:07

    點解貽興你個blog咁hang既.....@@

    我決左買件tee啦XDD
    你POST左相003果件 :)

  5. 貽興 [會員] 發表於: Jul 20th, 2008, 19:08

    多謝你呀tra.yuen！記住訂果陣講埋想要咩碼喎。

  6. tra.yuen [遊客] 發表於: Jul 20th, 2008, 19:09

    第一次sd嗰陣唔記得咗講
    頭先補sd左啦..
    我呢啲學生荷包肝硬化架嘛..
    其實諗左幾日,今日先決定買XD

  7. 橙橙 [遊客] 發表於: Jul 20th, 2008, 19:15

    yeah! 我同我個friend就係send左email去買左呢件啦!!! 勁正呀, 有我最鍾意既粉紅色.. 入面既concept.. 耳朵同心... 真係好有meaning...

    我已經諗埋點穿法..我諗住用黎襯黑牛仔mini skirt.. 撞出黎d色應該幾好睇...

  8. fooLyy [會員] 發表於: Jul 20th, 2008, 19:17

    係喎,明明系拋接球,我蠢左

    出啦出啦出啦,
    我實捧場

  9. fire(+_+) [遊客] 發表於: Jul 20th, 2008, 19:24

    hey dude! u need to rest ar!!

  10. fire(+_+) [遊客] 發表於: Jul 20th, 2008, 19:27

    l will never rest idle:crazy:

  11. 文玲 [遊客] 發表於: Jul 20th, 2008, 19:33

    接住了接住了~~好快我便能把幸福及勇氣接住。以後人生就不一樣的了。

  12. siuyi [遊客] 發表於: Jul 20th, 2008, 19:36

    未到簽名會o個日賣哂咪死@@?

  13. 貽興 [會員] 發表於: Jul 20th, 2008, 19:48

    橙橙： 多謝你啊！我覺得襯洗水藍牛，或者裙仔波鞋，襯咩都ok架。 siuyi： 咁你就快手啦！ fire： i'm robocop....i don't need rest....其實係我想抖，但個人shut down唔到呢……你又唔抖？ 文玲： 嗯，接實了呀。

  14. WINSOME๑۩۞۩๑`ﾟ･*:. [會員] 發表於: Jul 20th, 2008, 19:54

    二興~我相信不單是你為書展的事而緊張，其實個個都很期待同好緊張,真的好有壓力!:roll:

    你說得對,有些野,只可一不可再,
    所以你出的每一本不論是新作品或是你的舊作品,
    我都會好好珍惜,好好將它保存。

    你拋接球我接到接到..真的幸福幸福。

    ** 希望你好好休息,睡得好一點吧**

  15. aimeemee [遊客] 發表於: Jul 20th, 2008, 20:07

    愈睇愈想帶晒佢地返屋企:lalala:

  16. szeping [遊客] 發表於: Jul 20th, 2008, 20:55

    我會全力去接你的書:)
    P.S. 手指好番未?

  17. 亞卿 [遊客] 發表於: Jul 20th, 2008, 22:48

    在你準備伸手擲球那刻開始，我的雙手早已鎖得緊緊。

    當你用有生以來最大的氣力把球拋出的一剎，我便能用有生以來最快的速度把球緊緊接住。

    儘管拋得再高再遠，也會跑上去把它接住。
    嗯，接了，沒有脫球。

  18. 貽興 [會員] 發表於: Jul 20th, 2008, 23:04

    卿！好厲害的接球員啊！果然值得信賴……

  19. 貽興 [會員] 發表於: Jul 20th, 2008, 23:18

    你地話咗撐我，訂咗未先？唔好得把口講喎……有人仲未訂咕喎……

  20. 亞卿 [遊客] 發表於: Jul 20th, 2008, 23:29

    嘩，有人未訂你都知？:crazy:
    你唔好話我知，你一腳踢，連訂貨都係你搞喎！
    冇...訂...果...d...人...，你地弊喇！
    快手啦各位！

  21. 貽興 [會員] 發表於: Jul 20th, 2008, 23:52

    哼哼，唔好理！總之我就知！頭先口響響留言果班人呀！點晒你地名架啦，未訂既，自己醒水啦吓！

  22. 文玲 [遊客] 發表於: Jul 21st, 2008, 00:13

    貽興我自首，呢排唔得閑(又懶:P)，明天回到公司第一時間會搞掂佢既嘞。;)

  23. 火火@hhmcrew [遊客] 發表於: Jul 21st, 2008, 00:15

    通水俾各貽興fans：我哋不停update啲貸量，限定貨亦即係限量啦，所以邊個訂咗係喺個list內，貽興點會唔知吖！

  24. Ying [遊客] 發表於: Jul 21st, 2008, 00:17

    看到你今期在雜誌寫的文章,感覺特別大
    一個長情的人,大概也最懂得傷害自己。

    p.s.請盡量別去擔心新書銷量,支持你的大有人在:)

  25. 明明 [遊客] 發表於: Jul 21st, 2008, 00:41

    全部訂晒，撐你，畀足面！

  26. 貽興 [會員] 發表於: Jul 21st, 2008, 00:46

    文玲：

    算你坦白，冇事啦！呵…

    明明：

    你一向抵錫！YEAH！

    YING：

    講得好好。我真係幾叻傷害自己囉……

    多謝你安慰呀，咁你支唔支持我先？支持咗未？

    火火：

    啊！仙道兄又出場了！

  27. 火火@hhmcrew [遊客] 發表於: Jul 21st, 2008, 00:52

    好！

    check了！明明，你做得好！

  28. Coral [遊客] 發表於: Jul 21st, 2008, 01:35

    唔駛咁緊張喎，你諗吓到時大家都著住HHM Crew嘅tee，攞住你D書嚟支持你，場面壯觀到呢~~~

    所以你依家要好好休息，keep住最佳狀態呀！

    嗯，即管盡全力把球拋過來吧！

  29. 貽興 [會員] 發表於: Jul 21st, 2008, 02:03

    好嘢！預埋你架啦coral，到時你都要著呀！

  30. fooLyy [會員] 發表於: Jul 21st, 2008, 03:02

    嚇到我即刻去改單,
    全部訂曬架,
    冇呃你

  31. 火 [遊客] · http://www.hhm-crew.com 發表於: Jul 21st, 2008, 03:45

    二哥!休息吧!補充多一點卓羅(查克拉)!偉大的航道有排走啊!~~~~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~你眼皮很重~~~~~~~:lalala:

  32. WINSOME๑۩۞۩๑`ﾟ･*:. [會員] 發表於: Jul 21st, 2008, 09:58

    二興~我已經訂左HHM003,:>>:>>

    不過唔知你是否有沒有看到我訂貨的資料..
    因為擔心是否已經收到。:D

    二興~可否告知你是否已經收到我訂貨的資料~

    請告訴我知好嘛。

    **thank's**;)

  33. 火火@hhmcrew [遊客] · http://hhm-crew.com 發表於: Jul 21st, 2008, 10:11

    winsome,

    自己check下！剛於15分鐘前已回電郵給你，再跟電郵內的指示做就可以。

  34. WINSOME๑۩۞۩๑`ﾟ･*:. [會員] 發表於: Jul 21st, 2008, 10:22

    剛剛check個E~貓已經收到你們的資料,

    ** 唔該晒 **

  35. siuyi [遊客] 發表於: Jul 21st, 2008, 12:32

    唔買會點架@@?

  36. 貽興 [會員] 發表於: Jul 21st, 2008, 12:40

    火火：

    這是催眠忍術嗎？你不用寫輪眼，是不能催眠我睡的啊！！你知道嗎？其實你已經墮入我的寫輪眼萬華鏡幻術裡了……

    一係我叫我既影分身瞓吓覺，滿足吓你啦……

    winsome,

    謝謝你啊！乖！

  37. aimeemee [遊客] 發表於: Jul 21st, 2008, 13:07

    我都send 咗email啦

    唔係空口講白話架:lalala:

  38. 文玲 [遊客] 發表於: Jul 21st, 2008, 13:30

    我都收到確認電郵，陴間就會去銀行"做野"B)

  39. Mandy [遊客] 電子郵件 發表於: Jul 21st, 2008, 19:54

    今日入咗數啦，
    個職員問我:知唔知個戶口名牙?入錯無得退架!
    嚇到我!!!
    好彩我對自己有信心，
    我將個戶口號碼check過n次，
    之後見到張入數紙寫住"ong yi hing"，
    之後就超放心了...
    想快d拎!!

    球我已接到了，
    而且把它握得很緊很緊了，
    不要擔心。

  40. 靖雯 [會員] 發表於: Jul 22nd, 2008, 00:37

    貽興~你唔讚我乖..=(..我訂左《HHM003》好多日喇~
    啱啱先收到確認電郵~會盡快入數~希望可以趕及書展拎啦~
    仲有呀~我firm左有得去mv發佈喇~!!!XDDDD好期待呀~HAHA~XDDD

  41. 貽興 [會員] 發表於: Jul 22nd, 2008, 01:08

    靖雯：

    確認電郵一早已經寄咗比你咯喎！依家先收到？係咪唔勤力check先？

    mandy,

    抵錫！嘢！

    文玲：

    等你！嗯！

    aimeemee,

    乖！呵呵！

  42. 靖雯 [會員] 發表於: Jul 22nd, 2008, 02:24

    係呀~貽興~啱啱先收到咋~:'(
    咁重視既野,我日日都CHECK架~個EMAIL係SHOW 21號先收到的~!!!搞到我幾緊張呀~唔係訂唔訂到又唔知趕唔趕得切拎~XDDD
    好彩如果25號趕唔切,27號都會係MV發佈會見到你姐~XDDD

  43. kekunc [遊客] 發表於: Jul 22nd, 2008, 13:04

    ehing,
    看了你今日的column,
    先知what's michael的結局原來係咁
    現實上, 故事中亦然
    既然你都話有0的野唔知好過知
    咁點解你又要令我知呢?.....

    望住家中同michael一樣樣的貓仔
    不禁有0的唔開心

  44. 貽興 [會員] 發表於: Jul 22nd, 2008, 16:30

    知咗既人，會忍唔住想講，好似連鎖信咁架……要講咗出嚟，先解咒架！

  45. melAnie =] [會員] 電子郵件 發表於: Jul 23rd, 2008, 02:02

    貽興：
    勞煩您解答我既疑問!若冇機會抽中去書展果個《幸福在右邊》MV首映，可以係第一版小說附送既 DVD 睇到嗎?

  46. 貽興 [會員] 發表於: Jul 23rd, 2008, 04:01

    都可以既。不過咁多人一齊睇，加埋過程秘辛分享，同埋現場神秘紀念品，氣氛又好唔同架！

  47. aucuneidee [遊客] 電子郵件 發表於: Aug 3rd, 2008, 10:13

    Bought《幸福在右邊》yesterday. Attempted to read it in one sitting.
    I was half way though.
    It got me hooked. Not a lot of books can get me hooked.
    Congrats. And thank you for all your passion instilled in this novel. It speaks for itself.
    Bonne chance. And again felicitations.

  48. 貽興 [會員] 發表於: Aug 3rd, 2008, 15:24

    aucuneidee ,

    謝謝你的回應。那是一本將來也可能無法再寫出的書，它的熱情，它的感染力，已經脫離了我獨立存在，不過我還是把握住那轉瞬即逝的一瞬，讓它具體成形了。

留下回應


你的電郵地址不會在本網站內顯示。

你的網址會被顯示。
:!: :?: :idea: :) :D :p B) ;) :> :roll: :oops: :| :-/ :( :'( |-| :>> :yes: ;D :P :)) 88| :. :no: XX( :lalala: :crazy: >:XX
(分行成為 <br />)
(名稱，電郵和網站)
(讓用戶通過郵件的方式與您聯絡（您的郵件將不會被發現。)
« 製作秘話之一：預冬撈men
千‧呼‧萬‧喚！！終‧於‧面‧世！！ »