七月
29

coma

本題目發表於 七月 29th, 2008 ( 02:30:55 ) | 並發表到 我.

大昏迷。

也許，是如釋重負吧。

總算是完成了，大半年來的重要任務。

人生的重要一節，我認為，是個很漂亮的逗號。

睡醒了，才是句號。

接下來又有各種新計劃接踵而來，暫且算是收拾舊局和開新景象之間的緩衝區，卻沒想像中空閒，雜務還是很多很多。

不過，至少心情上，也沒那麼趕急顛簸了。

 

這次推出的五本書，跟以往所有書，都是不同的。

個人意義，我早在這裡談過很多遍，我想說的是，以往推出的書，家人也會第一時間去買，但買了就擱下，買，不過是因為親人之間默默無由的支持。

但今次，我的家人，都有看。

而且，還是細味咀嚼。

昨晚回家，弟弟跟我說，她從來唔睇字的女友﹙偶然會看一些寵物和美容指南……吧﹚在車上頭暈暈但仍在堅持追看我的《幸福在右邊》，還說很好看；弟弟則堅持自己到書局真金白銀買本《素晴^ - ^日子》，今天回來，還看到他躺在床上偷偷在看《billy the kid》那一篇，看到欲罷不能﹙《孖寶弟兄》我寫完就立即列印出來給他看了，他還少有地被感動了呢﹚；剛才跟朋友msn，他列出《幸福在右邊》一堆頁碼，說那幾頁很感動，我本想翻起床邊那本《幸福》對照一下，怎料卻發現正在做腳底按摩機的母親正專注讀著，而且過了五分鐘還不放下﹙她看《無城有愛》只翻了一分鐘，最長的《關於旅行》也只是分開來計，斷斷續續的三分鐘而已﹚，我立即像誘捕的獵人那樣，佯裝沒看見，繼續如常活動，默唸你睇我唔到你睇我唔到……

生怕浣熊一發現，就立即逃之夭夭。

不過，我還是偷偷感動著的。

能感動全世界，卻無法感動最親近的身邊人，從來都是悲哀的吧。

終於，我打破宿命了。

50 個回應到「coma」

  1. 美仔 [遊客] 發表於: Jul 29th, 2008, 02:54

    從心寫出來的文字,是最令人感動,努力的成果,是得到大家的認同。這一次大膽的作品"幸福在右邊",現在每晚都在追看著,繼續努力,貽興!:)

  2. maji [遊客] 電子郵件 發表於: Jul 29th, 2008, 02:58

    貽興, 或者我年紀唔輕, 未必可以參與你太多聚會, 但很簡單地, 我將你所有書一同與我的友人分享
    take care 身體

  3. 貽興 [會員] 發表於: Jul 29th, 2008, 03:05

    不打緊，能現身支持當然好，不行的話，後排攻擊也是重要的啊。

    may仔！你最近還好嗎？多點看書，少點為感情煩惱啦！

  4. 少爺仔 [遊客] 發表於: Jul 29th, 2008, 03:56

    我返到屋企到依家都睇緊啊‥未捨得放低去瞓 :yes:

  5. 貽興 [會員] 發表於: Jul 29th, 2008, 04:06

    哇咁誇？唔係呀？﹙其實暗自竊喜﹚

  6. Coral [遊客] 發表於: Jul 29th, 2008, 06:47

    我都係喎，諗住睇一陣就去瞓覺，點知一睇就睇到天光，唔記得左去瞓。

    好大對熊貓眼......

  7. 桐 [遊客] 發表於: Jul 29th, 2008, 09:23

    同樓上coral一樣呀! 今朝上班時於地鐵哪管右手/右臂提著十噸重的東西, 也要留一手-拎住本書,唔係扶手!

  8. aki [遊客] 發表於: Jul 29th, 2008, 10:09

    昨天終於去了書展買你的書了。
    看到《幸福在右邊》真的很感動啊。
    可以幸運地買到。還有dvd。
    咁厚的書拿在手真的覺得很幸福呀。
    封面真係好靚。

    關於夢想的勇氣之書。
    我要開始看嚕!
    08感動的暑假現在才成式開始啊!!

  9. yan [會員] 發表於: Jul 29th, 2008, 10:11

    http://bp1.blogger.com/_PHdTLNfFxyg/SI3-uQJ5FMI/AAAAAAAAALc/a6V47gUzvDA/s1600-h/%3F%3F%3F001.jpg

    貽興　ａｐｐｌｅ日報的訪問，大家也上去看一看吧！　;)

  10. 文玲 [會員] 發表於: Jul 29th, 2008, 10:28

    我都正努力研讀緊"幸福在右邊"讀了四份一了。到目前為止最令我深刻感動的是貽興你寫~~自己想要什麼便開口說出來的幾句。好深感受呀。
    貽興~~你張相好靚仔，好有少男情懷呀。:))正:P
    我會好好努力看完"幸福"後給你一個讀書報告，你也要為你的"透明人"努力準備呀。

  11. fooLyy [會員] 發表於: Jul 29th, 2008, 12:29

    5本睇曬lu
    幸福隻碟都係咁play黎睇!
    岩岩有fd係書展,打黎問有咩好書
    我都即刻話幸福...xd

    我最喜歡素晴
    會侵蝕我既思緒
    將我個心扯入去
    成個腦充滿幻想

    貽興隻眼真系好靚
    第一次見佢我已經同身邊既人講
    "佢隻眼藍得好夢幻!!"
    雖然後來見變左色
    但係依然咁閃爍...(認真)

    呀!!借問聲,10/8點報名?
    邊個靚女可以話我聽?

  12. Candyy))))) [遊客] 發表於: Jul 29th, 2008, 13:25

    把《幸福在右邊》完完全全的看完了，急不及待要跑上來告訴你(笑;;像等待賞賜的孩子..XDD)
    嗯，謝謝你，因為沒試過看一本小說好像親歷其景，每一幕都能夠幻想出每一場的場景..(笑)
    嗯，你成功了!!!塑造了日劇院線!!!((XD我是個日劇痴..XDDD))

    :D 謝謝你，讓我這個剛接觸到社會真實面的女孩，亦知道..(笑)大人世界(是你喔XDD)亦有人單純相信愛和夢想。這樣我有勇氣硬著頭皮跑(其實我想行啦..)下去..=]]]

    嘿嘿,,透明人的故事開始期待XDD

  13. 桐 [遊客] 發表於: Jul 29th, 2008, 13:36

    foolyy::
    我唔係靚女, 但我都好想報名去呀!
    直覺話我知我好大機會我一定會唔夠人爭

  14. 皓雪Sammie [會員] · http://www.openbooknet.com/blogs/u/sammie/ 發表於: Jul 29th, 2008, 13:39

    我記得，第一本參與其中的書，拿回家中送一本給老爸，他竟然坐在廳中一小時，將我寫的全部看一次，比他在「刨」馬經時更專心，還看到他小心地收藏起來，那份感動，比我看到它成為新書暢銷榜頭十名還要厲害。希望有一天，像你一樣，寫一些屬於自己的東西。共勉之﹗今次我的小朋友，被人擱在一旁，樣子蠻可憐的，書展中，應該沒有人察覺到它的存在:oops:

  15. Mandy [遊客] 電子郵件 發表於: Jul 29th, 2008, 13:39

    我都睇到3點幾先捨得去訓。
    真係好正，好想快D睇哂佢。

  16. 貽興 [會員] 發表於: Jul 29th, 2008, 13:44

    我諗我地應該可以組一隊熊貓人海盜團，個個都睇到變晒熊貓……不過真係好感動呢。大家都睇到唔捨得放手……記住唔好錯過呢份感動，將胸臆滿滿既堅決，變成追求夢想既動力，立即起步跑呀！

  17. 天蠍 [遊客] 發表於: Jul 29th, 2008, 13:49

    我少留言唔代表我唔支持架，
    天蠍族人感情係內歛啲架啦!
    你見天蠍無聲無色咁早到場
    就知我其實係好在乎你架啦!
    嘩卡卡!~~~ :>
    你無理由咁都feel唔到架喎!!!
    點都好啦，多謝你既努力，
    令我今年既夏天變得感動!
    記住天蠍係會繼續支持你架!
    就好似支持最初既你咁一樣。
    果日買晒你啲書開始睇緊喇。
    睇完"預冬撈men"發現自己...
    既愛情觀愈來愈佬添，死症!|-|

  18. Zoey [遊客] 電子郵件 · http://www.xanga.com/bingyin 發表於: Jul 29th, 2008, 13:50

    貽興!要保重身體呀~~~至少8月10號之前5好病,,,;D
    係wor,果日我地係邊度搞分享會呀?快d話我地聽la~~~我實著住件tee黎:))
    多謝你,貽興!你的書,令我這個有點頹廢的中學生,在這個沉悶的暑假重拾了生氣,讓我相信夢想仍值得追逐!至於我的故事嘛,,,讓我8月10號告訴你吧~
    p.s.為了配合幸福在右邊的感覺,我決定用一張學校的長單行紙寫讀書報告給你,,,呵呵!!!

  19. Kan Kan [遊客] 發表於: Jul 29th, 2008, 15:00

    幸福~~
    幸福~~
    幸福~~
    被幸福包圍了:p很愛小曜和迦南........

    昨天我看到迦南唔見左隻"大魔王".....
    想起我在27號書展唔見左隻"彩頭爆炸仔"...
    心情同迦南一樣呀我.......
    現在只可祝爆炸仔旅行愉快....:-/

  20. 小倩 [遊客] 電子郵件 發表於: Jul 29th, 2008, 15:21

    嘻,,,我是寫email來打擾貽興的那個哇,,,;)
    我又再一次把幸福在右邊看完了.
    原來感覺是那麼的不一樣,
    感覺更親切,更感動,更投入,
    而且,今次還有人陪伴我一起看喔!
    就是大魔王了,
    我寫了email給你之後就動手做了一個自己想像中迦南的大魔王,
    雖然我知道它一定跟迦南的不一樣,
    可是我真的覺得它會帶給我幸福,
    因為我跟它有約定了,
    是有關我的夢想的約定(不告訴你,,,:D)
    你說的嘛,,,要好好抓住自己的夢想. :)

    最後,我post它的樣子給你看好嗎?
    http://i36.tinypic.com/24e57c8.jpg
    hee,,,
    真的最後了,
    我跟大魔王祝福你喔!
    加油!:p

  21. WINSOME๑۩۞۩๑`ﾟ･*:. [會員] 發表於: Jul 29th, 2008, 15:27

    二興~開始投入看你送給我那份幸福啊~;)
    我要放點時間認真的看看幸福的書本。:>>

  22. 亞卿 [遊客] 發表於: Jul 29th, 2008, 15:33

    我確切知道，你的路一定會愈走愈遠，前面等著你的是無窮盡的邊界，除了逗號COMA，還想送你「無限符號∞」infinity一個。

    你的傻勁、你的固執、你的理想，將會送你到更遠的地方去。「喜歡跑的人，是不會為誰而停下來的...只有用盡全力奔跑，才最接近飛翔(幸福)」。

    我想，只要能讓你不停跑不停跑，跨越一個又一個的跳欄，把一切夢想逐一化為事實，你便會感到幸福。

  23. 小周 [會員] · http://www.openbooknet.com/blogs/u/ema/ 發表於: Jul 29th, 2008, 15:33

    不是coma，semicolon 分號先岩。
    你的生命還有很多出口的

  24. tra.yuen [遊客] 發表於: Jul 29th, 2008, 16:10

    今日又去多次書展…
    頭先見到有兩個十幾歲既女仔
    其中一個指住你本書話「佢好有才華呀，應該好好賺」
    不過貽興你出書好唔好賺我就唔知勒…B)

  25. WINSOME๑۩۞۩๑`ﾟ･*:. [會員] 發表於: Jul 29th, 2008, 16:30

    二興~其實唔些『幸福在右邊』令人更加更加感動..我看了你的"素情日子"也有感動位。


    ﹝素情日子﹞好好好好睇..加上d彩色公仔劃得好靚.文字寫得更加好之餘也令我看得感動。
    希望這些的書唔止感動到其他人,也感動你的家人~

    二興~繼續寫下去你來緊冬天的新作..去北海道搵靈感寫好下一本書籍.
    由今天開始我預留資金買你下一本新作,
    等緊你下一本新作出現.努力寫...

  26. 天蠍 [遊客] 發表於: Jul 29th, 2008, 17:36

    岩岩無記娛樂新聞台出左貽興mv試播會個訪問，
    有裝既朋友記得開電視睇咯!~~(哈!賣左個廣告)

  27. 靖雯 [會員] 發表於: Jul 29th, 2008, 18:04

    貽興~~只要你用心做的事情,無論如何都會有人欣賞的~而我就無論你做咩,我都會默默地支持你~!
    儘管不能見面~但我會盡力令你感受到我的支持了~!!!
    家人的支持真是十分重要喔~有家人的一句支持說話,沒有事情可以難倒自己的了~!!


    加油~努力~記住要爭取時間休息呀~!!!XDDDD
    如果唔係,你將會變成史上黑眼圈最勁的人類喇~!!!XDDDD

    睇埋《幸福》再講讀後感啦~!!真係好難捨得放低佢架~!!!
    哈哈~琴晚一路睇搞到我唔記得去沖涼呀~!!哈哈~4點幾先去沖涼我都係第一次試呀~!!HAHA~XDD沖完仲要繼續睇TIM~一路到天光呀~!!!HAHA
    今晚可以試下破紀錄呀~!!HAHA~!!

  28. 文玲 [遊客] 發表於: Jul 29th, 2008, 18:11

    史上黑眼圈最勁的人類，即係唔只一個啦。應該係所有買左《幸福在右邊》既人，咁我地d船員咪係用熊貓眼做記認囉88|我今晚返屋企又唔知睇到幾點先捨得瞓了。:P

  29. JOEY [遊客] 電子郵件 發表於: Jul 29th, 2008, 18:58

    你真係應該好好訓一覺喇...
    見我問你之前個晚有冇訓你就知你個黑眼圈幾「壯觀」啦....=P
    熊貓人海盜團呢個名唔錯...哈哈..應該幾岩我地...
    為左幸福在右邊...我都可以加入埋熊貓人LU...哈哈
    媽媽睇左5分鐘都唔停, 破左紀錄喇喎..XD
    佢一定會睇埋落去既!!

    PS.留言既少爺仔係咪姐係HHM既少爺仔呀?

  30. 珍娜 [遊客] 發表於: Jul 29th, 2008, 19:41

    夏里突然 show quali 嗰下, 好驚訝! 我估身邊好似夏里咁隱藏實力嘅人的確唔少...

    熊貓眼加埋歪身人吖唔該,帶本書出街擺o係手袋,孭到個人側埋一邊行呀...

  31. 美仔 [遊客] 電子郵件 發表於: Jul 29th, 2008, 20:15

    貽興,最近已再沒有為感情事而煩惱了,現階段已經開始專心找工作,和你一樣,快將來臨的8,9月是接受新挑戰的開始。祝5本新書繼續大賣,新計劃仍然順順利利:)

  32. Devil [遊客] 發表於: Jul 29th, 2008, 21:06

    你今日做了壞事未?
    我已回到地獄﹐
    等你 : P

  33. K [遊客] 發表於: Jul 29th, 2008, 21:27

    哈哈 lee幾個禮拜都要返學啊 無乜時間看書

    不過每日臨睡前都忍不住去看下 點知看看下都已經12點幾啦 搞到第二早好眼訓XD

    過左8月5號我就可以完全自由 到時再一次過煲曬本書 唔使好似衣家咁 斷斷續續地看B)

  34. sandyka39 [遊客] 發表於: Jul 29th, 2008, 22:00

    哈！係書展買左《素晴^.^日子》同《愛情作孽》
    今日睇完《素晴^.^日子》，係睇ｏ既時候，有ｄ混淆，因為唔同ｏ既標題有唔同ｏ既人物。我都未試過睇呢類型ｏ既書啊！
    而嫁好努力睇緊《愛情作孽》，希望可以盡快睇完！原本諗住買埋《幸福在右邊》，不果．．．．．冇哂錢:(，打算出書局買番。
    最後，希望你身體健康（因為最近好似好多人都感冒）同再有新作品！
    永遠支持你的作品！！:>>

  35. pengjy [遊客] 發表於: Jul 29th, 2008, 22:10

    服左你地咯， 个个都睇晒本《幸福在右边》。睇书速度超惊人！！！我个心都想快d睇晒我买的一大堆书，无奈我睇书速度劲似蜗牛......死啦~ 都唔知要睇到几时先可以睇晒贻兴d作品？！

  36. anna [遊客] 發表於: Jul 29th, 2008, 22:35

    貽興, 我努力中呢!
    希望快d睇完,變做大熊貓!

  37. anna [遊客] 電子郵件 發表於: Jul 29th, 2008, 22:38

    PS. 仲有睇左小小"預冬撈men", 真係好正好實用wor!

  38. 麾莉 [遊客] · http://blog.pixnet.net/molistation 發表於: Jul 29th, 2008, 23:22

    有人主動去細閱自己的作品, 那種感覺我完全真係唔識講; 你令我想起7年前第一次跟畫畫同學及老師辦畫展時的一幕。在畫展將近結束前, 有位我不認識的一個衣著極斯文之男士, 在我其中一幅作品前, 先看了3秒, 然後再貼近多10cm來細看, 那時我真是呆了。

    開始寫下一本作品了嗎??
    我很羨慕你, 可以將自己的感覺寫出來, 我不太懂, 坐1整天也可以沒一粒字可以寫出來; 我只可以用圖像去表達自己。

  39. sandyka39 [遊客] 發表於: Jul 29th, 2008, 23:38

    麾莉 ,你仲可以用圖像去表達自己。但係我連圖像都唔得。即係我寫又唔得，晝又唔得。成績都唔係既好，往往都覺我自己超冇用，父母對我都有期望但係我又做唔到。身邊既同學都考得好好，我有時仲覺得自己唔配做佢地既朋友．．．簡單ｄ嚟講我係一個廢人，咩都唔好既人。:no:

  40. 靖雯 [會員] 發表於: Jul 29th, 2008, 23:50

    sandyka39,唔好對自己咁冇信心啦~!!!
    天生我材必有用嘛~!!!!
    個個出世都係一樣架啦~~!!咩都唔識~只係人地已經搵到自己既專長~而你還在認真地摸索當中姐~!!!!總有一日你會好似貽興咁,搵到一樣自己鍾意既事作為自己的專長喔~!!!加油~!!!;-)

    貽興~我講得啱唔啱呢.....
    我幫你手安慰人~hehe,係咪一個乖fans呢~!!haha~XDDDD

  41. sandyka39 [會員] 發表於: Jul 30th, 2008, 00:00

    謝謝你的安慰！
    雖然我每次都係咁安慰自己，但係好似都已經猜咩作用．．．
    我都希望我真係可以搵到自己ｏ既專長．．．唔駛咁無用，下下都比人睇死

  42. 靖雯 [會員] 發表於: Jul 30th, 2008, 00:05

    你放心~就算你俾其他人睇死~貽興既FANS都係唔會睇死人的~!!=]加油~!!!!
    做好自己,問心無愧就得喇~!!!=]

  43. 阿紫 [會員] · http://www.openbooknet.com/blogs/u/KiTszLing/ 發表於: Jul 30th, 2008, 00:16

    其實今個人的成功背後都下過好一番苦功，
    我最初也是畫圖不行，寫作不行的。
    不過只要向着目標一直往前走，
    終有一天可以成功的。
    我很羨慕很多作家可以出版自已的作品，
    有時候，自己寫稿也會想放棄。
    但是，我知道，每一個作家的背後，
    曾經被否決的、被退的稿，一定比我寫過的還要多。
    所以我才能堅持到現在。
    只要瞧着想要走的路而努力，你一定會成功的。
    （看來我真的很喜歡搭傘XD）

  44. 阿紫 [會員] · http://www.openbooknet.com/blogs/u/KiTszLing/ 發表於: Jul 30th, 2008, 00:17

    0口0，打錯字了
    是"每個人"

  45. JOEY [遊客] 電子郵件 發表於: Jul 30th, 2008, 00:24

    嘻嘻, 每個人的專長也不大一樣吧
    這樣我們才會 更 懂得欣賞別人

    sandyka39, 你所提及的就只是寫和畫呀
    人生還有更多的可以做
    不能寫,不能畫, 也不代表這就是一個廢人吧!
    不要只因為成績不好就一厥不振呀!
    你也要努力追尋自己的夢想, 自己的好
    達到夢想的路不易走, 加油

  46. tiffany [遊客] 發表於: Jul 30th, 2008, 01:12

    今日返工一路看鋪一路睇'預冬'
    睇到好多位勁入肉，忍唔住自己一個人笑左出黎。貽興，五本書我暫時買得2本咋，'素情'個溫度真係幾好，睇完個feel 好warm 好想睇埋你其他新作，由其係寫家人那幾篇，幾年前既文章已有小表妹睇到佢e家大左，彷彿大家在一齊成長的感覺.

    好可惜我未買到'幸福'ar,邊間書局有大家話聲我知ar，希望10號前睇完同埋向公司順利攞到假去你個小聚會la!!!

    你快d籌備+公報長程wor!!!!:D

  47. 史丹尼兄 [遊客] 電子郵件 發表於: Jul 30th, 2008, 01:31

    ;)我會好好分享這五本書給我朋友,件衫ok ma?

  48. Ellen [遊客] 發表於: Jul 30th, 2008, 01:46

    貽興,琴晚係首映會比左本書你簽,
    你寫左「努力生活」。
    我會好好記住架，你都一樣要呀。

    黎緊要繼續出更多書，讀者們等緊你，所以有人會為你的書而感動，所以休息一陣好喇！

    大家都要努力呀。

  49. SIU YU [遊客] 電子郵件 發表於: Jul 30th, 2008, 02:18

    ^^抱著重重的幸福回家...未睇先興奮啦!sunday那晚我都訓得很好呢﹗
    工作很忙現在才回家...第一時間探下你>.=
    到底8月10日是什麼活動呢...我也很想參加...很久沒有一大班人出外玩玩了...大家可以預我嗎？

  50. 貽興 [會員] 發表於: Jul 30th, 2008, 03:45

    紫：

    謝謝你的書和信，努力寫下去，不為什麼，別輕易放棄。

    sandyka39：

    人地睇唔睇死你根本唔重要，你先睇死你自己，你唔敢試，先至係死因。

    麾莉：

    什麼途徑都好，能用創作表達自己，都是一件幸福的事，不是嗎？

    珍娜：

    歪身人？我諗起家師《天工開物》既扭曲人，哈哈。

    JOEY：

    此少爺仔乃本人粉絲會會長，非彼少爺仔也。

    天蠍：

    野！多謝你咁錫我。天蠍萬歲！

    小周：

    謝謝你的漂亮演繹啊。分號，嗯，很好。

    小倩：

    大魔王公仔很可愛啊！不過我想像的那隻，是更醜怪的……有了夢想約定，就要努力實踐了，否則會有大魔王詛咒的啊！阿魯巴！

    ZOEY：

    等你的單行紙讀後感啦！努力追尋夢想！加油！

    史丹利兄：

    謝謝啊！很漂亮呢！

留下回應


你的電郵地址不會在本網站內顯示。

你的網址會被顯示。
:!: :?: :idea: :) :D :p B) ;) :> :roll: :oops: :| :-/ :( :'( |-| :>> :yes: ;D :P :)) 88| :. :no: XX( :lalala: :crazy: >:XX
(分行成為 <br />)
(名稱，電郵和網站)
(讓用戶通過郵件的方式與您聯絡（您的郵件將不會被發現。)
« semicolon;
幸福的逗號 »