吸收了正能量，晚上反而不易入睡。是因為充盈光明教我太興奮，還是因為能量無處宣洩？不曉得呢。連續幾天都清晨才睡，睡不了一會又起床，幸好今天下午曬了一會太陽，才比較精神。
「R冤」開鑼，第一天已經無覺好瞓，阿媽晨早扭開電視，好似打八號風果時咁肉緊，睇到依哇鬼叫，我細佬又陪佢癲喎，一人幫一邊，嘈到拆天，仲點瞓呢？我唔明點解一世冇咩點運動既媽咪，睇人舉重射靶會咁投入，緊張過自己落場，嗌果一聲「好！」，內行過識打籃球既我睇住NBA拍脾大叫果一下。
最正係，媽咪睇人打拳，係咁大叫：「打死佢！打死佢！」我即場傻眼……
佢又回復一貫嬌羞甜美。掩嘴，腼腆一笑，叫我借開。
死未。
你以為晨早排隊入場，結果啲馬未盛裝舞步已經瞓晒既香港人好正咩？我阿媽仲正喎。
我呢個「R冤」冷感大王，好在有我呢個媽咪戥番勻。
