- 把自己迫到絕路，然後看看自己潛能，一向是我提昇的方法。
- 上年五本，今年十五本。
- 比去年進步兩倍，嘿，我仲唔係今年MIP 與 MVP？
- NBA總決賽又打完咯~~其實以前真係唔係幾喜歡拜仁。
- 尤其佢成日懶叻挑戰佐敦果陣。
- 但佐敦唔響度咁耐，望住佢，佢又係唯一最有佐敦味道既一個球星……
- 有時都忍唔住懷念，甚至將對佐敦既喜歡，投射咗響呢個咁似佐敦既人身上。
- 呢種感覺真係複雜。
- 好似電視劇鍾意咗仇人個仔咁~~
- 六月尾推出既《一路走來》同《原來戀愛2》呢個星期尾拎去印啦~~
- 15本書既封面已經睇晒，興奮到呢~~~
- 好想拎出嚟同大家分享，但又怕冇晒神秘感~~~
- 其實一星期講一本，都可以講足成四個月啦，哈哈哈~~~
- 不過呢，有時都係保持神秘好啲既。
- 最近真係冇咩好戲睇，又冇劇煲。
- 《變型金剛2》斷估唔會失望啩？
- 激死我部儲咗幾年無數絕版好歌既i pod突然有日開機咩都冇晒。
- 冇咯，冇咯。
- 有咩好儲吖人生，勤勤懇懇，到頭來咪又係咩都冇？
- 及時行樂最緊要。
本周金句：
「不要以為你能寵壞我，因為我比你所想的，還要壞。」
